1. Aha do na diulahon naposo ni Jahowa sian najolo?

 PASTI holong hian do rohamuna tu Jahowa. Sian najolo pe, godang do halak na makkaholongi Jahowa. (Ps. 104:​33, 34) Godang do na mambahen pengorbanan lao melayani Jahowa, termasuk halak Nasir di jaman ni halak Israel najolo. Ise do nasida, jala aha do na boi tatiru sian nasida?

2. (a) Ise do halak Nasir? (4 Musa 6:​1, 2) (b) Boasa adong halak Israel na olo gabe halak Nasir?

² Hata “Nasir” dibuat sian hata Heber na lapatanna “Halak na Dipapulik”. Halak Nasir, i ma halak Israel na semangat jala rade mambahen pengorbanan khusus lao manomba Jahowa. Di Patik ni si Musa, boi do sahalak bawa manang borua marsumpa tu Jahowa naeng gabe halak Nasir saleleng piga-piga tikki. a (Jaha 4 Musa 6:​1, 2.) Tikki dibahen ibana sumpa i, marjanji do ibana mangihutton piga-piga aturan khusus na so porlu diihutton halak Israel na asing. Alai boasa adong halak Israel na olo gabe halak Nasir? Ala bagas do holong ni nasida tu Jahowa jala naeng patuduhon pangargaion tu sude pasu-pasu na dilehon Ibana.—5 Mus. 6:5; 16:17.

3. Songon halak Nasir, aha do tekad ni naposo ni Jahowa saonari?

 ³ Dung adong “patik ni Kristus”, dang porlu be naposo ni Jahowa gabe halak Nasir. (Gal. 6:2; Rom 10:4) Alai songon halak Nasir, bertekad do nasida manomba Jahowa sian nasa roha, gogo, ngolu, dohot pikkiran ni nasida. (Mrk. 12:30) Tikki talehon ngolutta tu Jahowa, disi ma hita marjanji lao melayani Ibana. Rade do hita mangulahon lomo ni roha ni Jahowa jala mambahen pengorbanan lao melayani Ibana. Di artikel on, lao tabahas ma songon dia halak Nasir mangulahon janji ni nasida tu Jahowa. Jala tabahas ma songon dia hita boi maniru nasida. b—Mat. 16:24.

RADE MA HAMU MAMBAHEN PENGORBANAN

4. Songon na disurat di 4 Musa 6:​3, 4, pengorbanan aha do na dibahen halak Nasir?

⁴ Jaha 4 Musa 6:​3, 4. Dang boi halak Nasir manginum minuman beralkohol, siallangon na dibahen sian buah anggur, songon buah anggur na tata dope manang holan kulitna. Alai na so halak Nasir boi do manginum dohot mangallang akka siallangon i. Dang sala i. Silehon-lehon sian Jahowa do i, alana didok Bibel boi do anggur “mambahen las roha ni jolma”. (Ps. 104:​14, 15) Alai rela do halak Nasir dang manginum dohot mangallang akka siallangon i. c

5. Pengorbanan aha do na dibahen si Madián dohot si Marcela, jala boasa?

⁵ Lomo do rohatta mambahen pengorbanan asa boi mangalehon unggodang tu Jahowa, songon halak Nasir. Taida ma pengalaman ni si Madián dohot istrina si Marcela. d Tabo do parngoluon ni nasida. Mantap do karejo ni si Madián, jala tinggal di apartemen na mewah do nasida. Alai lomo do roha ni nasida mangalehon lobi tu Jahowa. Jadi dibahen nasida ma piga-piga penyesuaian. Didok nasida, “Diorui hami ma pengeluarannami. Pinda ma hami tu apartemen na gelleng jala dijual hami ma mobilnami.” Sasittongna dang porlu si Madián dohot si Marcela mambahen pengorbanan sisongon i. Alai dibahen nasida pe i asa boi mangulahon na unggodang tu Jahowa. Las do roha ni nasida ala dibahen nasida pengorbanan sisongon i.

6. Boasa rade akka donganta mambahen pengorbanan? (Ida gambar.)

 ⁶ Las do roha ni akka naposo ni Jahowa saonari mambahen pengorbanan asa boi mangulahon na unggodang tu Jahowa. (1 Kor. 9:​3-6) Misalna adong na mamillit dang manuhor jabu manang dang mangalului karejo na timbo gajina. Godang do muse donganta na mamutusson tetap melajang manang dang margelleng dung menikah. Adong do muse na pinda tu inganan na makkaporluhon parbarita nang pe gabe dao nasida sian keluarga dohot dongan ni nasida. Sasittongna dang sala akka na dikorbanhon nasida on. Jala dang diparettahon Jahowa asa dibahen nasida pengorbanan sisongon i. Alai rade do akka donganta mambahen pengorbanan sisongon i ala lomo roha ni nasida mangalehon na dumenggan tu Jahowa. Alani i pos ma rohamuna, massai diargai Jahowa do pengorbanan na dibahen hamu lao melayani Ibana, dang soal i balga manang na dang.—Heb. 6:10.

BARANI MA HAMU IMBAR SIAN HALAK NA ASING

7. Boasa sipata maol di halak Nasir mangulahon janjina? (4 Musa 6:5) (Ida gambar.)

⁷ Jaha 4 Musa 6:5. Dang boi halak Nasir manggusting obukna. Molo diulahon nasida i, patuduhon na dioloi nasida do Jahowa. Lam leleng nasida gabe halak Nasir, lam ganjang do obuk ni nasida. Jala gabe diboto halak ma na imbar do halak Nasir i sian nasida. Molo diargai halak na asing halak Nasir i, tottu gabe mura ma di nasida mangulahon janjina. Alai adong do halak Israel na so mangargai halak Nasir. Di tikki ni Panurirang Amos, sai dijujui halak Israel na murtad do halak Nasir asa “manginum anggur”. Tujuanna asa dilanggar halak Nasir i janji ni nasida. (Am. 2:12) Jadi ikkon barani do halak Nasir i imbar sian halak na asing jala mangulahon janji ni nasida.

8. Boasa gabe dipatogu rohamuna alani pengalaman ni si Benjamin?

⁸ Urupan ni Jahowa do hita asa barani imbar sian halak na asing, tarlumobi molo parila hita. Taida ma pengalaman ni donganta na margoar si Benjamin di Norwegia. Marumur sappulu taon dope ibana. Ala masa porang di Ukraina, dibahen sikkolana ma acara lao mendukung akka halak na tinggal di negara i. Disuru ma nasida marpakkean marwarna bendera Ukraina jala marende. Alai dang olo si Benjamin dohot tu acara i. Dao ma ibana jongjong sian inganan ni acara i dibahen. Alai adong ma sahalak guru na mangida ibana. Jala gogo ma dijou guruna i si Benjamin. Didok ibana, “Ro ma ho tuson. Nga dipaima  hami ho!” Ro ma si Benjamin jala didok ibana ma tu guruna, “Dang dohot au tu politik Bu. Songon i do sude Saksi Jahowa. Godang do dongannami na dipenjara ala dang olo marporang.” Diargai guruna i do keputusan ni si Benjamin. Jala diloas do ibana dang dohot tu acara i. Alai gabe disukkuni akka dongan sakalasna ma ibana. Mabiar hian do mulana si Benjamin, sappe naeng tangis ma ibana. Alai barani do ibana. Dipaboa ibana do muse tu akka donganna di kalas, aha na didok ibana tu guruna nakkin. Dung mulak sikkola si Benjamin, diceritahon ibana ma i tu natua-tuana. Jala didok ibana na diurupi Jahowa do ibana asa boi mambela haporseaonna.

9. Songon dia do caratta mambahen las roha ni Jahowa?

⁹ Ala taoloi Jahowa, gabe diida halak ma na imbar hita sian nasida. Ikkon barani do hita paboahon tu akka dongan sakarejo manang sasikkola na Saksi Jahowa hita. Jala ala lam tu roana do pangalaho ni akka halak di portibi on, olo do lam maol tahilala mangihutton prinsip ni Bibel dohot marbarita na uli. (2 Tim. 1:8; 3:13) Alai taingot ma molo barani hita imbar sian akka halak na so sisomba Jahowa, gabe tabahen ma las roha ni Jahowa.—Poda 27:11; Mal. 3:18.

BAHEN MA JAHOWA NA UPPETTING DI NGOLUMUNA

10. Boasa paretta na dipaboa Jahowa tu halak Nasir na disurat di 4 Musa 6:​6, 7 gabe tantangan di nasida?

¹⁰ Jaha 4 Musa 6:​6, 7. Dang boi halak Nasir jonok tu bakke ni halak na mate. Olo do tapikkir dang pengorbanan na balga on. Alai sasittongna, sada tantangan do on di halak Nasir tarlumobi molo mate keluargana. Alana sada hasomalan ni halak Jahudi najolo, tikki naeng makkubur halak na mate, ikkon jonok do ibana tu bakke ni mate i. (Joh. 19:​39, 40; Ul. 9:​36-40) Alai dang boi diihutton halak Nasir hasomalan i. Tottu lungun hian do roha ni halak Nasir tikki mate keluargana. Alai dipatudu nasida do na massai togu haporseaon ni nasida tu Jahowa. Toktong do diulahon nasida janjina. Pasti dipatogu Jahowa do nasida asa boi martahan mangadopi situasi sisongon i.

11. Aha do tekadta tikki maradoppon keluargatta? (Ida gambar.)

¹¹ Massai penting do di hita mangulahon janjitta tu Jahowa. Balga do pengaruh ni janjita i tu sikapta maradoppon keluargatta. Contohna, didok do di Bibel asa kerja keras hita manarihon keluargatta. Alai ikkon tabahen do lomo ni roha ni Jahowa na uppetting  di ngolutta. (Mat. 10:​35-37; 1 Tim. 5:8) Alani i olo do sipata tabahen keputusan na palasson roha ni Jahowa, alai dang mambahen las roha ni keluargatta.

12. Nang pe diorai istrina si Alexandru marsiajar Bibel, aha do na diulahon ibana?

¹² Taida ma pengalaman ni si Alexandru dohot istrina si Dorina. Dung marsiajar Bibel nasida saleleng sataon, so ma si Dorina marsiajar jala lomo do rohana asa unang marsiajar Bibel be si Alexandru. Alai lambok jala marbisuk do si Alexandru paboahon tu ibana na lomo rohana asa torus marsiajar Bibel. Gabe jut ma roha ni si Dorina jala dipaksa ibana do asa so suamina marsiajar Bibel. Didok si Alexandru, berupaya do ibana mangattusi boasa songon i sikap ni istrina. Alai sipata dang sai mura mangulahon i. Molo kasar istrina makkatai tu ibana, gabe tarpikkir ma ibana naeng so marsiajar Bibel. Alai sai dibahen si Alexandru do Jahowa na uppetting di ngoluna. Jala torus dihaholongi jala diargai ibana istrina. Ala dibahen si Alexandru songon i, gabe lomo ma muse roha ni si Dorina marsiajar Bibel. Jala ujungna tardidi ma ibana.—Tonton ma video Alexandru dohot Dorina Vacar: Halak na Marholong ni Roha i Sabar jala Burju di jw.org/bbc.

13. Boha do caratta patuduhon holongta tu Jahowa dohot tu keluargatta?

¹³ Alani Jahowa do umbahen na adong sude keluarga. Jala lomo do rohana asa marlas ni roha keluargatta. (Eps. 3:​14, 15) Jadi molo lomo rohatta asa marlas ni roha keluargatta, ikkon taulahon do lomo ni roha ni Jahowa. Pos ma rohatta diargai Jahowa do pengorbananta lao manomba Ibana. Jala diargai Ibana do molo tasarihon, tahaholongi, jala taargai keluargatta.—Rom 12:10.

PATOGU MA AKKA DONGAN NA MANIRU HALAK NASIR

14. Ise do tarlumobi na ikkon tapatogu?

¹⁴ Sude naposo ni Jahowa saonari rade do mambahen pengorbanan ala holong roha ni nasida tu Jahowa. Alai sipata dang mura mangulahon i. Attong songon dia do hita boi patoguhon akka dongan na mambahen pengorbanan tu Jahowa? Tapatogu ma nasida marhite hatatta. (Job 16:5) Adong do ditanda hamu akka dongan na mambahen sederhana ngoluna asa boi mangalehon na unggodang tu Jahowa? Adong do ditanda hamu akka na poso na mandapot tantangan di sikkola, alai barani nasida imbar sian akka donganna? Adong do ditanda hamu akka dongan dohot parsiajar Bibel, na toktong setia tu Jahowa  nang pe ditentang keluargana? Molo adong, marsitutu ma hamu patoguhon nasida. Jala paboa ma na massai diargai hamu do habaranion dohot sude pengorbanan na dibahen nasida tu Jahowa.—Plm. 4, 5, 7.

15. Aha do na diulahon piga-piga donganta lao mangurupi akka dongan na dohot tu dinas sepenuh waktu? Bahen ma contohna.

¹⁵ Boi do taurupi akka donganta na dohot tu dinas sepenuh waktu. (Poda 19:17; Heb. 13:16) On ma na diulahon sahalak donganta borua na matua na tinggal di Sri Lanka. Lomo do rohana mangurupi dua donganta perintis na susa di parhepengon. Jadi dilehon ibana do hepeng sian gaji pensiunna lao mangurupi mambayar tagihan telepon ni dua perintis i. Massai burju do donganta na matua on.

16. Aha do na boi taparsiajari sian janji na dibahen halak Nasir?

¹⁶ Di artikel on, godang do na boi taparsiajari sian halak Nasir. Alai adong do na boi taparsiajari taringot Jahowa sian on. Diboto Jahowa do na lomo rohatta mambahen las rohana. Jala diboto Ibana na lomo rohatta mambahen pengorbanan asa boi mangulahon janjitta tu Ibana. Diargai Jahowa do hita. Dilehon Ibana do tu hita kesempatan lao patuduhon holongta tu Ibana. (Poda 23:​15, 16; Mrk. 10:​28-30; 1 Joh. 4:19) Janji na dibahen halak Nasir patuduhon na diparrohahon jala diargai Jahowa do sude pengorbanan na tabahen lao manomba Ibana. Alani i, anggiat ma hita torus melayani Jahowa jala mangalehon na dumenggan tu Ibana.