JIʼTE 07

Jéova be ge ke ?

YOU’ NE

Jéova be ge ke ?

Tchwe ye o sè nwe ne Jéova Si a, o kwè ge é be ge ke ? O sè ge Si be é ŋaʼgne téʼ, be o ka neng fing ne pe mso pou a yu a ? Ke o sè ge a te be taʼ mo nyenyô pe, daʼge be taʼ ywe be a ghe guʼ téʼ, paʼ hèbeng a ? Te Jéova be kwaʼ ge ke ? Jéova tchye m ne Ghôm tsye, Bible, daʼte m ma mye a be é ghe a, neng be daʼte ba ge é tchente sè nwe ne o.

1. Nweke pe ka fing ne yô Si ?

“Si be jwégne.” (Yohané 4:24) Jéova be é ka ghe taʼ ne paʼ wôkpe a. É be taʼ Mo ye pou ka fing ne yô é a, be tchwe m kèbeng, taʼ tsuʼ ye pe ka fing ne yô a.

2. She m ma Jéova be ma ?

Pe ka fing ne yô Jéova, daʼge tchwe ye pe dagne ne jye é a, pe koung é nekele é be taʼ Mo nyenyô be é neng gre m ma pepoung. Bible gôm ge : “Jéova koung nwe dendeng, é te gô neng waʼ pô pye wap be dendeng bi é a pe.” (Mghôm ghamte 37:28) É be é ghe ba “tum pepoung téʼ bing gre tchômtso”, kwaʼ ne ne dé pô pye wap djô goʼ a. (Yakop 5:11) “Jéova be beng pô pye tum tsap bo djè a, é neng bvôk pô pye wap pwa mkwé a.” (Mghôm ghamte 34:18) Te o jye ge pe fing ne ghe ge Jéova ŋwègne ke djwing le ? Taʼ mo ye é de khète ne ghe potse tsye a pôk a, gre ge tum Jéova yè é, neng gre ge é jwing. (Mghôm ghamte 78:40, 41) Daʼge mo ye é gre potse tsye a poung a gre ge é ŋwègne.—Ké Mghôm Jyenwe 27:11.

3. Jéova daʼte ge é koung wôkpe m tchi ge ke ?

Ma Jéova ye a be a tchye goung myeshe m ma mye awè a be koungne. Bible gôm ge “Si be koungne.” (1 Yohané 4:8) Jéova daʼte koungne é, te daʼ tchum Bible pe, ba m ne potse tsye é pem a. (Ké Mfaʼ 14:17.) Taʼ foʼte, naʼ djô tchi paʼ é ne bem wôkpe a. É be é ghe ge pe kouʼgne ne yô mting thwatwa, ne youʼ mjwôpshye thwatwa, ba ne jwiʼte ywetsu bounpoung. É tcheng ge pe tchente dzu pé ne vôk.

PING TCHENG NE GÔ DZE

Yô ywe ye Jéova gwim te ne gre potse msya a. Neng djô tchi paʼ Jéova daʼte bi pe m ma thwatwa mye a be é ghe a.

4. Jwégne dôlô be guʼ ye Si ne faʼ goung ywe awè a

Dendeng paʼ pe de mbou môkpe ne faʼ a, Jéova de jwégne dôlô é ne faʼ. Bible daʼte ge jwégne dôlô te be taʼ mo pe, ge a be guʼ ye Si ne faʼ potse a. Ké Loukasi 11:13 ba Mfaʼ 2:17, neng gômte ne mhente menge :

Si gô “sè” jwégne dôlô é ne pô pye wap lo ya a. Poʼo, o kwè ge jwégne dôlô be taʼ mo a, ke a be guʼ ye Si ne faʼ goung ywe awè a ? Nweke o ghôm poʼo ?

Jéova de jwégne dôlô é ne gre potse msya. Ké Mghôm ghamte 33:6 ba 2 Pètro 1:20, 21, neng gômte ne hente yenge :

She potse tsye Jéova le jwégne dôlô é ne gre a be ma ?

5. Jéova be é ghe m ma thwatwa

Mosè le be taʼ gè faʼ dendeng Si, daʼge é le bo tcheng ne ping tchente jye Gè Pem é. Poʼo, Mosè le ghôm bi é ge : “Ghe ge mye jye mou mtchi ne gre potse, poʼo ge mye jye o.” (Ne tem 33:13) Jéova le ne paʼ, sing Mosè tchi Mo ye é be yu a. Ké Ne tem 34:4-6, neng gômte ne mhente menge :

Jéova le laʼte ma m ma mye bi Mosè ?
Ma m ma Jéova tchente boung o téʼ ?

6. Jéova tchente dé pômsoung

Temlaʼ Si, pe Ébraika le be mkwô Égipto. Jéova le djouʼ ne é m ge ke tchwe ye temlaʼ é le djô goʼ a ? Youʼ ODIO, ke ké Ne tem 3:1-10 le. Neng gômte ne mhente menge.

ODIO: Jéhovah se souciait de leurs souffrances (2:45)

Tôné yeng dagne ke ne tchi paʼ Jéova ne djouʼ ne é tchwe ye pômsoung djô goʼ a ?—Lé mkhè 7 pou 8.
O kwè ge Jéova bo tcheng kwaʼ nyenyô ne kwite pômsoung ba m ge é kouʼgne ne ghe ya a ? Nweke ?