Lobi sian 130 taon, marpungu do Saksi Jahowa di acara parpunguan regional na dibahen ganup taon. Di parpunguan on adong lobi sian 40 jamita jala adong musik, akka wawancara dohot akka video. Asa sude halak na ro mandapot manfaat sian acara on, ikkon takkas do ‘dibege dohot diida’ nasida acara i. (Lukas 2:20) Songon dia do sumbanganmuna dipakke lao mendukung akka acara parpunguan regional?

 Di piga-piga negara, godang do stadion manang gedung na lengkap peralatan audio/videona. Jadi molo tasewa inganan sisongon i, boasa ikkon tapakke peralatanta sandiri? Si David na karejo di bagian Departemen Broadcasting di Kantor Pusat mandok, “Di piga-piga inganan na tasewa, biasana nungnga dirancang bangunan i asa boi takkas tarbege soara sian mic lobi sian onom jom. Contohna di gedung olahraga, biasana adong do pengumuman na singkat dohot musik. Adong do muse layar na patuduhon skor pertandingan, iklan dohot siaran ulang sian pertandingan i. Hape, lomo do rohatta asa akka na ro boi manonton akka video na ungganjang jala boi takkas dibege nasida akka na dipasahat sian panggung.”

 Marasing-asing do inganan na dipakke lao tu acara parpunguan regional. Alani i ikkon disesuaihon do sistem audio/videona. Biasana dung dipillit sada tempat lao parpunguan regional, ditontuhon Departemen Broadcasting na di kantor cabang ma didia hundulan ni akka hadirin sesuai tu kapasitas ni inganan i. Dung i ditottuhon nasida ma didia posisi ni speaker dohot layar video na lao dipasang. Diparade nasida do muse sude na dihaporluhon asa akka hadirin na ro boi takkas mambege jala mangida acara i.

 Molo acara parpunguan regionalna dibahen tu piga-piga bahasa, porlu do kerja keras lao mangatur sistem audio/videona. Alana na parjolo ikkon takkas do diida jala dibege akka penerjemahna acara parpunguan regional i. Dung i diterjemahon nasida ma acara i, jala disalurhon ma soara ni nasida tu akka sambungan chanel radio. Asing ni i, ala adong pemutar media khusus gabe boi ma sude hadirin rappak manonton video na sarupa nang pe videona diterjemahon tu ualu bahasa. Didok si David, “Dang mura lao mambahen sistem audio songon on jala akka sukarelawan na mangoperasihon i pe ikkon dapot pelatihan do nasida.”

 Nungnga godang kantor cabang na paradehon peralatan audio/video na lao dipakke tu acara parpunguan regional. Peralatan i biasana dipakke di piga-piga inganan parpunguan regional, jadi ikkon diatur do asa boi dikirim akka peralatan i. Songon di cabang Amerika Serikat, porlu do biaya 200.000 dollar AS ganup taon lao tu biaya pengiriman peralatan i. Alai ummura do i sian manuhor jala mangarawat akka peralatan tambahan. Sahalak donganta na margoar si Steven na mengawasi bagian audio/video di parpunguan regional Kanada mandok, “Marsitutu do tim audio/video-nami asa mamastihon sude bagian ni peralatan i termasuk na gelleng songon baut, mur, kabel dang adong na mago, denggan dirawat, disusun asa unang sega tikki dikirim.”

 Ummarga do menyewa peralatan audio/video sian na manuhor. Jala biasana peralatan na disewa i dang pola denggan kualitasna jala dang denggan dirawat. Songon na baru-baru on, arga ni layar LED na marukuran lima kali tolu meter i ma 24.000 dollar AS, jala kabel mikrofon na ganjangna 15 meter argana 20 dollar AS. Jadi, kerja sama ma Departemen Broadcasting dohot Departemen Pembelian lao “mangetong” biaya sebelum manuhor akka peralatan i. (Lukas 14:28) Misalna ikkon dipastihon nasida do sadia godang do halak na mandapot manfaat sian peralatan i? Memang peralatan i do na tahaporluhon manang adong solusi na asing? Adong do tempat lao manimpan akka peralatan i jala adong do alat dohot akka relawan na terlatik lao mangarawat akka peralatan i?

 Asa boi tetap denggan akka peralatan i jala menghemat sumbangan ni akka dongan, ikkon dirawat do i. Asing ni i, tikki lao mengirim akka peralatan i, dipamasuk ma i tu kotak na tahan banting asa unang sega. Jala akka kotak i pe ikkon denggan dirawat.

 Piga-piga halak na so Saksi Jahowa terkesan do tu kualitas ni audio/video di acara parpunguan regional. Di sada parpunguan regional adong do sahalak karyawan na karejo di perusahaan broadcasting terbesar di dunia, mangomentari taringot kualitas ni acara dohot akka videota. Sahalak donganta si Jonathan na karejo di bagian tim audio/video di parpunguan regional paboahon aha na didok karyawan i. Didok ibana, “Tarsonggot do ibana dung mamboto sude akka dongan na karejo di bagian audio/video sukarelawan jala dang adong na hea sikkola khusus taringot tusi. Biasana perusahaan ni halak i sampe lima ari do lao memasang akka peralatan sisongon on, hape hita holan sada satonga ari do.” Di parpunguan regional na asing, sahalak manajer gedung mandok, “Nungnga godang huida cara kerja ni akka halak na karejo di bidang musik dohot video, alai huida dao do hamu lebih terampil jala massai denggan do cara kerjamuna.”

 Aha do manfaat na dihilala hamu sian sistem audio/video di acara parpunguan regional? Sarupa do ra perasaanmuna songon si David na tinggal di Inggris. Didok ibana, “Nungnga marumur 88 taon au, jala nungnga martaon-taon au dohot tu acara parpunguan regional. Alai huhilala saonari gabe ummura do au fokus menikmati acarana. Mauliate ma ala denggan do sude akka videona jala takkas do sude na dipasahat, gabe boi ma dapottu parsiajaranna. Huhilala gabe hira na hatop hian ma sae acara i.” Si Micheal na tinggal di Nigeria mandok, “Ala saonari nungnga takkas be dibege akka jamita jala takkas diida akka videona, gabe ummura ma akka dongan konsentrasi jala dang bosan saleleng acara i.”

 Tikki dohot hamu tu acara parpunguan regional ‘Baritahon ma Barita na Uli!’ dohot Parpunguan Istimewa taon on, rimangi ma akka aha do naung diulahon akka donganta asa boi takkas diida jala dibege hamu acara i. Boi pe denggan tanikmati akka acara i alani akka sumbanganmuna do tong, termasuk ma i na dilehon hamu marhite donate.dan124.com. Alani i mandok mauliate godang do hami tu haburjuonmuna i.