Parrohahon ma na didok akka pamimpin agama taringot porang di Ukraina:

•   “Kepala Gereja Ortodoks Rusia, Patriark Kirill dang mengomentari taringot serangan ni Rusia i.  . . . Dipaboa-boa garejana do barita na so sittong taringot Ukraina, jala i ma na dipakke si Putin lao mambela serangan ni Rusia i.”—EUobserver, 7 Maret 2022.

•   “Setuju hian do Patriark Kirill . . . tu serangan ni Rusia tu Ukraina. Didok ibana sada tujuan ni porang on i ma lao mangalo pengaruh ni dosa.”—AP News, 8 Maret 2022.

•   “Di ari Senin na salpu, pamimpin Gereja Ortodoks Ukraina, Metropolitan Epiphanius I di Kiev mamasu-masu akka jemaatna na marporang mangalo Rusia.  . . . Didok [ibana] dang gabe mardosa molo dipamate akka tentara ni Rusia.”—Jerusalem Post, 16 Maret 2022.

•   “Didukung hami [Dewan Gereja dan Organisasi Keagamaan Ukraina (UCCRO)] do Angkatan Bersenjata Ukraina dohot sude na mambela negaratta. Dipasu-pasu hami do sude upaya ni nasida, jala ditangiakkon hami do nasida.”—UCCRO a Statement, 24 Februari 2022.

 Boha do menurut hamu? Patut do akka agama na mangakku mangihutton Jesus manjujui akka jemaatna asa dohot marporang? Aha do na dipaboa Bibel taringot on?

Pengaruh ni agama sian najolo tu porang

 Sejarah patuduhon molo agama sering do menyetujui jala mendukung parporangan, bahkan didok do molo porang i ma dalanna asa dame. Alai saleleng martaon-taon, dipaboa Saksi Jahowa na munafik do akka agama i. Parrohahon ma piga-piga contoh na dipaboa di publikasitta.

•   “Perang Salib—‘Ilusi yang Tragis’” paboahon molo Gereja Katolik Roma do na martanggung jawab tu pembantaian na diulahon di bagasan goar ni Debata dohot Kristus.

•   “Gereja Katolik di Afrika” patorakkon songon dia agama gagal pasohon perang suku dohot genosida.

•   Artikel “Apakah Agama Dalangnya?”, “Peran Agama dalam Peperangan Manusia”, dohot “Agama Berpihak” paboahon songon dia akka pamimpin ni gareja Katolik, Ortodoks, dohot Protestan mendukung duassa pihak na marporang.

Patut do halak Kristen marporang?

 Na diajarhon Jesus: “Ikkon haholonganmu do donganmu jolma doshon dirim.” (Mateus 22:39) “Toktong ma haholongi musum.”—Mateus 5:44-47.

 Na diajarhon Jesus: “Dang sian portibi on Harajaokku. Molo sian portibi on Harajaokku, pasti aloon ni akka naposokki do nasida asa unang dipasahat au.” (Johannes 18:36) “Manang ise na manittak podang, mate do dibahen podang.”—Mateus 26:47-52.

 Pikkirhon ma: Molo sisean ni Jesus pe dang diloas mamakke sinjata lao melindungi Jesus, patut do molo halak Kristen marporang tu tujuan na asing? Ida ma artikel “Apakah Perang Sejalan dengan Kekristenan?” na mambahas songon dia halak Kristen di abad na parjolo maniru Jesus jala mangihutton ajaranna.

Aha do na lao masa tu akka agama na mendukung parporangan?

 Bibel mandok dang dijalo Debata agama na mangakku mangihutton Jesus, hape dang mangihutton ajaranna.—Mateus 7:21-23; Titus 1:16.

•   Bukku Pangungkapon paboahon, na martanggung jawab do akka agama i di jolo ni Debata alani “akka na tarbunu di tano on”. (Pangungkapon 18:21, 24) Ida ma artikel “Apa Babilon Besar Itu?” lao mamboto alasanna.

•   Didok Jesus hancurhonon ni Debata ma sude agama na mangulahon akka na jahat. Dos songon hau na so denggan parbuena, ‘lao ditaba do i jala disappatton ma i tu api’. (Mateus 7:15-20) Ida ma artikel “Akhir Agama Palsu Sudah Dekat!” lao mamboto songon dia i masa.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images