Sian mulai ditoppa jolma, malaikat dohot akka nabi do na dipakke Panoppatta lao makkatai tu jolma. Jala disuru Ibana do asa disurat Hatana dohot janjina i. Adong do pengaruh ni janjina i tu ngolumuna haduan. Jadi, sian dia do boi taboto janjina i?

Di Kitab Suci do boi taboto janjina i. (2 Timoteus 3:16) Jadi boha do cara ni Sitoppa hita manuru akka nabi lao manurat Hatana i? (2 Petrus 1:21) Diurupi Ibana ma akka nabi lao manuratton isi ni pikkiranna. Songon sahalak bos na manuru sekretarisna lao manuratton hatana, bosna i do na mangarang surat i. Suang songon i ma Panoppatta, tikki dipakke Ibana jolma manurat Hatana. Ibana do Pengarang ni Kitab Suci manang Bibel.

Lomo do rohana asa sude halak manjaha jala mangattusi Hatana i, ala penting do i. Hatana i paboahon “barita na uli sisaleleng ni lelengna” na dipasahat tu “saluhut bangso, marga dohot bahasa”. (Pangungkapon 14:6) I do alana Kitab Suci manang Bibel adong lobi sian 3.000 bahasa. Dang adong bukku na asing na songon i godang ni bahasana.