1. Andorang so marrumah tangga, sukkun-sukkun aha do na porlu dipikkiri sahalak borua?

SAHALAK borua Kristen na so marrumah tangga dope, Jesus na sempurna do kepalana. Alai dung marrumah tangga ibana, bawa na so sempurna nama na gabe kepalana. Alani i gabe tantangan do on. Jadi andorang so marrumah tangga dope ibana, denggan do jolo dipikkiri ibana akka sukkun-sukkun on, ‘Aha do na mambahen pos rohakku molo halletton boi gabe kepala keluarga na denggan? Jahowa do na uppenting di ngoluna? Molo dung marrumah tangga hami haduan, aha do na mambahen pos rohakku boi ibana mangurupi keluarganami torus marale-ale tu Jahowa?’ Asing ni i, porlu do muse sukkunonna dirina, ‘Halak na songon dia do au? Boi do hubahen annon lam denggan rumah tangganami? Halak na sabar do au jala burju? Jonok do au tu Jahowa?’ (Pjm. 4:9, 12) Jadi sebelum marrumah tangga, porlu do marbisuk sahalak borua lao mambahen keputusan na denggan asa marlas ni roha annon keluargana.

2. Aha do na lao tabahas di artikel on?

² Godang do donganta borua na gabe sitiruon na denggan ala olo unduk tu suamina. Pasti lomo do rohatta mamuji nasida. Jala las do rohatta boi rappak manomba Jahowa dohot nasida. Di artikel on lao tabahas ma alus ni tolu sukkun-sukkun on: (1) Akka tantangan aha do na mambahen maol istri unduk tu suamina? (2) Boasa ikkon unduk istri tu suamina? (3) Aha do na boi diparsiajari suami dohot istri Kristen sian Jesus, si Abigail, dohot si Maria istri ni si Josep?

3. Boasa godang hasusaan ni na marrumah tangga?

³ Hadiah na massai arga do pernikahan i sian Jahowa. Alai jolma na so sempurna do akka na marrumah tangga. (1 Joh. 1:8) Alani i do didok Bibel molo na marrumah tangga i manaon godang “hasusaan”. (1 Kor. 7:28) Saonari taulas ma jo akka tantangan na mambahen maol sahalak istri unduk tu suamina.

4. Boasa adong istri na merasa direndahkan molo unduk tu suamina?

⁴ Alani latar belakangna olo do dihilala sahalak istri hira na direndahkan ibana molo unduk tu suamina. Si Marisol na tinggal di Amerika Serikat mandok, “Mulai sian na gelleng, nungnga diajari au na sederajat do bawa dohot borua. Alai huboto do pengaturan ni Jahowa, na ikkon unduk istri tu suamina ala suami do kepala keluarga. Dang mura i di au, ala adong do pandangan na mandok dang porlu unduk istri tu suami.”

5. Boasa adong suami na manganggap urrendah do borua sian bawa?

⁵ Adong do suami na manganggap urrendah do borua sian bawa. Si Ivon donganta borua na tinggal di Amerika Selatan mandok, “Di hutakku, ikkon parjolo do bawa mangan, dung i baru pe asa borua. Molo anak boru ikkon boi do mangaloppa dohot paiasson jabu. Alai molo bawa siladenan ni omakna dohot itona do ibana. Gabe raja do ibana di jabu.” Si Yingling, sahalak donganta na di Asia mandok, “Molo di hutakku, dang porlu borua malo jala dipasikkolahon. Na penting boi beres sude karejo di jabu dibahen ibana. Jala dang diloas ibana mangalean pandapot tu suamina.” Suami na terpengaruh tu pandangan sisongon i, dang mungkin boi maniru Jesus jala pasonakkon Jahowa. Gariada gabe susa do ngolu ni istrina dibahen ibana.​—Eps. 5:28, 29; 1 Ptr. 3:7.

6. Aha do na ikkon diulahon istri asa boi ibana marale-ale secara pribadi tu Jahowa?

⁶ Di artikel minggu na salpu, nungnga taparsiajari suami Kristen ikkon mangurupi keluargana asa torus marale-ale tu Jahowa, mambahen nasida marlas ni roha, jala karejo lao paradehon kebutuhan ni keluargana. (1 Tim. 5:8) Alai istri pe porlu do paradehon tikkina lao manjaha jala mangarimangi Bibel dohot martangiang secara pribadi tu Jahowa nang pe sibuk ibana. Memang dang sai mura mangulahon i. Alani sibukna, olo do ra dihilala istri dang adong be tikki dohot gogona mangulahon i. Hape massai penting hian do i. Boasa songon i? Ala dipangido Jahowa do asa ganup naposona marale-ale tu Ibana secara pribadi.​—Ul. 17:27.

7. Aha do na ikkon diattusi istri asa ummura ibana unduk tu suamina?

⁷ Pasti berjuang do sahalak istri asa boi unduk tu suamina na so sempurna. Alai molo diattusi ibana boasa diparettahon Jahowa ikkon unduk istri tu suami, boi do gabe ummura ibana mangulahon i.

8. Sesuai tu Epesus 5:22-24, boasa ikkon unduk sahalak istri tu suamina?

⁸ Istri Kristen ikkon unduk do tu suamina, ala paretta ni Jahowa do i. (Jaha Epesus 5:22-24.) Porsea do ibana na holong do roha ni Bapakna na di surgo i tu ibana. Diparettahon pe ibana asa unduk tu suamina asa denggan do ngoluna jala boi marlas ni roha.​—5 Mus. 6:24; 1 Joh. 5:3.

9. Aha do hasilna molo olo istri unduk tu suamina?

⁹ Diparettahon Jahowa do asa unduk istri tu suamina. Alai di pandangan ni portibi on, dang porlu istri mangihutton i. Alana  gabe merasa direndahkan do akka istri molo unduk tu suamina. Alai akka halak na marpikkir songon i dang ditanda nasida sabotulna ise Debata parholong i. Ai dang mungkin dibahen Jahowa pengaturan na merendahkan akka boru hasianna. Molo olo unduk istri tu suamina, na mangulahon paretta ni Jahowa do ibana disi. Pasti dame ma keluargana. (Ps. 119:165) Gabe marlas ni roha ma ibana, suamina, dohot gellengna.

10. Aha do na boi taparsiajari sian si Carol?

¹⁰ Molo olo istri unduk tu suamina na so sempurna, i patuduhon na holong do rohana tu Jahowa. Alana pengaturan sian Jahowa do i. Si Carol na tinggal di Amerika Selatan mandok, “Sipata olo do adong na sala dibahen suamikku. Alai carakku mananggapi kesalahanna i patuduhon sadia togu do parale-aleokku tu Jahowa. Jadi sai berupaya do au unduk tu suamikku asa las roha ni Bapakku na di surgo i.”

11. Aha do na mangurupi donganta si Aneese asa mura manalpuhon hasalaan, jala aha do na boi taparsiajari sian ibana?

¹¹ Gabe tantangan do di istri unduk tu suamina molo dang parduli suamina i tu perasaanna. Taparrohahon ma aha na dibahen si Aneese molo masa songon i. Didok ibana, “Berupaya do au asa unang mura-mura haccit rohakku. Huingot do sude do jolma boi mangulahon na sala. Alani i hutiru do Jahowa na sai rade manalpuhon hasalaan. Molo rade au manalpuhon hasalaan ni suamikku, gabe dame ma huhilala.” (Ps. 86:5) Jadi asa lam mura sahalak istri unduk tu suamina, ikkon rade do ibana manalpuhon hasalaan.

12. Aha do na boi taboto sian akka halak na olo unduk na disurat di Bibel?

¹² Adong do na mandok halak na gale do na olo unduk. Alai cara marpikkir na sala do i. Godang do disurat di Bibel contoh ni akka halak na olo unduk, alai sasittongna halak na barani do nasida. Saonari taulas ma parsiajaran na boi tadapot sian Jesus, si Abigail, dohot sian si Maria.

13. Boasa olo Jesus unduk tu Jahowa?

¹³ Malo hian do Jesus tikki mangajar, jala molo patorakkon ibana mura do attusan. Nang pe malo hian Jesus jala godang keahlianna,  olo do ibana unduk tu Jahowa. (Joh. 7:45, 46) Diargai Jahowa do kemampuan ni Jesus on. Ditogihon Jahowa do Jesus asa dohot manoppa sude na di surgo dohot na di tano on. (Poda 8:30; Heb. 1:2-4) Dung dipahehe Jesus, dipasahat Jahowa do muse tu ibana “huaso na di banua ginjang dohot na di tano on”. (Mat. 28:18) Nang pe songon i malo ni Jesus, alai torus do dilului ibana petunjuk sian Jahowa. Boasa? Ala massai holong do rohana tu Bapakna.​—Joh. 14:31.

14. (a) Songon dia do pandangan ni Jahowa tu borua jala aha do na boi diparsiajari suami sian i? (b) Aha do na boi diparsiajari suami sian Poda 31?

¹⁴ Parsiajaranna tu akka suami. Dipangido Jahowa pe istri unduk tu suamina, dang ala na urrendah borua sian bawa di jolo ni Jahowa. Buktina dipillit Jahowa do bawa dohot borua rap mamaretta dohot Jesus di Harajaonna na di surgo. (Gal. 3:26-29) Dilehon Jahowa do huaso tu Jesus ala pos rohana tu ibana. Jadi akka suami pe, boi do mangalehon tanggung jawab tu istrina. Adong do disurat di Bibel istri na mandapot tanggung jawab sian suamina lao mangatur rumah tanggana, mangatur parhepengon, jala marbisnis. (Jaha Poda 31:15, 16, 18.) On ma buktina dang hatoban sahalak istri. Marhak do ibana paboahon pandapotna. Jadi ikkon pos do roha ni suami tu istri jala ikkon rade manangihon pandapotna. (Jaha Poda 31:11, 26, 27.) Molo diargai suami do istrina, pasti ummura do istrina i unduk tu ibana.

15. Aha do na boi diparsiajari istri sian Jesus?

¹⁵ Parsiajaranna tu akka istri. Nang pe balga huaso ni Jesus, dang merasa direndahkan ibana molo unduk tu Jahowa. (1 Kor. 15:28; Plp. 2:5, 6) Songon Jesus, unang ma nian merasa direndahkan istri molo unduk ibana tu suamina nang pe malo ibana. Molo holong do roha ni istri tu suamina, pasti olo ibana unduk tu suamina. Alai dang holan i, on patuduhon na holong do rohana tu Jahowa jala diargai pengaturanna.

16. Sesuai tu 1 Samuel 25:3, 23-28, aha do na masa tu si Abigail? (Ida gambar sampul.)

¹⁶ Si Nabal do goar ni suami ni si Abigail. Si Nabal on halakna egois, ginjang rohana, jala dang diboto mandok mauliate. Nang pe songon i, dipartahatton si Abigail do rumah tanggana i. Buktina, dang dipasombu ibana si Daud dohot akka tentarana pamatehon suamina i. Langsung bertindak do ibana asa unang dipamate si Daud si Nabal dohot sude rumah tanggana. Bayangkon ma songon dia si Abigail mandapotton 400 tentara. Pasti halak na barani do ibana. Serep do muse rohana, olo do ibana marsomba di jolo ni si Daud jala olo do ibana mampartanggung jawabhon kesalahan ni suamina i. (Jaha 1 Samuel 25:3, 23-28.) Hasilna, gabe disadari si Daud ma na dipakke Jahowa do si Abigail pasingotton ibana asa unang sappe mangulahon dosa na balga.

17. Aha do na boi diparsiajari akka suami sian pengalaman ni si Daud dohot si Abigail?

¹⁷ Parsiajaranna tu akka suami. Borua na marbisuk do si Abigail jala olo do si Daud manangihon sipasingotna. Alani i, gabe dang saut dipamate si Daud halak na so marsala. Jadi boi do on ditiru akka suami. Suami na marbisuk olo do manangihon pandapot ni istrina sebelum mambahen keputusan na penting. Bisa jadi alani pandapot ni istrina i gabe diurupi ibana asa unang mambahen keputusan na sala.

18. Aha do na boi diparsiajari akka istri sian si Abigail?

¹⁸ Parsiajaranna tu akka istri. Molo holong roha ni sahalak istri tu Jahowa jala diargai pengaturanna, balga do pengaruh ni i tu keluargana. Nang pe dang sisomba Jahowa suamina manang dang mangihutton standarna, molo  diulahon ibana i godang do manfaatna. Ikkon berupaya do ibana mampartahatton rumah tanggana jala torus unduk tu suamina i. Molo dibahen ibana songon i, olo do ra gabe tertarik suamina i manomba Jahowa. (1 Ptr. 3:1, 2) Molo tung pe dang gabe sisomba Jahowa suamina i, alai las do roha ni Jahowa tu ibana. Alana olo do ibana unduk tu suamina jala toktong setia tu Jahowa.

19. Ikkon sai dioloi istri do sude paretta ni suamina?

¹⁹ Nang pe ikkon unduk tu suami, alai dang olo sahalak istri Kristen disuru mangulahon ulaon na so sesuai tu prinsip ni Bibel. Misalna molo disuru ibana manakko, margabus, manang mangulahon ulaon na so dihalomohon Jahowa. Sude halak Kristen termasuk akka istri, ikkon tu Jahowa do parjolo unduk. Jadi dang olo unduk sahalak istri Kristen tu suamina molo disuru mangalanggar prinsip ni Bibel. Ikkon tegas jala lambok do ibana paboahon alasanna boasa dang olo ibana mangulahon i.​—Ul. 5:29.

20. Sian dia do taboto na marale-ale si Maria tu Jahowa?

²⁰ Marale-ale do si Maria tu Jahowa. Buktina, boi do dikutip ibana lobi sian 20 ayat na adong di Akka Bukku Heber. On patuduhon takkas do diboto ibana isi ni Surat na Badia. (Luk. 1:46-55) Coba ma jo pikkiri on, nang pe nungnga martunangan si Maria tu si Josep, alai si Maria do na parjolo didapotton suru-suruan lao paboahon ibana do na manubuhon Anak ni Debata. (Luk. 1:26-33) Takkas do ditanda Jahowa si Maria. Jadi pos do rohana pasti holong do roha ni si Maria tu Anakna i jala denggan urusonna. Torus do marale-ale si Maria tu Jahowa bahkan dung mate Jesus jala dipahehe tu surgo.​—Ul. 1:14.

21. Sian kisah ni si Maria na disurat di Bibel, aha do na boi diparsiajari akka suami?

²¹ Parsiajaranna tu akka suami. Molo godang diboto istrina prinsip ni Bibel ikkon las do rohana. Unang ma merasa tersaingi ibana, jala marpikkir istrina i naeng manggattihon ibana gabe kepala keluarga. Gariada ikkon las do rohana molo godang prinsip ni Bibel na diboto istrina i. Alana balga do pengaruh ni i tu keluargana. Tottu nang pe ummalo istri sian suami, alai tanggung jawab ni suami do  mangurupi keluargana asa torus marale-ale tu Jahowa, termasuk ma i mangatur ibadat keluarga.​—Eps. 6:4.

22. Aha do na boi diparsiajari istri sian si Maria?

²² Parsiajaranna tu akka istri. Nang pe suami na bertanggung jawab mangurupi keluargana asa marale-ale tu Jahowa, alai porlu do tong istri marale-ale secara pribadi tu Jahowa. (Gal. 6:5) Ikkon dibahen ibana do asa adong tikkina marsiajar Bibel secara pribadi jala mangarimangi. Molo diulahon ibana i gabe lam balga ma holongna tu Jahowa, gabe torus ma ibana mangargai pengaturan na dibahen Jahowa jala ummura ma ibana unduk tu suamina.

23. Molo olo unduk istri tu suamina, aha do labana tu ibana, keluargana, dohot tu huria?

²³ Molo alani holongna tu Jahowa do istri unduk tu suamina, pasti unggodang las ni rohana sian akka halak na so olo mangihutton pengaturan ni Jahowa. Gabe teladan do nasida tu akka bawa dohot borua na poso jala boi mambahen dame huria. (Tit. 2:3-5) Saonari, akka donganta borua do godangan naposo ni Jahowa. (Ps. 68:11) Alai sude do hita, bawa dohot borua, boi mambahen dame huria. Di artikel na mangihut taparsiajari ma aha na porlu taulahon asa dame huria.