Daong. Dang adong na mamaksa hamu gabe Saksi Jahowa. Adong marjuta halak na marsiajar Bibel dohot hami, alai dang na gabe terdaftar nasida tu hurianami. a Tujuan ni parsiajaran Bibel dibahen, i ma lao mangurupi akka halak mamboto aha do na diajarhon Bibel. Hamu sandiri do na manottuhon aha tujuanmuna marsiajar Bibel. Diboto hami do, marhak do ganup halak mamillit aha na lao dihaporseai nasida.​—Josua 24:15.

 Boi. Las do rohanami molo dipakke hamu Bibelmuna sandiri, nang pe hami mamakke Bibel Terjemahan Tano na Imbaru. Jala molo olo hamu, boi do dilehon hami Bibel i tu hamu. Boi do hamu tetap marsiajar Bibel dang soal Bibel terjemahan na dia pe na dipakke hamu. Molo marsiajar Bibel hamu, gabe diboto hamu ma janji ni Debata jala boi ma hamu mandapot haluaon.

•   Alani holong tu Debata Jahowa do umbahen diulahon hami on. Lomo do rohana asa dipaboa halak Kristen aha na diparsiajari nasida tu na asing. (Mateus 22:37, 38; 28:19, 20) Bangga do hami ala boi gabe “dongan sakarejo ni Debata” lao mangurupi akka halak asa mamboto taringot Hatana, na dipaboa di Bibel.​—1 Korint 3:​6-9.

•   Holong tu dongan do muse na mangonjar rohanami mangulahon on. (Mateus 22:39) Las do rohanami paboahon aha na diparsiajari hami tu akka halak. Alana diboto hami massai arga do parbinotoan i.​—Ulaon ni Apostel 20:35.