Jue Mun 99:1-9
99 Zoova w’a kaci Famiɛn.+ Maan nvle’m be usu.
Ɔ ti famiɛn bia’n su seribɛn’m be ti su nglo.*+ Maan asiɛ’n keje.
2 Zoova ti dan Siɔn lɔ,yɛ ɔ o nvle’m be kwlaabe su.+
3 Maan be manman ɔ dunman m’ɔ ti dan’n,+afin ɔ yo sro yɛ ɔ ti sanwun.
4 Ɔ ti famiɛn kun m’ɔ le kwlalɛ-ɔ, ɔ klo sa nuan su sɛsɛ yolɛ’n.+
A yoli maan sa kpa yolɛ’n takali kpa.
A yoli maan sa nuan su sɛsɛ yolɛ’n, nin sa kpa yolɛ’n+ be trannin Zakɔbu lɔ.
5 Amun manman e Ɲanmiɛn Zoova,+ yɛ amun koto* i ja takatakawlɛ’n i bo lɛ.+
Ɔ ti sanwun.+
6 Moizi nin Aarɔn be o i ɲrun jranfuɛ’m be nun,+yɛ Samiɛli o be nga be bo i dunman’n be nun.+
Be kpan flɛli Zoova,yɛ ɔ tɛli be su.+
7 Ɔ o ɲanmiɛn ble’n nun lɔ yɛ ɔ kannin ndɛ kleli be-ɔ.+
Be fɛli i afɔtuɛ mun nin mmla ng’ɔ fa mannin be’n be su.+
8 Ee, e Ɲanmiɛn Zoova, a tɛli be su.+
A ti Ɲanmiɛn kun m’ɔ yacili be wun sa mun cɛli be-ɔ,+sanngɛ a tuli be fɔ,* be sa tɛ’m be ti.+
9 Amun manman e Ɲanmiɛn Zoova,+yɛ amun koto* i oka m’ɔ ti i liɛ klonglo’n i ɲrun lɛ,+afin e Ɲanmiɛn Zoova ti sanwun.+
Ja ngua lɔ ndɛ mun
^ Be kwla se ekun kɛ “seribɛn’m be afiɛn.”
^ Ebr., “amun su i.”
^ Ebr., “a tuli ɔ klunngbɔ be su.”
^ Annzɛ “amun su i.”
