Fluwa klikli nga Pɔlu klɛli Korɛntifuɛ mun’n 13:1-13
-
Klolɛ’n ti kpa trɛ i ngba’n (1-13)
13 Kannzɛ n kan klɔ sran nin anzi’m be aniɛn mun, sanngɛ sɛ n kloman sran’n, nn m’an yo kɛ blalɛ m’ɔ tɛ gleinglein’n sa, annzɛ kɛ aaba mɔ be fa bo ndɛ’n sa.
2 Yɛ sɛ Ɲanmiɛn maan n kwla ijɔ i nuan, naan n si i ndɛ mɔ be ti fiawa’n be kwlaa’n, naan n si sa kwlaa’n,+ yɛ kannzɛ i su mɔ n lafi dan’n ti’n n kwla tu oka’m be bo n ko sie be lika uflɛ bɔbɔ’n, naan sanngɛ n kloman sran’n, nn n timan like fi.+
3 Yɛ kannzɛ n fa min sa nun ninnge’m be kwlaa n fa ta sran mun’n,+ sɛ n fa min nguan’n n sie i wie nuan naan n yo sɔ n fa di min nuan’n, naan sanngɛ n kloman sran’n,+ n su ɲanman nun like fi.
4 Sran ng’ɔ klo sran’n,+ ɔ trɛ i awlɛn,+ kpɛkun ɔ yo sran ye.+ Sran ng’ɔ klo sran’n, i ɲin bloman sran like su,+ ɔ dimɛn i nuan, ɔ tumɛn i wun,+
5 ɔ yoman like m’ɔ timan su’n,*+ ɔ bumɛn i ngunmin i wun akunndan,+ ɔ faman ya ndɛndɛ.+ Sran ng’ɔ klo sran’n, ɔ faman sa siemɛn i klun.+
6 Sran ng’ɔ klo sran’n, sa tɛ’n yomɛn i fɛ,+ sanngɛ sa kpa’n yɛ ɔ yo i fɛ-ɔ.
7 Sran ng’ɔ klo sran’n, sa kwlaa sɔn i nun,+ ɔ bu like kwlaa nanwlɛ,+ i wla o like kwlaa su,+ ɔ trɛ i awlɛn sa kwlaa nun.+
8 Klolɛ’n wieman le. Sanngɛ i Ɲanmiɛn nuan ijɔlɛ-o, i aniɛn wafawafa’m be kanlɛ-o,* i sa silɛ-o, be kwlaa bé wíe.
9 Afin nán sa ngba yɛ e si i-ɔ,+ kpɛkun Ɲanmiɛn nuan ndɛ’n i bue yɛ e kan-ɔn.
10 Sanngɛ kɛ like ng’ɔ ti klonglo’n ko ba’n, ng’ɔ ti buebue’n su tranman lɛ kun.
11 Min bakan nun’n, n ijɔ kɛ bakan sa, n bu bakan akunndan, n kan ndɛ kɛ bakan sa. Sanngɛ siɛn mɔ m’an yo kaklaka’n, m’an yaci bakan ayeliɛ’n.
12 Afin kɛ e o yɛ’n, e wunman ninnge’m be wlɛ kpa. Ɔ ti kɛ e su nian niannun mɔ i ɲin ti trusii’n i nun sa. Sanngɛ cɛn wie lele’n, é wá wún be weiin kpa. Dɔ nga su’n, n si ninnge’m be bue. Sanngɛ ń má sí be kpa* kɛ Ɲanmiɛn fa si min’n sa.
13 Sanngɛ like nsan nga bé ká lɛ’n be yɛ: Ɲanmiɛn sulafilɛ’n, nin be wla mɔ be fa guɛ i Ɲanmiɛn su’n, ɔ nin klolɛ’n. Sanngɛ be nun danfuɛ’n yɛle klolɛ’n.+
Ja ngua lɔ ndɛ mun
^ Annzɛ “ɔ yoman sran finfin.”
^ Yɛle kɛ, Ɲanmiɛn maan be kan ndɛ aniɛn uflɛ nun.
^ Annzɛ “kwlaa.”
