Songon dia do Didok Bibel?
Songon dia do pangkilalaan ni halak naung mate?
TOROP HALAK PORSEA molo mate sasahalak, pinda ma ibana tu inganan na asing. Alai na asing mandok, hamatean do ujung ni saluhutna. Molo hamu, songon dia?
NA DIDOK BIBEL
”Halak naung mate ndang diboto agia aha.” (Parjamita 9:5) Alani i, ndang adong na tongtong mangolu dung mate jolma.
AHA DOPE NA DIAJARHON BIBEL?
Si Adam mulak tu tano dungkon mate. (1 Musa 2:7; 3:19) Alani i, sude halak naung mate gabe mulak do tu tano.—Parjamita 3:19, 20.
Dung mate sasahalak, malua do ibana sian huaso ni dosa. (Rom 6:7) Jala ndang adong be panguhuman tu ibana.
Boi do na mate mulak mangolu?
SONGON DIA DO ALUSMUNA?
Boi
Ndang boi
Ndang binoto
NA DIDOK BIBEL
”Mulak mangolu sogot angka na tigor dohot angka na geduk.”—Ulaon ni Apostel 24:15.
AHA DO NA BOI TAPARSIAJARI SIAN BIBEL?
Jotjot do Bibel patudoshon hamatean tu halak na modom. (Johannes 11:11-14) Boi do Debata pahehehon halak na mate, songon hita boi mandungoi halak na modom.—Job 14:13-15.
Di Bibel, adong do dipaboa taringot pigapiga halak na dipahehe. On paposhon rohanta na boi do dipahehe sogot halak naung mate.—1 Rajaraja 17:17-24; Lukas 7:11-17; Johannes 11:39-44.
Mungkin Lomo do Rohamuna Mamboto
ALUS NI BIBEL
Aha do Maksudna Halak na Mate Dipahehe?
Mungkin sukun-sukkun do rohamuna akka ise do na lao dipahehe haduan.
ALUS NI BIBEL
Aha do na Masa Dung Mate Sasahalak?
Diboto halak naung mate do aha na masa di sakalilingna?
