Nungnga dipakke be sude bangunan na adong di Warwick. Di mula ni bulan September, adong hira-hira 500 halak na tading disi, i ma akka sukarelawan na dohot pajongjokkon inganan i rappon akka anggota Betel na pinda sian Brooklyn.

Sahalak parkarejo na disi mamareso keramik na dipakke di pintu lao masuk tu museum “Akka Halak na Manomba Jahowa”. Denggan do keramik on diparade asa boi museum on diida songon situasi di tikki najolo.

Donganta si Stephen Lett tikki manguluhon acara ibadat pagi na parjolo, na disiarhon sian Warwick. Donganta on ma sada sian Punguan na Mangaradoti Organisasi. Dijahahon ibana ma sada surat na marisi hata mauliate tu lobi sian 27.000 sukarelawan na mangurupi ulaon pajongjokkon kantor pusat dohot tu sude na mangurupi di ulaon on.

Sahalak tukang hau mamasang akka huruf di sada papan tanda lao masuk tu sada sian tolu museum na so diurupi pemandu. Goar ni museum on, i ma “Akka Halak na Manomba Jahowa”. Museum on patuduhon sejarah ni Sitindangi Ni Jahowa mulai sian taon 1870 sahat tu saonari.

Panitia Penulisan marrapot dohot akka asisten ni nasida rappon akka anggota ni Departemen Penulisan. Dipakke do akka layar monitor lao patuduhon gombar na lao dipakke tu publikasi na baru. Layar monitor i pe mangurupi nasida asa boi makkatai tu akka dongan na adong di departemen na asing. Meja na dipakke nasida, i ma meja na dilehon tu Organisasi piga-piga taon naung salpu, na dipapinda sian Brooklyn tu Warwick.

Tanggal 19 Oktober 2016 masa do halisungsung Haima (Lawin) di Filipina. Marsogotna i, sahalak asisten ni Panitia Koordinator dohot akka donganta na asing mangulas cara lao mangurupi akka halak di Filipina. Ala adong konferensi video, boi ma pittor hatop akka departemen di kantor pusat mangurus taringot situasi on, jala paboahon taringot on tu akka kantor cabang di liat portibi on.

Kolam penyerapan (bioretention) na adong di jonok ni Inganan Alat Partukangan jala di jonok ni dalan lao masuk tu kantor pusat. Akka kolam on ma na gabe inganan ni aek udan jala dison ma aek udan i dipaias sian polusi. On boi mangorui 50 persen hepeng na dipakke lao mamasang sistem pengairan na jotjot dipakke. Aek naung dipaias i masuk tu akka bangunan di inganan i. Gabe lam denggan ma akka suan-suanan dohot akka binatang.

Adong do akka donganta na mangurupi mamboan akka barang sian gudang penerimaan. Adong hira-hira 80 parkarejo na mangurupi keluarga Betel pinda sian Brooklyn tu Warwick.

Akka na mambahen roti di inganan i pakaluarhon adonan ni roti sian alat pengaduk tu meja. Ala pengaduk on boi mancampur 45 kilogram adonan, gabe lam mura jala denggan ma karejo na diulahon. Adong do lemari na manimpan adonan i di inganan na mambahen roti di Warwick. Di lemari i, adong do program lao pahatoppon manang palambatton proses fermentasi marhite mangatur suhu dohot kelembapan. Alani i, on boi mangurupi ulaon mambahen roti ganup minggu.

Akka donganta na karejo di inganan alat partukangan mamboan sampah sian inganan i. Kantorta na di Warwick on dang songon na di Brooklyn. Alana di Warwick on, godang do akka gedung na terhubung (dibahen jembatanna). Alani i, holan saotik do parkarejo dohot kendaraan na dihaporluhon lao mamboan sampah dohot akka barang na boi dipakke muse.

Asa rapi abit naung disussi jala boi pittor digosok, ikkon disemprot donganta do abit i mamakke aek. Ganup minggu, hira-hira 5.000 kilogram abit ma na disussi di Departemen Penatu di Warwick. Asa unang marpilitan, ditempelhon akka parkarejo i ma tanda barcode tu abit i. Dung i, di-scan ma tanda i asa diboto tu departemen na dia manang tu ise abit i ditaruhon.

Sahalak parkarejo mamareso jala padengganhon alat berat na dipakke di ruangan pembangkit listrik. Toktong do dirawat alat on asa unang hatop sega jala asa aman tikki dipakke.

Sahalak ahli komputer mamareso program na patuduhon video pamukka di museum “Diulahon ala Marhaporseaon”.

Akka parkarejo padengganton sepeda na dibahen taon 1903. Sepeda on ma na lao dipatudu di museum “Akka Halak na Manomba Jahowa”. Manat do akka parkarejo on padengganton sepeda i. Sepeda on patuduhon hiras ni roha ni Akka Parsiajar Bibel (saonari didok Sitindangi Ni Jahowa) tikki pasahatton barita na uli na sian Bibel.

Akka parkarejo mamasang kaca na dipakke lao manimpan barang taringot “Drama-Foto Penciptaan” na lao dipatudu. On ma gambar bergerak dohot slide na dipatudu taon 1914. Di tikki i adong hira-hira sia juta halak na manonton i.

Juru arsip dohot seniman paradehon Alkitab Zurich Latin edisi taon 1544 na lao dipatudu di museum “Bibel dohot Goar ni Debata”. Tanda panah na rara di Bibel sabola hambirang patuduhon goar ni Debata, i ma Jahowa. Asing ni i, adong do na diulahon juru arsip i asa unang hatop sega akka Bibel i. Umpamana, akka halaman ni Bibel i dilapis dohot plastik, diatur do suhu ruangan i asa unang pangalihu manang pamohophu, jala denggan do diatur sinar fiber-optik di inganan i asa unang hatop sega harotas ni Bibel naung lapuhon i.

Menara on timbona 23 meter. Sian menara on, boi ma akka na ro mangida humaliang ni kantor pusat di Warwick jala adong do na mandongani nasida. Mulai tanggal 3 April 2017, nungnga dibukka be pendaftaran lao tur di museum kantor pusat di Warwick alai dang diurupi pemandu. Akka halak na marsakkap lao tur ikkon mendaftar di situsnami marhite mambukka bagian TARINGOT HAMI > KANTOR & TUR.

Sahalak juru arsip mameakhon Bibel King James Version edisi na parjolo taon 1611. Nungnga maol be Bibel edisi on didapot. Akka parkarejo di Warwick do na mambahen alat penyangga ni Bibel i.

Sahalak seniman mameakhon sada topi na lao dipatudu di museum i. Donganta si Joseph F. Rutherford do nampuna topi i. Ibana ma na manguluhon organisasi ni Sitindangi Ni Jahowa 100 taon naung salpu. Akka barang na dipatudu di museum “Akka Halak na Manomba Jahowa”, manggombarhon hiras ni roha ni Sitindangi Ni Jahowa di ulaon marbarita na uli di tikki naung salpu.

Tim perekaman audio merekam soara ni sahalak donganta na manjahahon hatorangan taringot tur na so diurupi pemandu di museum “Bibel dohot Goar ni Debata”. Hira-hira saminggu dukkon dipapinda peralatan rekaman sian Brooklyn tu Warwick, pittor boi do studio rekaman i dipakke. Studio on (na terhubung tu akka studio rekaman na asing di Pusat Pendidikan Menara Pengawal di Patterson) dipakke lao merekam Alkitab Terjemahan Dunia Baru, Joujou Paboahon dohot Sadarlah!, akka artikel di jw.org, jala publikasi audio.

Sahalak asisten ni tukang hau na mancet pinggir ni bingkai foto tiga dimensi. Di museum “Akka Halak na Manomba Jahowa”, dipatudu do akka foto ni Akka Parsiajar Bibel di ujung ni abad 19.

Sahalak seniman mancet patung Kaleb, na adong di video Gabe Aleale ni Jahowa. Patung on lao dipatudu di sada inganan na paboahon taringot ulaon dohot cara ni Sitindangi ni Jahowa mangurupi akka dakdanak.

Sahalak parkarejo mamotong gombar dohot vinil (bahan sian plastik na so mura tartutung) di museum “Akka Halak na Manomba Jahowa”. Lobi sian 250 halak na mangurupi sahat tu na sae tolu museum i dipajongjong. Nasida ma akka na mambahen lemari, mambahen program komputer, desainer, ahli listrik, pemasang ubin, videographer, dohot penulis.