JIʼTE 15
Yéso be we ?
Te fe a tyèʼ Yéso be taʼ mo ne pô pye a be pou tchente jye wap tchum dzu a. Daʼge te a daʼ tso tsye a, a be boʼgwye pô ka jye potse ne é tèʼ, be pômneng neng gre tchitchi mkwègne ne mo ye é be yu nyenyô a. Bible gôm ge ke ne é ?
1. Yéso be we ?
Yéso be taʼ angelé be é tuô be tchwe kèbeng. Jéova le dendze bem é te bem pyeshe potse. A poʼo te pou khé é ge “tsese mou ne goung ywe awè ye Si le ghe a.” (Kolosai 1:15) Bible khé Yéso ge “Kwi mou Si” nekele, é be daʼ yu do é ye kwaʼ Jéova né bem é te tchye m ne mouʼ mo a. (Yohané 3:16) Yéso le tchente faʼ pou Tap é, Jéova, kwite é ne pem goung pyeshe potse awè. (Ké Mghôm jyenwe 8:30.) Yéso tchente be mso tchuô pou Jéova ba m tyôʼô. É be “Ghôm”, ne paʼ é de dendeng ne be mésidja Si, be ha mtchoung ba mkhète Si a.—Yohané 1:14.
2. Nweke be Yéso le sôʼ demtchaʼ a ?
A ghe gwè a mgouʼ 2 000 paʼ Jéova tchye m ne jwégne dôlô é gre msya, ne ning vôk Yéso tchum vam taʼ mdjwi go ye Youdéa tso tsye pe Maria a. A le pe poʼo pou tse Yéso paʼ momsoung a. (Ké Loukasi 1:34, 35.) Jéova le tchya Yéso demtchaʼ paʼ Mésia ye pou le kaʼgne a, ke Kristo le, poʼo ge é vôk pômsoung. * Goung mghôm gamdoʼ Bible ne Mésia le logne awè ne Yéso ne ne kwite pômneng ne jye ge Yéso be “Kristo Mou Si thuôtuô.”—Matio 16:16.
3. Yéso be ha tchwelô ?
Tchwe ye Yéso le pfu a, Jéova le yam é paʼ taʼ angelé a, é neng begne kèbeng. É le kem tsuʼou “Si ŋaʼ é ha é te tse.” (Filipo 2:9) Tchwelô, Yéso be taʼ angelé be é tuô téʼ—daʼ Jéova né be Mo ye a be é tuô tchye Yéso a.
PING TCHENG NE GÔ DZE
Ping dagne she potse ne mo ye Yéso be yu a, neng djô nweke ne jye é be mtuôdeng téʼ a.
4. Yéso te be Si Gè Mtuô awè pe
Bible dagne ge ba te m paʼ Yéso be taʼ jwégne be é tuô tse kèbeng a, é djouʼgne bi Si é ye é be Tap é a, Jéova. Nweke pe fing ne ghôm poʼo ? Yô VIDÉO ne djô ywe ye Bible dagne ne tsuʼ ye a be Yéso ghe a, ba tsuʼ ye a be Si Gè Mtuô awè ghe a.
Mkhè Bible meng kwite wôkpe ne youʼ ge Jéova pou Yéso te be deng pe. Ké bayale ne mkhè Bible menge neng gômte ne mhente.
Ké Loukasi 1:30-32.
-
Ywe ye angelé le ghôm a daʼte ge Yéso be we bi Jéova “Mo ye é be Te Tse” a ?
Ké Matio 3:16, 17.
-
Tchwe nouʼshye Yéso, mouʼ gi be fe m kèbeng le ghôm ge ke ?
-
O kwè ge a le be gi we ?
Ké Yohané 14:28.
-
A be tchetche taʼ pepa pou mou é, be we tchye we ne gouʼdzu ba ne pawa ?
-
Yéso le ké Jéova ge Tap é. A dagne wôkpe ke ?
Ké Yohané 12:49.
-
Yéso sè ge wap pou Tap é be taʼ mo a ? O sè you ge ke ?
5. Ywe ye a daʼte ge Yéso be Mésia a
Bible be a ghe medou mghôm gamdoʼ mye a le gô kwite pômneng ne jye Mésia—mo ye Si le tchwôʼ é ne bvôk pômsoung a. Yô VIDÉO ne ne jye she mghôm gamdoʼ mye Yéso le logne tchwe ye é le sôʼ demtchaʼ a.
Ké mghôm gamdoʼ Bible meng neng gômte ne mhente menge :
Ké Mishé 5:2 ne ne jye tsuʼ ye pou le gô tse Mésia ne a. *
-
Ghôm gamdoʼ yeng le logne a ? —Matio 2:1.
Ké Mghôm ghamte 34:20 ba Zakari 12:10 ne ne djô ywe ye Bible le tchwadzu gôm ne vu Yéso a.
-
Mghôm gamdoʼ bô le logne a ? —Yohané 19:33-37.
-
O kwè ge a fing ne pe ge Yéso le ghe ywe, ne ne gre ge mghôm gamdoʼ meng logne a ?
-
A tchente daʼte o ke ne Yéso ?
6. Pe dzu pé ne lagne ne jye Yéso
Bible gôm ge a be mtuôdeng téʼ ne lagne ne jye Yéso ba ywe ye Si tcheng ge é ghe a. Ké Yohané 14:6 ba 17:3, neng gômte ne hente yenge :
-
Nweke a be mtuôdeng téʼ ne lagne ne jye Yéso ?
Yéso le hyèʼ jye bi pe ne ne ji mso Si. É le lagne nyenyô ne Jéova. Pe neng fing ne tchye m ne é gre vôk mama
SHE PÔ GÔM GE : “Mkwithè Jéova te bing Yéso pe.”
-
O fing ne paʼ ne ge ke ?
YE NE KHAMTE
Yéso be taʼ angelé be é tuô. É be Mou Si neng be Mésia.
O lagne ke ?
-
Nweke pou khé Yéso ge “tsese mou ne goung ywe awè ye Si le ghe a” ?
-
Yéso le be gre la te sôʼ demtchaʼ ?
-
Pe jye m ge ke ge Yéso be Mésia ?
YÔ SHE POTSE NE
Ping dagne she potse ne tchi paʼ pe ne jye ge Yéso be Mésia a.
“Les prophéties messianiques prouvent-elles que Jésus était le Messie ?” (Ne jw.org)
Yô be ye Bible dagne ge Si le ji ta Yéso pe ne tchi paʼ pômsoung ne gre po a.
“Pourquoi Jésus est-il appelé le Fils de Dieu ?” (Ne jw.org)
Yô nweke pou fing ne ghôm ge Bible te jiʼte ge Si be pô ta a pe.
Ké tchi paʼ ye tchi ne tchwe taʼ mdjwi le kwyepgne tchwe ye é le tcheng neng djô ywe ye Bible gôm ne Yéso a.
“Une femme juive explique pourquoi elle a remis sa foi en question” (Réveillez-vous !, mai 2013)
^ Tchum mjiʼte 26 pou 27, pe gô yô nweke a tcheng ge pou vôk pômsoung ba tchi paʼ Yéso ne vôk wôkpe a.
^ Lé Ywe ne thoute nouba 2 ne taʼ ghôm gamdoʼ ye a le tchwadzu gôm kwaʼ tchwe ye Mésia le gô sôʼ demtchaʼ a.
