JIʼTE 15
Ne tchente daʼte ge o bo bing ywe ye o bo gôm a
1 Tésalonika 1:5
YE NE KHAMTE : Laʼte ge o tchente jye ge ywe ye o bo gôm a be kwaʼ nyenyô, ba m ge a be a ghe deng.
TCHI NE GHE :
-
Tchente nyapte ne o. Lagne ywe ye o gô ghôm a, te tchente djouʼ mkhè ghôm gugwye, ba paʼ Bible bo daʼte ge a be nyenyô a. Tela ne le mghôm mye a hwi a ne thoute mkhè ghôm gugwye. Tu mkwègne mou ne tchi paʼ ywe ye o gô ghôm a gô kwite pô pye wap gô youʼ o a. Ghe priya ne do jwégne dôlô.
-
Wim mghôm mye a bo daʼte ge o bo tchente bing ywe ye o bo gôm a. Pôm te ghôm a ywe ye pou ve tchum taʼ ŋwaʼgne a; le pe kwaʼ mou mghôm ne gôm. Wim taʼ tchi ne ghôm nwe ye a gô laʼte ge o tchente jye ywe ye o bo gôm a.
-
Laʼte ge o bo de nyenyô gôm neng gre paʼ pou gô ping ywe ye o bo gôm a. Tchente gôm te tse. Ne ghôm be dé pô pye o bo gôm nwe bi pou a, be ye a ka pôk ne ghe poʼo tsuʼ ye o tchwe ne a.
