Na Didok Bibel

Tu Aha ma Diihutton Hamu “Olahraga na Berbahaya”?

“SAONARI NUNGNGA GODANG SIAN HITA NA DOHOT MANGULAHON TERJUN PAYUNG, MELUNCUR SIAN DOLOK, MENGARUNGI AIR TERJUN MAMAKKE KAYAK, JALA MENYELAM RAP DOHOT HIU.”—SURAT KABAR WILLOW GLEN RESIDENT.

KOMENTAR ni surat kabar on patuduhon, on ma akka olahraga na dihalomohon godang halak saonari. Lam godang ma halak na dohot mangulahon terjun bebas, panjat es, paralayang, dohot loncat BASE. * On patuduhon lam godang do halak na olo mengambil resiko. Jala adong do akka halak na mangalului inganan na berbahaya lao mangulahon olahraga na sebenarna dang berbahaya. Misalna, lao do nasida tu dolok na untimbo manang inganan na untimbo, lao berolahraga mamakke snowboard, sepeda gunung, skateboard, dohot roller blade. Songon na dipaboa di majalah Time, ala lam godang saonari halak na mangulahon “olahraga ekstrim”, gabe dohot ma marjuta halak mangulahon i. Diulahon nasida do “olahraga na berbahaya, na mambahen mabiar, jala na membutuhkan keterampilan. Gabe sonang ma roha ni akka olahragawan dohot atlet profesional mangulahon i, ala boi diulahon nasida lobi sian kemampuan ni nasida”.

Alai godang do biaya na kaluar alani olahraga na berbahaya on. Alana gabe lam godang do halak na cedera tikki mangulahon olahraga na sebenarna dang berbahaya, ala diulahon nasida i di tempat na berbahaya. Di taon 1997, martamba do godang ni halak di Amerika Serikat na ikkon dirawat di ruang gawat darurat, ala mangulahon olahraga na berbahaya. Misalna, na celaka ala bermain skateboard martamba lobi sian 33 persen, na celaka ala bermain snowboard martamba 31 persen, jala na celaka alani panjat gunung martamba 20 persen. Jala unggodang do na celaka alani olahraga na asing, termasuk ma godang na mate. Sebenarna diboto akka na mangulahon olahraga i do bahayana. Didok sahalak borua na dohot tu olahraga ski ekstrim do, “Sai tarbayang do au mate.” Jala sahalak pemain snowboard profesional pe mandok “molo dang celaka hamu, berarti hurang semangat dope hamu”.

Alani i boha do seharusna pandangan ni halak Kristen tu olahraga sisongon i? Boha do carana prinsip ni Bibel mangurupi hita mambahen keputusan naeng dohot do hita mangulahon i manang na dang? Molo tapikkirhon pandangan ni Debata taringot hangoluan, boi ma taalusi sukkun-sukkun i.

Pandangan ni Debata taringot Hangoluan

Didok di Bibel, ‘Sian Jahowa do ro hangoluan.’ (Psalmen 36:9) Dang holan asal adong hita ditoppa Ibana, alai diparade Ibana do sude na tahaporluhon asa boi marlas ni roha. (Psalmen 139:14; Ulaon ni Apostel 14:16, 17; 17:24-28) Alani i, dipangido Ibana do asa tajaga hangoluan naung dilehon Ibana tu hita. Dilehon Ibana do hukum dohot prinsip tu halak Israel najolo, na boi mangurupi hita mangattusi i.

Dipaboa do di Hukum ni si Musa, ikkon berusaha do ganup halak asa dang mambahen celaka halak na asing. Molo dang diulahon ibana i jala adong na mate, gabe marutang hosa ma ibana. Misalna, molo pajongjokkon jabu sasahalak, ikkon dibahen ibana do pagar tembok di atap ni jabuna. Molo dang diulahon ibana i jala adong na mate madabu sian i, gabe marutang hosa ma ibana. (5 Musa 22:8) Jala molo adong lombu na mananduk sasahalak sappe mate, dang martanggung jawab nappunasa lombu i. Alai molo memang sering do lombu i mananduk, jala nungnga dipasingot halak nappunasa lombu i, alai dang diparrohahon ibana lombuna, gabe marutang hosa ma ibana. Jala ikkon dipamate do ibana. (2 Musa 21:28, 29) Ala arga do hangoluan di Jahowa, boi ma tarida sian Hukumna massai arga do hangoluan.

Diboto akka naposo ni Debata na setia do, marlakku do tong prinsip on tu ulaon na beresiko. Di sada tikki, hea do dipaboa si Daud pangidoanna tu akka tentarana. Didok ibana, “Autsugari ma boi huinum aek na sian sumur na di labbung ni gerbang ni Betlehem i!” Tikki i, halak Palistim do na mangarajai Betlehem. Dung dibege akka tentarana pangidoan ni si Daud i, lao ma nasida masuk tu perkemahan ni halak Palistim. Dung i, dibuat nasida ma aek na sian sumur di Betlehem i. Jala diboan nasida ma aek i tu si Daud. Boha do reaksi ni si Daud? Dang olo ibana manginum i, alai diusehon ibana ma aek i tu tano. Didok ibana do, “Dang tarinum au aek on, ai mabiar do au tu Debata! Songon na manginum mudar ni halak on do au molo huinum i. Ai nungnga pola martaru hosa nasida lao mambuat aek on!” (1 Kronika 11:17-19) Dang olo si Daud mambahen halak na asing gabe celaka holan alani hasonanganna.

Songon i ma tong na dibahen Jesus. Di sada parnidaan, disuru Sibolis do Jesus asa mandabuhon dirina sian pussu ni tembok ni bagas joro, lao mamboto diurupi suru-suruan do ibana manang na dang. Alai didok Jesus do, “Unang uji hamu Jahowa Debatamuna.” (Mateus 4:5-7) Jadi diboto Jesus dohot si Daud do, dang lomo roha ni Debata molo taulahon ulaon na beresiko, na boi mambahen ngolutta dohot ngolu ni halak na asing gabe bahaya.

Molo tapikkirhon akka contoh on, olo do ra sukkun-sukkun rohatta, ‘Boha ma carana manottuhon sada olahraga berbahaya manang na dang? Jala boha ma carana asa unang gabe celaka hita tikki menikmati hiburan dohot olahraga na so berbahaya?’

Umbalga do Resikona?

Asa tabogo umbalga do resiko ni sada olahraga manang na dang, ikkon jujur do hita tu diritta sandiri. Misalna tasukkun ma diritta, ‘Balga do resiko kecelakaan di olahraga on? Tarlatik do au mangulahon on? Adong do perlengkapan na boi melindungi au asa unang cedera? Gabe boha ma molo madabu au, sala mangakkat, manang sega perlengkapanku? Holan mambahen lukka na gelleng do i? Manang boi do gabe cacat manang mate au alani i?’

Boi do gabe sega hubungan ni sasahalak tu Jahowa holan alani hiburan na beresiko. Jala boi do gabe dang memenuhi syarat ibana lao mandapot tanggung jawab di huria. (1 Timoteus 3:2, 8-10; 4:12; Titus 2:6-8) Takkas ma, ikkon dipikkirhon halak Kristen do boha pandangan ni Debata taringot hangoluan, termasuk ma i tikki menikmati hiburan.

[Surat na di Toru]