Taratur do sude na di alam semesta on. Sada artikel di majalah Astronomy mandok, “Dang sursar letak ni akka galaksi na di langit. Adong do pola na diihutton galaksi i. Bentuk ni polana i songon jaring.” Akka ilmuwan porsea on boi terjadi ala adong zat na so boi diida mata, na digoari materi gelap. Materi gelap on i ma “sada kekuatan na so boi diida na boi manahan sude galaksi asa boi tetap di ingananna”.

Boasa boi taratur sude na di alam semesta on? Menurut hamu mungkin do i terjadi secara kebetulan? Manang adong do na manoppa i sude? Parrohahon ma komentar ni si Allan Sandage. Termasuk do ibana “sada sian astronom na unjago di abad ke-20” jala porsea do ibana na adong Debata.

 Ibana mandok, “Au merasa dang mungkin letak ni akka na adong di alam semesta i muncul secara kebetulan. Pasti adong do hukum na mambahen i gabe taratur.”

Dirancang do denggan alam semesta on asa torus adong hangoluan. Taparrohahon ma energi na mambahen mataniari boi tetap tarbakkar di tingkat na stabil. Molo moru balga ni energi i, dang na lao hea terbentuk mataniari. Jala molo tamba balga ni energi i, nungnga hancur be mataniari sian najolo.

Energi on ma sada sian godang hukum naung ditottuhon di alam semesta on, jala dihaporluhon do on asa torus adong hangoluan. Si Anil Ananthaswamy panurat ni sains mandok, “Molo adong sada sian akka hukum alam i na asing rancanganna sian naung ditottuhon, pasti dang boi terbentuk bintang, planet, dohot galaksi. Jala molo terjadi i, pasti dang adong hangoluan.”

Holan sada do planet na boi diingani jolma di alam semesta on. Godang ni atmosfer dohot godang ni aek na adong di planet Bumi sesuai do sude ukkuranna. Jala ukkuran ni bulan na sempurna mambahen planet Bumi on tetap adong di posisina. National Geographic mandok, “Saling berkaitan do sude sistem geologi, ekologi, dohot biologi na adong di tano on. On ma na mambahen holan planet Bumi do na boi diingani jolma.” *

Menurut sahalak penulis, tata surya na adong di galaksitta on “dao do jarakna sian akka bintang na asing”. Alai posisina on do na mambahen adong hangoluan di tano on. Molo jonok hita tinggal tu bintang na asing, misalna tinggal di tonga-tonga manang di ujung ni galaksi, boi do i berbahaya tu hangoluan alani radiasi sian akka bintang. Alai akka ilmuwan mandok posisi ni planetta on adong di bagian “galaksi na cocok lao diingani jolma”.

Sesuai tu ilmu pengetahuan taringot alam semesta dohot akka na di bagasanna, sahalak ahli fisika si Paul Davies menyimpulhon songon on: “Sian posisi ni inganatta na di alam semesta on, boi do au yakin alam semesta on adong dang secara kebetulan manang adong ala terjadi kecelakaan di ruang angkasa. . . . Alai memang na dirancang do asa tinggal hita di planet on.” Dang hea diajarhon si Davies na Debata manoppa alam semesta on songon i nang jolma. Alai boha do menurut hamu, mungkin do i terjadi molo dang adong na merancang?