Ezai 55:1-13
55 Amun mɔ nzuewe kun amun’n,+ an bla, an bla be wa fa nzue!+Amun mɔ amun leman sika’n, an bla, an bla be wa fa* naan amun di!Ɛɛn, an bla, an bla be wa fa* duvɛn nin nɔnnɔn,+ amun su yiman sika, yɛ amun su toman.+
2 ?Ngue ti yɛ amun yi sika to like m’ɔ timan aliɛ’n niɔn??Ngue ti yɛ amun fa amun akatua’n wlɛ i like m’ɔ yiman be ku’n nun-ɔn?Amun sie amun su min nuan bo kpa, yɛ amun di like ng’ɔ ti kpa’n,+amún wá dí like ng’ɔ ti kpa’n, yɛ amun klun jɔ́.+
3 Amun sie amun su, yɛ amun bla min sin.+Amun tie, yɛ amún kánguan nun,kpɛkun min klun klo su e nin amun é trá aenguɛ kun m’ɔ́ ká lɛ tititi-ɔ,+kɛ nga n fa tali Davidi i nda kɛ ń yí min sran klolɛ dan’n i nglo i lika’n sa. Be kwla lafi nda sɔ’n su.*+
4 An nian! N yoli maan ɔ kacili nvlenvle’m be lalofuɛ,+ɔ kacili nvlenvle’m be ɲrun dinfuɛ,+ ɔ nin be su kpɛn.+
5 Nian! Á* wá flɛ́ nvle kun mɔ a simɛn i’n i nunfuɛ mun,yɛ nvle kun mɔ i nunfuɛ’m be siman wɔ’n bé wá wánndi bá ɔ sin,ɔ Ɲanmiɛn Zoova, Izraɛli Ɲanmiɛn m’ɔ ti Sanwun’n i dunman nun,+afin ɔ́ wá yó maan á ɲán ɲrun.+
6 Blɛ mɔ be kwla wun Zoova’n, maan amun kunndɛ i.+Blɛ m’ɔ te o koko’n, maan amun kpan flɛ i.+
7 Maan klunwifuɛ’n ɔ kaci i ayeliɛ’n,+yɛ maan sa tɛ yofuɛ’n ɔ kaci i akunndan’n.Maan ɔ sɛ i sin Zoova wun, ɔ́ wá sí i aunnvɔɛ,+maan ɔ sɛ i sin e Ɲanmiɛn’n i wun, afin ɔ́ wá yáci i wun sa’n ɔ́ cɛ́ i klun ufue su.*+
8 “Afin akunndan nga n bu’n ɔ nin amun liɛ’n timan kun,+yɛ atin nga amun fa su’n ɔ nin min liɛ’n timan kun.” Ndɛ nga Zoova kan’n yɛ ɔ o lɛ-ɔ.
9 “Kɛ nga ɲanmiɛn’n wo asiɛ’n i ti su nglo sa’n,i wafa kunngba’n, min nzuɛn’n wo amun liɛ’n i ti su nglo,yɛ akunndan nga n bu’n, ɔ o amun liɛ’n i ti su nglo.+
10 Kɛ nzue’n tɔ’n, yɛ kɛ laglasi’n m’ɔ fin nglo lɔ gua munkɛnmunkɛn gua’n,be saman be sin ngbɛn, saan b’a lualua asiɛ’n, b’a yo maan i su ninnge mun b’a fifi, yɛ b’a yo kpa ,saan b’a man like luafuɛ’n i like mma ng’ɔ́ wá lúa’n, yɛ b’a man like difuɛ’n i aliɛ.
11 I wafa kunngba’n, kɛ ndɛ ng’ɔ fin min nuan fite’n ɔ́ yó sɔ-ɔ.+Ɔ su sɛmɛn i sin min wun wa sa ngbɛn,+saan ɔ́ yó min klun sa’n,+saan ɔ́ yó like nga ti yɛ n sunmɛnnin i’n.
12 Afin kɛ amún fíte’n, amún dí aklunjɔɛ,+yɛ amún wá sá amun sin wɛtɛɛ su.+Oka nin kpɔlɛ’m be klun jɔ́ yɛ bé kpán aklunjɔɛ kpanlɛ amun ɲrun,+yɛ fie su lɔ waka’m be kwlaa bé bó ndɛ.+
13 Zenevrie waka’m bé fífí owieowie’m be osu,+yɛ mirti waka’m bé fífí aɲintɔnman’m be osu.I sɔ’n yó maan Zoova i dunman’n fú,+ɔ́ yó nzɔliɛ like kun m’ɔ́ká lɛ tititi-ɔ, ɔ su nunnunman le.”
Ja ngua lɔ ndɛ mun
^ Ebr., “amun bla be wa to.”
^ Ebr., “amun bla be wa to.”
^ Annzɛ “Be kwla fa be wla gua su.”
^ Zakɔbu annzɛ Izraɛli ndɛ yɛ be kan-ɔn.
^ Annzɛ “i klun klo su.”
