Saonari on, godang do halak na hurang sipanganonna jala dang marjabu. Na deba, porlu do dipaboa pakkirimon asa tarapul rohana. Jadi ikkon taurupi do halak sisongon i. Dapotta do pahala molo olo hita mangurupi. Boha carana mangurupi?

“Na pasali Jahowa do manang ise na mardenggan basa tu na pogos, jala Ibana mamaloshon denggan basana i tu ibana.”​—PODA 19:17.

Adong carita na dipaboa nabi Isa taringot sahalak bawa na dirampok, dipukkuli sappe naeng mate dung i ditinggalhon. (Lukas 10:29-37) Alai lewat ma halak na asing. Diurupi ma bawa i, dung i diubati, nang pe dang sarupa suku ni halak i.

Dung i digarar do parubatanna, asa unang susa bawa i.

Aha do na taparsiajari sian carita i? Didok nabi Isa, ikkon taurupi do halak na hahurangan sian nasa tolapta. (Poda 3:27) Jadi, Kitab Suci mangajarhon dang adong be haduan hasusaan dohot hapogoson. Gabe sukkun-sukkun do ra hamu, songon dia Debata pasautton i jala andigan? Taparsiajari ma muse on.