1-2. Songon dia do perasaan ni akka donganta tikki marhallet nasida?

 BOI DO parohon las ni roha molo marhallet. Molo lagi marhallet hamu, tottu harap do rohamuna dohot halletmuna asa toktong marlas ni roha. Jala songon i do na dihilala akka donganta. Si Sion, a sahalak donganta borua na sian Etiopia mandok, “Las hian do rohakku molo huingot na uju i tikki marhallet au dohot suamikku. Godang do topik na serius na dibahas hami, alai jotjot do tong hami rap mekkel. Las do rohakku ala boi pajuppang tu sasahalak na huhaholongi jala na makkaholongi au.”

² Si Alessio donganta bawa na sian Belanda mandok, “Memang las hian do rohakku tikki marhallet au dohot istrikku, alai adong do tantangan na diadopi hami.” Di artikel on lao tabahas ma piga-piga tantangan na diadopi akka donganta na marhallet. Jala tabahas ma akka prinsip ni Bibel na boi mangurupi nasida asa toktong ias di jolo ni Debata saleleng marhallet. Dung i tabahas ma muse, songon dia do akka dongan na di huria boi mendukung akka donganta na marhallet.

TUJUAN NI MARHALLET

3. Aha do tujuan ni marhallet? (Poda 20:25)

³ Memang marhallet boi do parohon las ni roha. Alai tahap na serius do on, alana ikkon diputusson na marhallet do lao menikah do nasida manang na dang. Di acara pernikahan, marjanji do na marhallet i di jolo ni Jahowa asa marsihaholongan jala mangargai pasanganna saleleng mangolu nasida. Andorang so mambahen janji sasahalak, tottu ikkon jolo manat do ibana mamikkirhon i. (Jaha Poda 20:25.) Dos songon i ma tikki mambahen janji pernikahan. Keputusan na serius do on. Jadi saleleng marhallet, i ma tikkina di nasida boi mamboto halak na  songon dia do halletna i, asa boi dibahen nasida keputusan na denggan. Olo do keputusan ni nasida menikah manang putus. Molo putus pe donganta na marhallet, dang berarti na gagal nasida. Alai sabotulna nungnga tercapai tujuan ni nasida, i ma mambahen keputusan na denggan.

4. Boasa ikkon sittong cara pandangta taringot marhallet?

⁴ Boasa porlu sittong cara pandang ni akka na lajang taringot marhallet? Alana molo sittong cara pandang ni nasida, tottu dang olo nasida marhallet molo dang adong tujuanna lao menikah. Alai sude do hita ikkon sittong cara pandangta taringot na marhallet, dang holan akka na lajang. Contohna adong do na marpikkir, molo adong na marhallet ikkon menikah do nasida. Aha do pengaruhna on tu halak Kristen na lajang? Donganta na lajang na margoar si Melissa na tinggal di Amerika Serikat mandok, “Molo adong donganta na marhallet, piga-piga donganta berharap ikkon saut do nasida na dua. Akibatna gabe dipaksahon nasida ma melanjutton hubungan ni nasida i, hape dang cocok nasida. Adong muse akka na lajang na gabe so olo marhallet ala mabiar nasida dibahen songon i.”

ASA LAM TAKKAS DITANDA HAMU HALLETMUNA

5-6. Akka aha do na porlu diboto donganta na marhallet taringot hallet ni nasida? (1 Petrus 3:4)

⁵ Molo lagi marhallet hamu, songon dia do carana mamboto naung rade do hamu menikah manang na dang? Ikkon jolo takkas do hamu mananda ibana, songon i nang sebalikna. Memang andorang so marhallet hamu, nungnga diparrohahon hamu hian taringot halletmuna i. Alai saonari ma tikkina di hamu, lao mamboto aha do sabotulna na adong di bagasan rohana. (Jaha 1 Petrus 3:4.) Termasuk ma i, sadia togu do hubungan ni halletmuna i tu Jahowa, jala songon dia sifatna dohot cara berpikirna. Asing ni i porlu do diboto hamu alus ni sukkun-sukkun on: ‘Memang cocok do ibana gabe dongan saripekku?’ (Poda 31:​26, 27, 30; Eps. 5:33; 1 Tim. 5:8) ‘Hupatudu do na holong rohakku tu ibana jala parduli do au tu ibana? Jala songon i do tong ibana tu au? Boi do huterima akka hahuranganna?’ b (Rom 3:23) Ingot ma, na uppetting dang taringot godang ni persamaanmuna, alai boi do hamu mengatasi perbedaanmuna manang na dang.

⁶ Aha do muse na porlu diboto hamu taringot halletmuna? Sebelum lam bagas holongmuna tu ibana, porlu do dibahas hamu taringot akka na penting. Misalna, rencana dohot  cita-citamuna. Alai boha do taringot masalah pribadi, songon masalah kesehatan, parhepengon, dohot trauma? Memang, dang ikkon sude dibahas hamu i molo baru dope hamu marhallet. (Bandingkon tu Johannes 16:12.) Molo dihilala hamu pahatophu ibana manukkun piga-piga masalah pribadimuna, paboa ma tu ibana. Alai ingot ma, adong do tikkina ikkon botoonna do i asa boi ibana mambahen keputusan na denggan. Jadi ikkon jujur do hamu tu ibana.

7. Songon dia do carana asa lam ditanda hamu halletmuna? (Ida kotak “ Pacaran Jarak Jauh”.) (Ida gambar.)

⁷ Songon dia do carana lao mamboto aha na di bagasan rohana? Ikkon jujur do hamu na dua tikki makkatai, bahen ma sukkun-sukkun, dung i manat ma tangihon. (Poda 20:5; Jak. 1:19) Boi do ra hamu rap mangulahon akka kegiatan, songon rap mangan, mardalan di tempat umum, jala rap marbarita, asa adong tikkimuna lao makkata-hatai. Asing ni i, boi do hamu na dua rap bergaul dohot akka donganmuna dohot keluargamuna, asa lam takkas ditanda hamu ibana. Bahen hamu ma akka rencana lao mangulahon akka kegiatan. Alana i boi mangurupi hamu lao mangida songon dia ibana bertindak di situasi na berbeda jala songon dia ibana maradoppon akka halak. Songon i do na diulahon si Aswin sian Belanda. Didok ibana do taringot hubunganna dohot si Alicia, “Rap do hami mangulahon akka kegiatan na sederhana, songon rap mangaloppa dohot na asing. Ala diulahon hami i, gabe lam hutanda ma ibana, jala ibana pe lam ditanda ma au. Asing ni i, gabe huboto ma akka sifatna na denggan dohot hahuranganna.”

8. Aha do manfaatna molo rap mamparsiajari Bibel akka donganta na marhallet?

⁸ Boi do muse lam ditanda hamu halletmuna molo rap hamu mamparsiajari akka topik sian Bibel. Molo nungnga menikah hamu, ikkon dibahen hamu do ibadat keluarga asa toktong Jahowa na diandalhon hamu na dua. (Pjm. 4:12) Jadi nang pe marhallet dope hamu, alai porlu do dibahen hamu jadwal asa boi rap marsiajar. Memang na marhallet dang boi dope didok nungnga gabe sada keluarga, jala bawa i dang ulu ni borua i dope. Alai molo taratur hamu na dua rap marsiajar, gabe boi ma diboto hamu sadia togu do hubungan ni halletmuna tu Jahowa. Si Max dohot si Lisa na tinggal di Amerika Serikat, paboahon manfaat na  asing ala rap marsiajar nasida. Didok si Max, “Tikki baru marhallet hami, rap diparsiajari hami do akka publikasi taringot na marhallet, na menikah, dohot na markeluarga. Ala rap diparsiajari hami akka publikasi i, gabe boi ma dibahas hami akka topik na penting na so hea tarpikkirhon hami.”

AKKA NA ASING NA PORLU DIPIKKIRHON

9. Aha do na porlu diingot akka na marhallet tikki mamutusson ise na porlu mamboto hubungan ni nasida?

⁹ Ise do na porlu mamboto hubunganmuna? Hamu na dua do na mamutusson i. Tikki mulai marhallet hamu, ra holan otik do halak na dipaboa hamu taringot hubunganmuna. (Poda 17:27) Ninna rohamuna asa unang godang halak na manukkuni hamu annon jala asa unang tertekan hamu. Alai molo dang dipaboa hamu tu manang ise, gabe martabuni-tabuni ma hamu molo naeng pajuppang dohot halletmuna. Parohon bahaya do on. Alani i, denggan do molo dipaboa hamu i tu halak na boi mangalehon nasehat dohot bantuan tu hamu. (Poda 15:22) Contohna, boi do dipaboa hamu tu keluargamuna, dongan na matoras, manang akka sintua.

10. Aha do na ikkon diulahon akka na marhallet asa toktong ias di jolo ni Jahowa? (Poda 22:3)

¹⁰ Aha do na ikkon diulahon akka na marhallet asa toktong ias di jolo ni Jahowa? Biasana molo lam bagas holongmuna tu halletmuna, sai naeng jonok do hamu tu ibana. Alai aha do na boi mangurupi hamu asa toktong ias di jolo ni Jahowa? (1 Kor. 6:18) Unang ma dihatai hamu taringot seks na so patut, unang ma padua-dua hamu di tempat na sepi, jala unang ma pagodangku minum minuman beralkohol. (Eps. 5:3) Boasa? Alana boi do i mambahen gabe marsigorgor nafsu manang giot-giot ni dagingmuna, jala gabe maol ma hamu mangulahon na sittong. Sian tikki tu tikki, hatai hamu ma aha na porlu diulahon hamu na dua asa toktong ias di jolo ni Jahowa. (Jaha Poda 22:3.) I ma na diulahon si Dawit dohot si Almaz sian Etiopia. Didok nasida, “Biasana molo naeng pajuppang hami dipillit hami do tempat na rame, manang adong halak na mandongani hami. Dang hea holan hami na dua di bagasan mobil manang jabu. Alani i gabe boi ma dihindari hami akka situasi na mambahen hami tergoda mangulahon na sala.”

11. Aha do na porlu dipikkirhon akka na marhallet tikki naeng patuduhon perasaan cinta ni nasida?

¹¹ Songon dia do hamu patuduhon perasaan cintamuna? Hamu sandiri do na mambahen keputusan taringot on. (Ende 1:2; 2:6) Alai ingot ma, molo gabe tubu do keinginanmuna lao mangulahon seks, boi do gabe maol hamu mambahen keputusan na denggan. Jala gabe maol ma hamu mengendalihon dirimuna bahkan boi gabe mangulahon dosa. (Poda 6:27) Alani i, tikki baru marhallet hamu, porlu do dibahas hamu prinsip ni Bibel taringot i. c (1 Tes. 4:​3-7) Jala pikkirhon ma sukkun-sukkun on: ‘Boha do pandangan ni akka halak taringot caranami patuduhon perasaan cinta? Jala molo dipatuduhon hami perasaan cintanami, boi do gabe tubu keinginannami lao mangulahon seks?’

12. Aha do na porlu dipikkirhon hamu molo adong perbedaan pendapat dohot halletmuna?

¹² Songon dia do caramuna pasaehon masalah? Molo sering hamu berbeda pendapat, i dang sai patuduhon na so cocok hamu na dua. Alana sude pasangan pasti hea do berbeda pendapat. Boi do parsaripeon toktong togu molo suami istri mangargai pasanganna jala  olo mengalah. Caramuna pasaehon masalah tikki marhallet, boi do i manottuhon marhasil manang na dang perkawinanmuna. Coba ma jo pikkirhon on: ‘Boi do hami na dua tetap tenang jala lambok tu pasangannami tikki pasaehon masalah? Olo do hami mangakkui hasalaannami jala berupaya padenggatton i? Hatop do hami na dua mengalah, minta maaf, jala memaappon?’ (Eps. 4:​31, 32) Alai molo pajotjottu hamu berbeda pendapat jala maol pasaehon i tikki marhallet dope, bisa jadi songon i do tong molo dung menikah. Jadi molo dihilala hamu dang cocok hamu tu halletmuna, dumenggan do dang dilanjutton hamu be hubunganmuna. Keputusan na terbaik do on tu hamu na dua. d

13. Aha do na porlu dipikkirhon hamu tikki mamutusson sadia leleng hamu naeng marhallet?

¹³ Ikkon sadia leleng do hamu marhallet? Molo terburu-buru halak mambahen keputusan, biasana dang denggan hasilna. (Poda 21:5) Jadi pastihon ma nungnga cukkup tikkimuna mananda halletmuna. Alai unang ma palelengku hamu marhallet. Alana didok Bibel, “Pahaccitton roha do molo sundat na dipaima-ima roha.” (Poda 13:12) Asing ni i molo pajotjottu hamu na dua rap, gabe lam maol ma hamu menolak keinginan lao mangulahon seks. (1 Kor. 7:9) Daripada berfokus taringot sadia leleng hamu marhallet, tumagon ma dirimangi sukkun-sukkun on, ‘Aha do muse na porlu huboto taringot hallettu asa boi hubahen keputusan na denggan?’

CARA MENDUKUNG AKKA DONGAN NA MARHALLET

14. Aha do na boi taulahon lao mendukung akka na marhallet? (Ida gambar.)

¹⁴ Molo adong taboto donganta na marhallet, songon dia do caratta mendukung nasida? Boi do taajak nasida rap mangan, ibadat keluarga, manang rap rekreasi. (Rom 12:13) Molo tabahen songon i, boi ma i mangurupi akka na marhallet lam mananda halletna. Boi do ra hamu mandongani nasida tu sada tempat, rap samobil dohot nasida, manang boi do tong diajak hamu nasida tu jabumuna. (Gal. 6:10) Si Alicia na dipaboa nakkin paboahon songon dia akka dongan di huria mangurupi ibana tikki marhallet dohot si Aswin. Didok ibana, “Las hian do rohanami na dua tikki didok akka dongan na boi do hami tu jabu ni nasida, asa boi hami na dua rap makkata-hatai alai tetap adong na mengawasi.” Molo dipangido hamu lao mandongani na marhallet, sada  kesempatan do on di hamu lao mangurupi nasida. Unang ma gabe laos dipasombu hamu nasida padua-dua. Alai nang pe songon i, porlu do dilehon hamu tikki dohot kesempatan tu nasida na dua asa boi makkata-hatai.—Plp. 2:4.

15. Aha do muse na boi taulahon lao mendukung akka na marhallet? (Poda 12:18)

¹⁵ Sada cara lao mendukung akka donganta na marhallet, i ma manat ma hita makkatai. Sipata porlu do takendalihon diritta. (Jaha Poda 12:18.) Misalna, nang pe taboto adong donganta na lagi marhallet, unang ma tapaboa-boa i tu halak na asing. Tumagon do donganta na marhallet i na langsung paboahon tu nasida. Tottu dang olo hita manggosipi donganta na marhallet i, manang takritik taringot hubungan ni nasida. (Poda 20:19; Rom 14:10; 1 Tes. 4:11) Unang ma sai tasukkuni nasida, andigan naeng menikah nasida. Sahalak donganta borua na margoar si Elis paboahon pengalamanna tikki marhallet najolo dohot suamina. Didok ibana, “Gabe maila do hami molo adong na manukkun tu hami andigan hami naeng menikah, hape dang adong dope dibahas hami na dua taringot i.”

16. Songon dia do tanggapanta molo adong donganta na marhallet ujungna gabe putus?

¹⁶ Boha do molo adong donganta na marhallet ujungna gabe putus? Unang ma sae tasukkuni tu nasida aha alasanna, manang gabe tasalahon sada sian nasida. (1 Ptr. 4:15) Sahalak donganta borua na margoar si Lea mandok, “Hea do hubege adong halak na mambahen kesimpulan sandiri taringot boasa putus au dohot hallettu, hape dang diboto nasida na sasittongna. Haccit hian do rohakku alani i.” Songon naung dibahas di paragraf sebelumna, molo putus pe donganta na marhallet i, dang na berarti gagal nasida. Gariada nungnga tercapai tujuan ni nasida, i ma mambahen keputusan na denggan. Alai biasana keputusan i boi do mambahen lungun roha ni nasida na dua, jala mambahen nasida merasa kesepian. Alani i taurupi ma nasida.—Poda 17:17.

17. Aha do na ikkon diulahon akka na marhallet?

¹⁷ Songon naung tabahas, pasti adong do tantangan na diadopi akka na marhallet. Nang pe songon i boi do tong nasida marlas ni roha. Sahalak donganta na margoar si Jesika mandok, “Godang do na ikkon diupayahon hami saleleng marhallet. Alai las do rohakku ala nungnga dimanfaatton hami tikki dohot gogonami asa saling mananda.” Molo lagi marhallet hamu, torus ma berupaya asa lam mananda halletmuna. Molo diulahon hamu songon i, pasti boi do dibahen hamu keputusan na denggan.