1 Be Ɲoliɛ 25:1-31
-
Ɲanmiɛn sua’n nun lɔ jue tofuɛ mun (1-31)
25 Asa ekun’n, Davidi nin kpɛnngbɛn nga be mannin be junman’n, be kpali Azafu nin Eman nin Zeditɛn+ be mma wie mun. Be seli be kɛ be fa jru, nin miziki bolɛ ninnge nga be le ɲanman’n,+ nin sɛnbali+ naan be ijɔ Ɲanmiɛn nuan. Be nga be fali junman sɔ’n wlali be sa nun’n be yɛ:
2 Azafu i mma nga be fali be’n yɛle Zakiri nin Zozɛfu, nin Netania, nin Asarela. Azafu yɛ ɔ niɛn i mma’m be junman’n su-ɔ. Yɛ Azafu kusu m’ɔ ijɔ Ɲanmiɛn nuan’n, famiɛn’n yɛ ɔ niɛn i junman’n su-ɔ.
3 Zeditɛn+ i mma nga be fali be’n yɛle Gedalia, nin Zeri, nin Zesaya, nin Simei, nin Asabia, yɛ Matitia.+ Be ti nsiɛn. Be si Zeditɛn yɛ ɔ nian be junman’n su-ɔ. Zeditɛn kusu kɛ ɔ́ íjɔ Ɲanmiɛn’n nuan’n, ɔ bo jru fa la Zoova i ase, yɛ ɔ fa mɛnmɛn i.+
4 Eman+ i mma nga be fali be’n yɛle Bukia, nin Matania, nin Uziɛli, nin Sebuɛli, nin Zerimɔtu, nin Anania, nin Ananin, nin Eliata, nin Gidalti, nin Rɔmamti-Ezɛɛ, nin Zɔsbekasa, nin Maloti, nin Ɔtii, yɛ Maaziɔtu.
5 Eman i mma mun yɛle be kwlaa sɔ mun. Eman sɔ’n wun aolia nun sa mun, yɛ ɔ kan Ɲanmiɛn Kpli i nuan su ndɛʼn kle famiɛnʼn. Ɔ yo sɔ fa manman Ɲanmiɛn.* Ɲanmiɛn Kpli mannin Eman ba yasua blu-nin-nnan (14) nin ba bla nsan.
6 Be kwlaa sɔ’m be bo sɛnbali, nin miziki bolɛ ninnge nga be le ɲanman’n, nin jru+ yɛ be to jue Zoova i sua’n nun lɔ. Junman ng’ɔ fata kɛ be di i Ɲanmiɛn Kpli i sua’n nun lɔ’n, yɛ ɔ o lɛ-ɔ. Be si yɛ ɔ nian be junman’n su-ɔ.
Famiɛn’n yɛ ɔ nian Azafu, nin Zeditɛn, ɔ nin Eman be junman’n su-ɔ.
7 Be nin be niaan’m be suannin Zoova i manmanlɛ jue mun, yɛ be kwlaa be si be to kpa. Be ti ya nɲɔn ablaɔcuɛ-nin-mɔcuɛ (288).
8 I sran kaan-o, i sran dan-o, i ng’ɔ si jue to kpa-o, i ng’ɔ su suan-o, be tuli fɔtɔ+ naan b’a cɛcɛ junman’n nun b’a man be.
9 Kɛ be tuli fɔtɔ klikli’n, ɔ tɔli Azafu i wa Zozɛfu+ su. I nɲɔn su’n tɔli Gedalia+ su (i bɔbɔ nin i niaan mun nin i mma’m be ti blu-nin-nɲɔn (12)).
10 I nsan su’n tɔli Zakiri+ nin i mma mun nin i niaan’m be su. Be ti blu-nin-nɲɔn (12).
11 I nnan su’n tɔli Izri nin i mma mun nin i niaan’m be su. Be ti blu-nin-nɲɔn (12).
12 I nnun su’n tɔli Netania+ nin i mma mun nin i niaan’m be su. Be ti blu-nin-nɲɔn (12).
13 I nsiɛn su’n tɔli Bukia nin i mma mun nin i niaan’m be su. Be ti blu-nin-nɲɔn (12).
14 I nso su’n tɔli Zesarela nin i mma mun nin i niaan’m be su. Be ti blu-nin-nɲɔn (12).
15 I mɔcuɛ su’n tɔli Zesaya nin i mma mun nin i niaan’m be su. Be ti blu-nin-nɲɔn (12).
16 I ngwlan su’n tɔli Matania nin i mma mun nin i niaan’m be su. Be ti blu-nin-nɲɔn (12).
17 I blu su’n tɔli Simei nin i mma mun nin i niaan’m be su. Be ti blu-nin-nɲɔn (12).
18 I blu-nin-kun (11) su’n tɔli Azarɛli nin i mma mun nin i niaan’m be su. Be ti blu-nin-nɲɔn (12).
19 I blu-nin-nɲɔn (12) su’n tɔli Asabia nin i mma mun nin i niaan’m be su. Be ti blu-nin-nɲɔn (12).
20 I blu-nin-nsan (13) su’n tɔli Subaɛli+ nin i mma mun nin i niaan’m be su. Be ti blu-nin-nɲɔn (12).
21 I blu-nin-nnan (14) su’n tɔli Matitia nin i mma mun nin i niaan’m be su. Be ti blu-nin-nɲɔn (12).
22 I blu-nin-nnun (15) su’n tɔli Zeremɔtu nin i mma mun nin i niaan’m be su. Be ti blu-nin-nɲɔn (12).
23 I blu-nin-nsiɛn (16) su’n tɔli Anania nin i mma mun nin i niaan’m be su. Be ti blu-nin-nɲɔn (12).
24 I blu-nin-nso (17) su’n tɔli Zɔsbekasa nin i mma mun nin i niaan’m be su. Be ti blu-nin-nɲɔn (12).
25 I blu-nin-mɔcuɛ (18) su’n tɔli Ananin nin i mma mun nin i niaan’m be su. Be ti blu-nin-nɲɔn (12).
26 I blu-nin-ngwlan (19) su’n tɔli Maloti nin i mma mun nin i niaan’m be su. Be ti blu-nin-nɲɔn (12).
27 I ablaɔn (20) su’n tɔli Eliata nin i mma mun nin i niaan’m be su. Be ti blu-nin-nɲɔn (12).
28 I ablaɔn-nin-kun (21) su’n tɔli Ɔtii nin i mma mun nin i niaan’m be su. Be ti blu-nin-nɲɔn (12).
29 I ablaɔn-nin-nɲɔn (22) su’n tɔli Gidalti+ nin i mma mun nin i niaan’m be su. Be ti blu-nin-nɲɔn (12).
30 I ablaɔn-nin-nsan (23) su’n tɔli Maaziɔtu+ nin i mma mun nin i niaan’m be su. Be ti blu-nin-nɲɔn (12).
31 I ablaɔn-nin-nnan (24) su’n tɔli Rɔmamti-Ezɛɛ+ nin i mma mun nin i niaan’m be su. Be ti blu-nin-nɲɔn (12).
Ja ngua lɔ ndɛ mun
^ Ebr., “ɔ mɛn i wɛ’n su.”
