Ɲanndra Mun 23:1-35
23 Kɛ a tran ase naan a nin famiɛn kun bé dí like’n,fa ɔ ɲin sie i like ng’ɔ taka ɔ ɲrun’n su kpa.
2 Sɛ a ti aliɛ safuɛ’n,*fa laliɛ sie ɔ kɔmin bo.*
3 Nán maan ɔ konvi trɛn i aliɛ kpakpa’m be su,afin ɔ ti sran lakalɛ aliɛ.
4 Nán kle ɔ wun yalɛ se kɛ á ɲán aɲanbeun ninnge mun.+Jran naan fa akunndan nanti.*
5 Kɛ á nían be-ɔ, be nunman lɛ kun,+afin nanwlɛ, be fi ndɛwa kɛ anunman ɲin’n sa, kpɛkun be tu kɔ nglo.+
6 Nán di awɛnfuɛ’n* i aliɛ.Nán maan ɔ konvi trɛn i aliɛ kpakpa’m be su,
7 afin ɔ ti kɛ sran kun m’ɔ klɛ ndɛ sie’n sa.Ɔ se wɔ kɛ: “Di naan nɔn.” Sanngɛ nɛ́n i klun su-ɔ.*
8 Á fí like kwlaa nga a dili’n gúa,kpɛkun ayɛ nga a yili i’n, w’a yo ngbɛn.
9 Nán tu sinnglinfuɛ’n i aswre,+afin ɔ́ yó ngwlɛlɛ ndɛ nga a kan’n i finfin.+
10 Yɔbuɛ nga be tɛkɛli i lalafuɛ nun m’ɔ ti awɛ’n, nán tu tɛkɛ i lika uflɛ.+Nán fa ba nga be leman si’n be fie’n i bue.
11 Afin be Sin Jranfuɛ’n* le wunmiɛn kpa.Ɔ́ jrán be sin, yɛ ɔ nin wɔ bé kán.+
12 Fɔ nga be tu wɔ’n, fa ɔ awlɛn’n sie su kpa,yɛ fa ɔ su sie i ngwlɛlɛ ndɛ nga be kan kle wɔ’n i bo.
13 Nán se kɛ a tuman gbanflɛn kan’n* i fɔ.+Sɛ a fa ɲantiaan bo i’n, ɔ su wuman.
14 Fa ɲantiaan bo i,i liɛ’n, á dé i Ndia’n* i sa nun.
15 Min wa, sɛ a yo ngwlɛlɛfuɛ’n,*yɛ min klun jɔ́-ɔ.+
16 Kɛ ndɛ ng’ɔ ti su’n wá fín ɔ nuan fíte’n,min klun lɔ’n* jɔ́ kpa fɔuun.
17 Nán ɔ ɲin blo sa tɛtɛ yofuɛ’m be wun,+sanngɛ sro Zoova aliɛ ba kwlaa nun.+
18 I liɛ’n, ɔ ɲrun lɔ’n yó kpa,+yɛ like nga a lafi su’n ɔ su nunnunman.
19 Min wa, sie ɔ su naan yo ngwlɛlɛfuɛ,fa ɔ awlɛn’n sie i atin ng’ɔ ti kpa’n su.
20 Be nga be nɔn duvɛn ngboko’n,+nin be nga nnɛn tuman be nuan nun le’n, nán tranbe nun,+
21 afin nzannunmunfuɛ’n nin aliɛ safuɛ’n bé dí yalɛ,+yɛ lafilɛ ngboko’n yɛ maan be wla tralɛ titiwa’n niɔn.
22 Sie ɔ su ɔ si m’ɔ wuli wɔ’n i nuan bo,yɛ nán se kɛ ɔ nin w’a yo oke ti’n á yó i finfin.+
23 To* nanwlɛ’n yɛ nányo i atɛ le.+Yo ngwlɛlɛ’n, nin fɔ tulɛ’n, nin sa wlɛ wunlɛ’n besɔ wie.+
24 Sran ng’ɔ yo sa i nuan su’n, saan i si i klun jɔ́.Sran ng’ɔ wu ba ngwlɛlɛfuɛ kun’n, ɔ́ dí aklunjɔɛ i dunman nun ti.
25 Ɔ si nin ɔ nin bé dí aklunjɔɛ,yɛ bla ng’ɔ wuli wɔ’n i klun jɔ́.
26 Min wa, fa ɔ awlɛn’n man min,yɛ wafa nga n yo min ninnge mun’n, klo be.+
27 Afin tekle bla’n ti kɛ kunman nga i bo ti kploun’n sa,yɛ bla ng’ɔ ti bian kunndɛfuɛ’n* ti kɛ gbo kun mɔ i nun ti fii’n sa.+
28 Ɔ bu sa kɛ kodiawiefuɛ sa,+i dunman nun ti’n, yasua nga be kunndɛ bla be yi bo’n b’a sɔn kpa.
29 ?Wan yɛ ɲrɛnnɛn o i su-ɔ? ?Wan yɛ ɔ wunmɛn iwun fɛ-ɔ??Wan yɛ ɔ kan ndɛnngan-ɔn? ?Wan yɛ ɔ plan-ɔn??Wan yɛ w’a yoman sa mɔ i wun kplokploli-ɔ? ?Wan yɛ i ɲinma’m b’a wunwun-ɔn?*
30 Be nga be fa duvɛn nɔnlɛ’n cici be ti’n niɔn.+Be nga be kunndɛ* duvɛn nga be sɛnngɛnnin i’n niɔn.
31 Nán nian duvɛn’n i ɔkwlɛ m’ɔ ti’nm’ɔ wun fiɛfiɛ klowa’n nun’n, m’ɔ seli be alowa’n nun kɔ’n.
32 Afin i agualiɛ su’n, ɔ ka kɛ wuo sa,yɛ ɔ fɛ i bɔyre’n wla ɔ kplo’n nun kɛ ɔnda’n i liɛ’n sa.
33 Ɔ ɲinma’n wún ninnge sukusuku mun,yɛ ndɛ ng’ɔ́ fín ɔ nuan* fíte’n ɔ́ yó ndɛ tɛtɛ ngunmin.+
34 Á káci kɛ sran kun m’ɔ la jenvie’n i afiɛn lɔ’n sa,kɛ sran kun m’ɔ la mmeli’n i waka’n i ti su nglo lɔ’n sa.
35 Á sé kɛ: “Be boli min, sanngɛ min lika fi yoman min ya.Be boli min, sanngɛ m’an wunman nun.?Cɛn onin ko naan m’an jaso?+N kunndɛ kɛ ń kó nɔ́n i ekun.”*
Ja ngua lɔ ndɛ mun
^ Annzɛ “a le konvi’n.”
^ Annzɛ “tra ɔ awlɛn.”
^ Be kwla se ekun kɛ “Yaci akunndan nga a bu’n i bulɛ.”
^ Annzɛ “sran nga i ɲinma’n ti tɛ’n.”
^ Ebr., “i awlɛn’n nunman ɔ wun lɛ.”
^ Ebr., “Ti Kpɔfuɛ’n.”
^ Annzɛ “bakan’n.”
^ Annzɛ “Seɔlu’n.” Nian Ndɛ’m be bo tulɛ lika’n nun lɔ.
^ Ebr., “sɛ ɔ awlɛn ba’n yo ngwlɛlɛfuɛ’n.”
^ Ebr., “min aklɛnzia’n.”
^ Annzɛ “Ɲan.”
^ Annzɛ “i ɲinma’m be wunman ase kpa kun-ɔn.”
^ Annzɛ “be yia naan bé nían.”
^ Ebr., “ɔ awlɛn’n nun.”
^ Annzɛ “Ń kó kúnndɛ wie ekun.”
