JI’TE 13
Ya tchoung pepoung be si ne Mtchôsi?
1. Goung mtchôsi awè be a poung a?
Pô pye wap koung nyenyô a be tchum goung mtchôsi awè. Tchoung pepoung be ge Si bo djô wap neng bo tchôm wap. Da’ge ywe ye a pôk a pe ge, te fe a tyè’, pou shye m ne tchôsi te gre tchwepoung. (2 Korinto 4:3, 4; 11:13-15) Pa’ pou djou’ ba tchum mtchoung a, pou ne pe ghe mbôkbôk tse, ne jwete pô, do’ mshou, ba ne ghe tse tchwepoung ne pô, she mtchôsi pe jum o. Yé mtso pô pye wap koung nyenyô a lé!—Ké Matio 24:3-5, 11, 12.
Tchôsi nyenyô ne ning deng ne Si, tchôsi shyeshwe pe gre pe ywe ye a ka poung é a. Wap ji’te potse tsye a te them tchum Bible a pe, ba m pa’ ne tchwanwe ne Si, ba ne mpfe pô a. Da’ge Jéova tcheng ge pômneng jye nyenyô ne é.—Ké Ézéchiel 18:4; 1 Timotio 2:3-5.
2. Ya tchoung pepoung be si ne mtchôsi?
Ywe ŋwègne be ge, Si te thak ge mtchôsi shyeshwe fute é pe. (Yakop 4:4) Bible khé goung mtchôsi shyeshwe awè ge “Babilon gwye.” Babilon be ta’ bvo tisoung ye ne ghamte tchwepoung le tho’ ne tchwe ye dômgne beng le mi a. A tchu’ mou ywe Si simgne goung mtchosi mye a fute pômneng bing be bakgne wap a pe kwi tchum.—Ké Apokalipse 17:1, 2, 5, 16, 17; 18:8.
Da’ge tchoung pepoung te da’ yenge pe. Jéova te djuôgne pe koung nyenyô pye wap be ma’te ma’te tchum mtchôsi shyeshwe a pe. É de nyenyô ye é ji’te bi pou a ne tchou’te wap.—Ké Michée 4:2, 5.
3. Pô pye wap koung nyenyô a gô ghe la?
Tchôsi nyenyô tchou’te pômneng
Jéova dé pô pye wap koung ywe ye a poung bing be nyenyô a. É gôm ge wap lo’gne them tchum mtchôsi shyeshwe. Pôpye wap koung Si a tcheng ne kwyepgne, te ne ŋwègne bi é.—Ké Apokalipse 18:4.
Ne dendze wôdzu khe, pô pye wap koung Si a le de ŋwègne ne bing mtchoung pepoung mye mghè them le gôm a. Wap le tchye m ne Jéova dagne ta’ tchi ne tchwe mse, ne le ŋwègne tchwe, ba ne pyap mtyè’dzu dze te môkte. A be kwa’ mfo’te pepoung bi pe tyô’ô, nekele wap le you’ mtchoung pepoung neng goung djap Jéova pe kwa’ tse dze ne yap ne tchwe.—Ké 1 Tésalonika 1:8, 9; 2:13.
Jéova de pô pye wap khengne mtchôsi shyeshwe a tchum toundye é. O ping pa’ Jéova Si bo de ŋwègne khé o a, be o gô tsu pé ne pe so é, tsu pé ne toundye koungne, toundye pôpye wap gamte é a, neng sô’ ghe vôk mama.—Ké Markousi 10:29, 30; 2 Korinto 6:17, 18.
4. Si gô sô’ ghe goung demtcha’ awè ŋwègne m tchi ge ke?
Ne sa’ mtchôsi shyeshwe ye a bo sô’ a be ta’ tchoung pepoung. A gô sô’ té goung demtcha’ awè tchum go’. A mtchôsi shyeshwe le la’ bing gre pômneng hô jye, ba ne ping hapte wap. Goung pô awè tchwe o bô gô sô’ tchwe thamte tamte tchum ne ghamte da’ Si nyenyô.—Ké Apokalipse 18:20, 21; 21:3, 4.
