Amɔsu 4:1-13
4 “Basan lɔ nannin bla mun,amun mɔ amun o Samari+ lɔ oka’n su’n,bla nga be di be nga be leman wie’n be lufle’n+ mɔ be kle yalɛfuɛ’m be ɲrɛnnɛn’n,mɔ be se be wun’m* be kɛ: ‘An blɛ e nzan kan naan e nɔn’n,’ amun sie amun su be tie.
2 Miɛn Zoova m’ɔ Sie Like Kwlakwla’n, ɔ jrɛnnin i sanwun m’ɔ ti’n su tali nda kɛ:‘“Amun nian! Cɛn kun wá jú, bé wá fá like sunman kowa ba mɔ be fa nnɛn’n be sran su’n, bé mán amun suyɛ amun nun sran nga bé ká lɛ’n, bé fá kowa ba mun mán be su.
3 Amún sín talɛ’n i toklotoklo’m be nun fíte kunngunngun, sran kun kɔ́ i ɲrun trelele.yɛ bé tó amun yí i Armɔn lɔ.” Zoova yɛ ɔ kan sɔ-ɔ.’
4 Amun bla Betɛli be wa yo sa tɛ’n,*+amun bla Gilgali be wa yo sa tɛ’n i dan tra laa’n.+
Amun fa like nga amún fá yí tɛ’n+ bla nglɛmun,ɔ nin amun blusu’n+ be bla cɛn’n i nsan su.
5 Kpanwun nga be guali nun levii’n,+ amun yrɛ i fa la Ɲanmiɛn i ase.Amun bo ninnge nga amún fá mán’n i ndolo!
Afin Izraɛlifuɛ mun, like nga amun klo i yolɛ’n yɛ ɔ o lɛ-ɔ.’ Miɛn Zoova m’ɔ Sie Like Kwlakwla’n yɛ ɔ kan sɔ-ɔ.
6 ‘Min kusu n yoli maan amun je’n fɛnnin fuaii, aliɛ mɔ amun a ɲɛnmɛn i amun klɔ’m be wie fi su’n ti,yɛ n yoli maan amun a ɲanman kpanwun* amun awlo’m be wie fi nun.+Ɔ nin i sɔ ngba’n, amun a saman amun sin min wun.’+ Zoova yɛ ɔ kan sɔ-ɔ.
7 ‘Asa ekun’n, n yoli maan nzue’n jrannin amun su lɔ anglo nsan kwlaa naan b’a kpɛ fie su ninnge mun.+N tɔli nzue klɔ kun su, sanngɛ klɔ uflɛ w’a ɲanman wie.
Ɔ tɔli fie kun su,sanngɛ w’a tɔman fie uflɛ su, ɔ maan lɔ asiɛ’n keteli.
8 Klɔ nɲɔn annzɛ nsan be su sran’m be bo tanngan lele be kɔ klɔ kunngba’n su nzue nɔnlɛ,+sanngɛ nzue’n juman be.Ɔ nin i sɔ ngba’n, amun a saman amun sin min wun.’+ Zoova yɛ ɔ kan sɔ-ɔ.
9 ‘N yoli maan amun fie’n su ninnge’m be wuli kee, yɛ tukpacɛ wie sacili amun fie’n su ninnge mun.*+
Amun yoli lika nglanmannglanman mun yɛ amun dili viɲin fie kpanngban kpa.Sanngɛ lalo’m be wa dili amun figie nin amun olivie waka mun sekeseke.+Ɔ nin i sɔ ngba’n, amun a saman amun sin min wun.’+ Zoova yɛ ɔ kan sɔ-ɔ.
10 ‘N fali tukpacɛ m’ɔ sa ndɛndɛ kɛ Ezipti lɔ liɛ’n sa’n, n yili amun su.+
N fali tokofi n kunnin amun gbanflɛn mun,+ yɛ n trali amun nnɛn kpanngɔ mun.+
N yoli maan fuɛn nga be nannan amun nanmue’m be nun’n, be bɔnlɛ’n wluli amun bue’n nun.Ɔ nin i sɔ ngba’n, amun a saman amun sin min wun.’+ Zoova yɛ ɔ kan sɔ-ɔ.
11 ‘N sacili amun lika’n,kɛ nga Ɲanmiɛn fa sacili Sodɔmun nin Gomɔru’n be sa.+
Amun yoli kɛ yiendre kun mɔ b’a tu i sin nun’n sa.Ɔ nin i sɔ ngba’n, amun a saman amun sin min wun.’+ Zoova yɛ ɔ kan sɔ-ɔ.
12 I sɔ’n ti’n, Izraɛlifuɛ mun, ń má klé amun ɲrɛnnɛn ekun.
Kɛ mɔ ń má klé amun ɲrɛnnɛn’n ti’n,Izraɛlifuɛ mun, amun buabua amun wun naan amun nin amun Ɲanmiɛn’n be yia nun.
13 Afin amun nian! I yɛ ɔ yili oka mun+ nin aunmuan’n+ niɔn.Akunndan ng’ɔ bu’n, ɔ kan kle sran,ɔ yo maan lika m’ɔ kpaja nglɛmun’n, ɔ kaci aosin,+yɛ ɔ nanti asiɛ’n i lika nga be ti nglonglo’n be su.+I dunman’n yɛle Ɲanmiɛn Zoova m’ɔ ti sonja’m be su kpɛn’n.”
Ja ngua lɔ ndɛ mun
^ Annzɛ “min mun.”
^ Annzɛ “ɲin kekle’n.”
^ Annzɛ “m’an manman amun aliɛ ba kun sa.”
^ Nian Ndɛ’m be bo tulɛ lika’n nun lɔ.
