Na ditoppa Debata do alam semesta on dohot sude isina, manang na terjadi kebetulan do i? Hata ni dua halak ahli fisika na dikutip di artikel on dohot alus ni Bibel mangalehon alus na berbeda tu sukkun-sukkun on. Adong do halak na porsea tu hata ni ahli fisika i, alai adong do tong halak na porsea tu hata ni Bibel i. Jadi godang do halak na bingung lao mamillit na dia na ikkon dihaporseai. Bahkan diperdebatton akka halak do taringot on di TV dohot di akka bukku na terlaris.

Akka gurumuna na di sikkola pe diajarhon do molo alam semesta on dohot sude akka na mangolu di bagasanna adong secara kebetulan, dang adong na manoppa i. Alai adong do dilehon gurumuna i bukti na tutu do dang adong na manoppa? Asing ni i hea do mungkin dibege hamu diajarhon akka pemimpin agama na adong manoppa alam semesta on. Alai dipaboa nasida do bukti tu hamu na tutu hatana i? Manang holan didok nasida do, bah ikkon porsea do hamu tu na diajarhon agama.

Pasti nungnga hea dipikkirhon hamu taringot on. Olo do mungkin dirasa hamu dang adong halak na boi mambuktihon na tutu adong Panoppa i. Jala olo do ra sukkun-sukkun rohamuna: Penting do memang dilului alus ni sukkun-sukkun on?

Jadi dipaboa ma parjolo di majalah Dungo ma! on akka bukti lao paposson roha ni akka halak na tutu adong Panoppa. Jala dibahas ma muse di majalah on, boasa penting talului alus ni sukkun-sukkun taringot asal usul ni hangoluan di tano on.