Saksi Jahowa nungnga menerjemahon akka sijahaon na sian bahasa Inggris tu lobi sian 900 bahasa. Alai, dang mura lao menerjemahon on, tarlumobi tu bahasa isyarat. Alana, halak na ngungu dang na mamakke soara nasida makkatai, alai mamakke gerakan tangan dohot ekspresi bohi. Alani i, akka sijahaon na sian bahasa Inggris i, diterjemahon ma gabe video. Jadi, cara on ma na dipakke Saksi Jahowa tikki menerjemahon akka sijahaon tu lobi sian 90 bahasa isyarat.

Akka Saksi Jahowa do na menerjemahon on. Asa denggan terjemahanna, ikkon halak na mamakke bahasa i do na menerjemahon. Jadi, godang do sian nasida halak na ngungu jala mamakke bahasa isyarat sian na metmet. Adong do piga-piga na so halak na ngungu. Alai, boi do nasida marbahasa isyarat ala adong keluarga ni nasida na ngungu. Akka penerjemah on ringgas do marsiajar Bibel.

Akka penerjemah na baru ikkon dilatik do cara menerjemahon. Si Andrew mandok, “Sian mulai na gelleng au sikkola di sikkola ni halak na ngungu, jala nga somal hupangke bahasa isyarat. Alai di pelatihan on gabe huboto ma tata bahasa isyarat. Diurupi akka penerjemah na asing do muse au songon dia asa lam denggan mambahen ekspresi wajah, mambahen gerakan tangan dohot pamatang. Molo nga denggan, gabe lam takkas ma hatorangan na hupasahat.”

Tikki menerjemahon, adong tolu halak di bagasan sada tim. Marasing-asing do tugas ni nasida. Adong na menerjemahon, adong na mamastihon nungnga pas be maknana, jala adong muse na mamastihon nungnga wajar be hasil terjemahanna. Dung i, dijou ma piga-piga halak na ngungu sian piga-piga daerah. Ditonton nasida ma video naung diterjemahon i. Dung i, dipaboa nasida ma dia dope na porlu dipature sian video i. Massai rikkot do on, asa boi diboto nga pas be gerakan tangan dohot ekpresina. Manang diattusi nasida do aha na dipasahat di video i.

Ganup minggu do akka penerjemah bahasa isyarat on marpungu lao manomba Debata, di huria na mamakke bahasa isyarat. Jala, jotjot do nasida mangurupi halak na ngungu na so Saksi asa marsiajar Bibel. Alani i gabe diboto nasida ma songon dia do perkembangan bahasa isyarat di luat i.

Didok do di Bibel, “saluhut bangso, marga, dohot bahasa” ikkon mambege barita na uli. (Pangungkapon 7:9) Jadi, akka halak na marbahasa isyarat manang na ngungu pe porlu do mamboto barita na uli on.

Las do roha ni akka penerjemah on mangalehon gogo dohot tikki ni nasida tu ulaon na rikkot on. Adong penerjemah na margoar si Tony mandok, “Huboto do songon dia pakkilalaan ni na ngungu, alana ahu pe halak na ngungu do. Sian najolo sai lomo do rohakku boi mangurupi halak na ngungu mamboto barita na uli sian Bibel.”

Sahalak penerjemah na margoar si Amanda mandok, “Umlomo do rohakku tu karejokku saonari sian karejokku najolo. Alana au saonari menerjemahon sijahaon na marisi barita sian Bibel tu halak na ngungu.”

Asa boi diida hamu akka video bahasa isyarat di jw.org, ida ma tudu-tudu di “Mencari Publikasi Bahasa Isyarat”.