JIʼTE 28
Laʼte ge o goʼte ywe ye Jéova pou Yéso le ghe bou a
O djouʼ ne o m tchi ge ke tchwe ye taʼ so o ha taʼ poutchi thwatwa bou a ? Mouʼtchwe a gre ge o tchente ŋwègne, o neng tcheng tchi paʼ o fing ne laʼte bi so o ge o bo goʼte é ne poutchi ye é gre bou a. Jéova pou Yéso be wap le ha poutchi ye gwye téʼ bi pe, ye pou ka fing ne laʼ gre a. A be ke ? Pe neng fing ne laʼte ge pe goʼte ya bô m tchi ge ke ?
1. Taʼ tchi ne daʼte ge pe goʼte ywe ye Si pou Kristo le ghe bi pe a be ke ?
Bible khaʼgne ge “baya mo le ye é ping [Yéso]” a fing ne tchwe mama. (Yohané 3:16) Pe gre ya bô m tchi ge ke ? A tcheng ge pe laʼte pintum yôkpe, tchye m ne mkhète mye pe de a, ba potse tsye pe gre a. (Yakop 2:17) Tchwe ye pe daʼte pintum yôkpe tchye m ne potse tsye pe gre ba poste tsye pe gôm a, pe soumte yôkpe ne pe mso pou a Yéso, ba Tap é, Jéova.—Ké Yohané 14:21.
2. Ya ywe tuôdeng kwite wôkpe ne laʼte yôkpe ma ne ghoʼte, ne ywe ye Jéova pou Yéso le ghe a ?
Mtsuʼ tyèʼ ye é le bo gô pfu a, Yéso le ghôm nwe bi pekhu pye ne mouʼ tchi paʼ wap gô ne laʼte ge wap goʼte nounpwôʼ é a. É le tu taʼ tchouʼte gwye ye wap le be gô pe ghe a. Bible khé ya bô ge “Ywetsu Tchyepô”, pou neng bing be khé ba m ge Kamte Vu Kristo. (1 Korinto 11:20) Yéso le bo tcheng ge mghè them pye, ba goung mkritè nyenyô awè pye wap le gô sôʼ jum pou a, pe khamte ge é le ha vôk tsye ne yôkpe tse. Poʼo, sôʼ m ne ywe gwye bô, Yéso le ha mtchoʼ ge : “Po pe gre poʼo ne khamte a.” (Loukasi 22:19) Tchwe ye o sôʼ ne Kamte Vu Yéso a, o bo daʼte ge o bo goʼte koungne gwye ye Jéova pou Yéso be wap ghe ne pe a.
PING TCHENG NE GÔ DZE
Ping dagne tchi paʼ o fing ne laʼte ge o bo goʼte koungne gwye ye Jéova pou Yéso le laʼte a. Ping djô nweke ne kamte vu Yéso be m tuôdeng téʼ a.
3. Pe fing ne ghe la te ne daʼte ge pe bo goʼte ywe ye Jéova pou Yéso le ghe a ?
Naʼ kwègne ge o bo fa shye, mo vôk o. O gô woung tuôgne ywe ye mo bô gre bou a ? Ke o gô tcheng mtchi ne daʼte bii ge o bo goʼte é ne ywe ye é gre a ?
Pe gre sô ne ghe vôk mama dou ne pountum Jéova. Ké 1 Yohané 4:8-10, neng gômte ne mhente menge :
-
Nweke nounpwôʼ Yéso be taʼ poutchi m tuôdeng ?
-
O djouʼ ne o m tchi ge ke ne ywe ye Jéova pou Yéso le ghe bou a ?
Pe fing ne laʼte ge pe goʼte ywe ye Jéova pou Yéso le ghe bi pe a m tchi ge ke ? Ké 2 Korinto 5:15 ba 1 Yohané 4:11; 5:3. Ming ne ké baya khè le, gômte ne hente yenge :
-
Paʼ khè Bible yeng daʼte a, pe fing ne laʼte yôkpe ne ghoʼte m tchi ge ke ?
4. Foʼte Yéso
Mouʼ tchi ne daʼte ge pe goʼte, be ne pe foʼte Yéso. Ké 1 Pètro 2:21, neng gômte ne hente yenge :
-
O fing ne ghe la te be ging ne mkwe Yéso pe dendeng ?
Yéso le be khoung Ghôm Si, be sing tchoung pepoung, bing be kwite pyeshe pô
5. Pe sôʼ ne Kamte Vu Kristo
Ne ne djô ywe ye a le tchyete tchwe dendze Ywetsu Tchyepô a, ké Loukasi 22:14, 19, 20; neng gômte ne mhente menge :
-
Ke le tchyete tchwe dendze Ywetsu Tchyepô ?
-
Belèk pou mlouʼ tchouʼgne ne ke ? —Yô mkhè 19 pou 20.
Yéso le bo tcheng ge pekhu pye pe gre Kamte Vu é, taʼ tchum ne baya gouʼ le, ne tyèʼ ye é le pfu ne a. Poʼo, Mkwithè Jéova tchouʼte baya gouʼ le, ne ne khamte vu Kristo m tchi paʼ é le ghôm ge wap pe gre a. Ne ne dagne potse ne tchouʼte m tuôdeng bô, yô VIDÉO. Neng gômte ne hente yenge.
-
Ke tchyete ne Kamte Vu Yéso ?
Belèk pou mlouʼ tchouʼgne ne potse mebue. Belèk tchouʼgne ne ne momsoung Yéso te mbving ye é le ha ne yôkpe tse a. Mlouʼ pe tchouʼgne ne mtchye mye
SHE PÔ GÔM GE : “Goung ywe ye a tcheng ge o ghe te ne vôk a be ne ping Yéso.”
-
O fing ne wim Yohané 3:16 ba Yakop 2:17 ne ne daʼte bi mo ge a tcheng ge pou ghe te tchye poʼo m tchi ge ke ?
YE NE KHAMTE
Pe daʼte ge pe goʼte ywe ye Yéso le ghe bi pe a, tchwe ye pe daʼte pintum ne é neng be sôʼ ne Kamte Vu é a.
O lagne ke ?
-
Ne ping Yéso thoute ge ke ?
-
O fing ne laʼte ge o goʼte ywe ye Yéso pou Jéova le ghe bou a m tchi ge ke ?
-
Nweke a be m tuôdeng téʼ ne sôʼ ne Kamte Vu Kristo ?
YÔ SHE POTSE NE
Vu Kristo tsegne wôkpe ne ghe la ?
Ping dagne she potse ne pintum, ba tchi paʼ pou fing ne laʼte ya a.
“Exerces ta foi dans les promesses de Jéhovah” (La Tour de Garde, octobre 2016)
Tchum tôné “Je me sens pure et jʼaime la vie,” yô tchi paʼ ye ne tchwe taʼ mdjwi le kwyepgne m pepoung tchwe ye é le youʼ ywe ye nounpwôʼ Yéso le thoute ne ye tse a.
“La Bible transforme des vies” (La Tour de garde, 1er août 2011)
Yô nweke daʼ mou deng pô né pfe belèk neng nwe mlouʼ ne tchwe Kamte Vu Yéso a.
