Ezai 43:1-28
43 Ee Zakɔbu, siɛn’n ndɛ nga Zoova m’ɔ ti ɔ Yifuɛ’n kan’n yɛ,ee Izraɛli, ndɛ nga sran m’ɔ yili wɔ’n kan’n yɛ:+“Nán srɛ kun wɔ, afin n kpɔli ɔ ti.+N fali ɔ dunman’n n flɛli wɔ.A ti min liɛ.
2 Kɛ á wá sín nzue’n nun’n, e nin wɔ-ɔ,+kɛ á wá sín nzue ba’m be nun’n, nzue ba’m be su kataman ɔ su.+Kɛ á wá nánti sin’n nun’n, a su yraman,sin taaman’n su yoman ɔ like fi.
3 Afin ɔ Ɲanmiɛn Zoova’n yɛle min,Izraɛli Ɲanmiɛn m’ɔ ti Sanwun’n, m’ɔ ti ɔ Defuɛ’n yɛle min.N fali Ezipti n kpɔli ɔ ti,n fali Etiopi nin Seba n kacili wɔ.
4 Afin a yoli cinnjin dan min ɲrun,+a ɲannin ɲrun, yɛ n klo wɔ.+Ɔ maan ń má yí sran wie mun ń mán ń fá sín amun osu,yɛ ń yí nvle wie mun ń mán ń fá káci amun nguan’n.
5 Nán srɛ kun wɔ, afin e nin wɔ e o nun.+Ń má fá ɔ osu’n nunfuɛ mun wia afiliɛ lɔ ń bá.Yɛ ń kó yía wɔ wia atɔliɛ lɔ, ń fá wɔ ń bá.+
6 Ń sé nglo lɔ lika’n kɛ: ‘Yaci be nun!’+Yɛ ń sé ngua lɔ lika’n kɛ: ‘Nán tra be nun.Fa min mma yasua nga be o mmua lɔ’n bla, yɛ fa min mma bla nga be o asiɛ’n i tiwa’m be su’n bla,+
7 be kwlaa nga min dunman’n wo be su’n,+mɔ n yili be min aɲrunɲan’n ti’n,mɔ n boli be’n, yɛ n yoli be’n.’+
8 Nvlefuɛ mɔ be wunman ase kusu nn be le ɲinma’n,mɔ be timan sa kusu nn be le su’n,+ an fa be fite.
9 Maan nvlenvle’m be kwlaa be yia lika kunngba’n nun,maan nvlefuɛ’m be ti yia likawlɛ.+?Be nun onin yɛ ɔ kwla kan sa nga i ndɛ-ɔ??Annzɛ wan yɛ ɔ kwla yo naan y’a ti sa klikli’m be su ndɛ-ɔ?*+Maan be fa be lalofuɛ mun be bla naan be kle kɛ be ndɛ yo fɛ,annzɛ maan sran’m be tie be ndɛ’n naan be se kɛ: ‘Ɔ ti nanwlɛ!’”+
10 Zoova waan: “Amun ti min lalofuɛ,+ɛɛn, min sufuɛ mɔ nkpɛli i’n,+naan amun si min, amun lafi min su,yɛ amun wun i wlɛ kɛ m’an kaciman.+Ɲanmiɛn uflɛ fi nunman min ɲrun,yɛ Ɲanmiɛn fi nunmanmin sin.+
11 N bɔbɔ, min yɛ n ti Zoova’n niɔn,+ sɛ w’a yoman kɛ min sa’n, defuɛ uflɛ fi nunman lɛ.”+
12 Zoova waan: “Blɛ mɔ amuin’m be nunman amun afiɛn’n,min yɛ n boli sa ng’ɔ́ wá jú’n su-ɔ, min yɛ n deli amun-ɔn, min yɛ n yoli maan be sili sa sɔ’n nun-ɔn,+ɔ maan amun ti min lalofuɛ, yɛ n kusu n ti Ɲanmiɛn.+
13 Asa ekun’n, n kaciman le,+sran fi kwlá deman like min sa nun.+?Kɛ n yo sa kun’n, wan yɛ ɔ kwla tɛnndɛn i ɲrun-ɔn?”+
14 Zoova m’ɔ ti amun Ti Kpɔfuɛ’n,+ Izraɛli Ɲanmiɛn m’ɔ ti Sanwun’n+ i ndɛ ng’ɔ kan’n yɛ:“Amun ti’n ń má súnman sran Babilɔnin lɔ, yɛ ɔ́ kó búbú anuan’m be sin jajalɛ ninnge’m be kwlaa,+kpɛkun Kaldefuɛ mɔ be o be mmeli’m be nun’n bé kpán, ɲrɛnnɛn m’ɔ́ tɔ́ be su’n ti.+
15 N ti Zoova, n ti amun Ɲanmiɛn m’ɔ ti Sanwun’n,+ min yɛ n yili Izraɛli-ɔ,+ n ti amun Famiɛn.”+
16 Ndɛ nga Zoova kan’n yɛ,i m’ɔ yi atin jenvie’n nun’n,m’ɔ yi atin nzue m’ɔ bo dan’n nun’n,+
17 m’ɔ yo maan alɛ kunlɛ kakaklolo mun nin nnɛn kpanngɔ mun,+ɔ nin sonja mun nin alɛ kunfuɛ kpakpa mun be fite’n, ɔ se kɛ:“Bé lá, yɛ be su jasoman.+Bé fíta be su kɛ kannin ɲanman m’ɔ su jue’n sa, bé núan.”
18 “Nán amun wla kpɛn laa ninnge’m be su,nán amun fa amun ɲin sie i laa sa’m be su.
19 An nian! N su yo like uflɛuflɛ kun.+Dɔ nga su bɔbɔ’n ɔ su fifi.?Amun siman sɔ?Ń má yí atin kun aawlɛ flɛnnɛn’n nun,+yɛ ń yó maan nzue ba’m bé sónji aawlɛ flɛnnɛn’n nun.+
20 Blo nnɛn mun,blo alua mun nin klɔnsoklo mun bé mánmán min,afin ń yó maan bé ɲán nzue aawlɛ flɛnnɛn’n nun lɔ,ń yó maan nzue ba’m bé sónji aawlɛ flɛnnɛn’nnun lɔ,+naan min nvle mɔ n kpɛli i’n+ ɔ nɔn,
21 nvle mɔ n yili i kɛ ɔ yo min liɛ’n,i liɛ’n ɔ́ mánmán min.+
22 Sanngɛ Zakɔbu, w’a kpanman w’a flɛman min,+afin Izraɛli, n flannin wɔ.+
23 W’a faman bua w’a yiman tɛ nga kɛ bé yí’n be yra nnɛn’n i kɔlikɔli’n w’a manman min,w’a yiman tɛ w’a manman min naan m’an ɲan ɲrun.M’an mianman wɔ kɛ a man min like,m’an kleman ɔ yalɛ m’an seman wɔ kɛ a man min ansan ufue.+
24 W’a faman ɔ sika’n w’a toman ndɛma m’ɔ bɔn fannin’n w’a manman min,w’a faman ɔ tɛ nnɛn’m be lui mun w’a manman min naan min klun w’a jɔ.+Sanngɛ a yoli sa tɛ fa kleli min yalɛ,yɛ ɔ fɔnlɛ’m be flannin min.+
25 Min, min bɔbɔ yɛ min dunman nun ti’n+ n nunnun ɔ sa tɛ*+ mun-ɔn,yɛ min wla su kpɛnman ɔ sa tɛ’m be su.+
26 Kpɛn min wla, maan sran kun kɛn i ndɛ liɛ’n,kan ɔ liɛ ng’ɔ kle kɛ ɔ ndɛ yo fɛ’n.
27 Ɔ nannan klikli’n yoli sa tɛ,yɛ ɔ nuan ndɛ kanfuɛ mun* be yoli ɲin kekle min su.+
28 Ń má yó sran dandan nga be o lika m’ɔ ti Ɲanmiɛn liɛ klonglo’n nun lɔ’n be finfin,ń má yí Zakɔbu ń mán naan be nunnun i,ń yó maan bé kpɛ́ Izraɛli i nzowa.+
Ja ngua lɔ ndɛ mun
^ Atrɛkpa’n, sa klikli nga bé wá jú e ɲrun lɔ’n be ndɛ yɛ be kan-ɔn.
^ Annzɛ “ɲin kekle ayeliɛ.”
^ Atrɛkpa’n, Mmla’n klefuɛ’m be ndɛ yɛ be kan-ɔn.
