Acara perkawinan ni Saksi Jahowa biasana sederhana do jala terhormat. Alai na urrikkot di acara i, i ma jamita perkawinan na sesuai tu isi ni Bibel. Dung sae jamita i, boi do muse dibahen acara resepsi manang rap mangan. a Najolo, Jesus pe hea do ro tu acara perkawinan di kota Kana.​—Johannes 2:1-11.

•  Songon dia do acara perkawinan ni Saksi Jahowa?

•  Didia do Saksi Jahowa mambahen acara perkawinan?

•  Ise do na boi ro?

•  Ikkon ditottuhon do pakkean ni halak na ro tu acara i?

•  Boi do mangalehon hadiah?

•  Adong do acara bersulang?

•  Adong do kebiasaan mangalempar boras di acara i?

•  Adong do disediahon sipanganon dohot siinumon di acara i?

•  Boi do marmusik, marjoget manang mardansa?

•  Dirayahon Saksi Jahowa do ulang taon perkawinan?

 Bagian na uppetting di acara perkawinan, i ma jamita tu perkawinan. Na dipasahat sahalak rohaniwan ni Saksi Jahowa hira-hira 30 menit. Jamita na dipasahat marisi poda na sian Bibel na boi marlaba tu pengantin, asa boi toktong hot perkawinan ni nasida jala marlas ni roha.​—Epesus 5:33.

 Di godang negara, dilehon pamaretta do ijin tu rohaniwan ni Saksi Jahowa asa mambahen sah perkawinan. Molo songon i do pengaturanna ikkon dipasahat penganti i ma ikrar ni perkawinan di ujung ni jamita, dukkon i boi ma nasida tukkar cincin. Dung i dipaboa rohaniwan i ma naung sah nasida gabe suami istri.

 Di negara na asing, ikkon tu kantor pemerintahan do ro halak na lao menikah asa boi sah perkawinan ni nasida. Dang leleng dukkon i, dibahen ma jamita tu perkawinan ni nasida. Molo dang dipasahat pengantin i dope ikrar perkawinan tikki pencatatan sipil, boi ma dipasahat i di ujung ni jamita. Alai molo nungnga dipasahat nasida hian do ikrar perkawinan i andorang so dipasahat dope jamita, boi ma di ulang nasida muse di ujung ni jamita sarupa songon na sebelumna. Dung i, ditutup ma jamita i dohot tangiang lao mangido asa dipasu-pasu pengantin i.

 Godang do Saksi Jahowa na mambahen acara perkawinan ni nasida di Bale Harajaon, molo adong Bale Harajaon di inganan ni nasida. b Alai molo naeng dibahen pengantin i resepsi, dibahen ma i di inganan na asing.

 Molo di Bale Harajaon do dibahen acara perkawinan i, ise pe boi do ro dang soal Saksi manang na dang. Alai na ro tu resepsi, pengantin i do na manottuhon ise na diundang nasida.

 Dang adong aturan na dibahen taringot pakkean na lao dipakke tu acara perkawinan di Bale Harajaon. Alai, berupaya do Saksi Jahowa asa mangihutton poda na didok di Bibel asa dipakke nasida pakkean na sopan jala na pantas. Molo diihutton akka halak na ro tu pesta i do poda na didok Bibel taringot marpakkean, tottu las do roha ni pengantin i. (1 Timoteus 2:9) Jala tikki ro tu resepsi pe, ikkon toktong ma marpakkean na sopan jala na pantas.

 Didok di Bibel, ikkon olo do hita marbagi. (Psalmen 37:21) Lomo do roha ni Saksi Jahowa mangalehon jala manjalo hadiah. (Lukas 6:38) Alai, dang dipangido nasida asa dilehon tu nasida hadiah jala dang dipaboa nasida ise do na mangalehon hadiah i. Alana dang songon i na diajarhon Bibel. Jala molo dibahen nasida songon i boi do mambahen dang tabo perasaan ni halak na diundang i. (Mateus 6:3, 4; 2 Korint 9:7; 1 Petrus 3:8)

 Dang adong. Dang hea Saksi Jahowa bersulang, alana sian kebiasaan ni kafir c do i. Dang songon i cara ni Saksi Jahowa manangiakkon pengantin i.

 Dang adong. Di piga-piga inganan, adong do halak na mangalempar boras, potongan ni harotas manang akka na asing tu pengantin. Porsea do nasida molo dibahen songon i gabe mandapot pasu-pasu, marlas ni roha, jala gabe ganjang ma umur ni pengantin i. Alai dang hea Saksi Jahowa mangihutton tradisi sisongon i na adong hubunganna tu takhyul.​—Jesaya 65:11.

 Dang adong sipanganon manang siinumon na diparade di acara perkawinan na dibahen di Bale Harajaon. Alai biasana, molo dibahen resepsi dung sae acara sian Bale Harajaon, adong do diparade sipanganon dohot siinumon. (Parjamita 9:7) Molo adong disediahon pengantin minuman beralkohol, ikkon dipastihon nasida do asa unang pagodanghu. Jala ikkon dipastihon nasida do, holan halak na cukup umur do na boi manginum i.​—Lukas 21:34; Rom 13:1, 13.

 Molo dibahen pengantin i do acara resepsi, nasida do na manottuhon na boi do adong musik, marjoget manang mardansa di acara i. (Parjamita 3:4) Marragam do musik na boi dipillit sesuai tu kebiasaan dohot kebudayaan. Alai, ikkon dipastihon nasida do unang sappe terganggu roha ni akka halak na ro mambege musik na diputar. Alai molo acara na dibahen di Bale Harajaon, ikkon holan musik na marisi hata ni Bibel do na ikkon diputar disi.

 Dang adong hatorangan di Bibel na paboahon taringot mangarayahon ulang taon perkawinan. Alai akka Saksi Jahowa naung marhasohotan, ikkon nasida do na manottuhon lao dirayahon nasida manang na dang ulang taon perkawinan ni nasida. Alai molo naeng dirayahon nasida, boi do holan nasida na dua na mangarayahon manang rap dohot dongan manang rap keluarga ni nasida.