Marsiajar ma Sian Hata ni Debata

Aha do Ari Panguhuman i?

PANGOLU

Adong piga-piga sukkun-sukkun di artikel on, jala hea do ra ro sukkun-sukkun sisongon i tu rohamuna. Lao taida ma alusna sian Bibel. Las do roha ni Saksi Jahowa mambahas i dohot hamu.

1. Aha do Ari Panguhuman i?

Songon na dipatudu di gambar sabola kanan on, songon i do na dibayakkon godang halak taringot Ari Panguhuman. Diboan ma marmiliar tondi ni halak naung mate tu jolo ni tahta ni Debata, asa diuhumi nasida mangihutton pangalaho ni nasida najolo. Piga-piga halak dibahen ma tu surgo, alai na asing disiksa ma di api narokko. Hape didok do di Bibel tujuan Ari Panguhuman, i ma lao paluahon akka halak sian ketidakadilan. (Psalmen 96:13) Nungnga dipillit Debata be Jesus lao gabe Hakim na lao mambahen keadilan tu sude jolma.—Jaha Jesaya 11:1-5; Ulaon ni Apostel 17:31.

2. Boha do carana Ari Panguhuman i gabe mambahen keadilan tu sude jolma?

Ala dialo si Adam Debata, gabe dohot ma pinopparna mardosa, susa, jala mate. (Rom 5:12) Dang adil sebenarna on. Alani i, lao paheheon ni Jesus ma marmiliar halak naung mate. Didok di bukku Pangungkapon, na lao terjadi do i tikki mamaretta Jesus Kristus saleleng 1.000 taon.—Jaha Pangungkapon 20:4, 11, 12.

Jala na lao diuhumi do akka halak naung dipahehe i mangihutton pangalaho ni nasida tikki dibukka “akka gulungan”, songon na dipaboa di Pangungkapon pasal 20. Dang diuhumi nasida mangihutton pangalaho ni nasida tikki sebelum mate. (Rom 6:7) Apostel Paulus pe mandok, na lao dipahehe do “halak na burju dohot halak na jahat”. Jala dilehon ma kesempatan tu nasida lao marsiajar taringot Debata.—Jaha Ulaon ni Apostel 24:15.

3. Aha do hasilna di ujung ni Ari Panguhuman i?

Adong do akka halak na so sanga mananda jala manomba Jahowa sahat tu na mate. Lao dipahehe do nasida, jala dilehon ma kesempatan tu nasida asa muba jala mangulahon na denggan. Molo olo nasida muba jala manomba Debata, gabe ‘hehe tu hangoluan’ ma nasida. Alai molo dang olo nasida manomba Jahowa, gabe “hehe lao diuhumi” ma nasida.—Jaha Johannes 5:28, 29; Jesaya 26:10; 65:20.

Di ujung ni 1.000 taon Ari Panguhuman i, nungnga sempurna be akka jolma na mangoloi Jahowa. (1 Korint 15:24-28) Sada masa depan na luar biasa do on tu sude halak na mangoloi Debata! Alai di ujung ni 1.000 taon i, dipalua Debata ma muse Sibolis naung dipenjarahon saleleng 1.000 taon. Berusaha do Sibolis lao mambahen akka jolma asa mandao sian Jahowa. Alai molo tetap nasida setia tu Jahowa, gabe boi ma nasida mangolu saleleng ni lelengna di tano on.—Jaha Jesaya 25:8; Pangungkapon 20:7-9.

4. Ari Panguhuman aha ma muse na marguna tu sude jolma?

Di Bibel, didok do ari rimas ni Jahowa i “ari panguhuman”. Toppu do ro ari i, sarupa ma songon Aek na Sumar di jaman ni si Noak na mambahen mate sude halak na jahat di tikki i. Satokkin nai, lao dipamate ma ‘akka halak na so pasangappon Debata’ di ari panguhuman i. Dung i, gabe boi ma ‘akka halak na mangulahon paretta ni Debata’ mangolu di tano on saleleng ni lelengna.—Jaha 2 Petrus 3:6, 7, 13.