Mise 2:1-13
2 “Be nga be bu sa tɛ yolɛ’n i akunndan be sie’n, be yako!
Be bu sa tɛ yolɛ’n i akunndan be bɛ’n su.
Yɛ kɛ lika ko cɛn’n, nn be su yo i sɔ sa’n,afin be kwla yo i sɔ like’n.+
2 Sɛ be ɲin blo fie wie su’n, be fa.+
Asa ekun’n, sɛ be ɲin blo sua wie su’n, be fa.
Be di sran ndrunmun be de i sua’n,+be di sran ndrunmun be fɛ i aja like’n.
3 I sɔ’n ti’n, ndɛ nga Zoova kan’n yɛ:
‘N su bu ɲrɛnnɛn kun mɔ ń má fá yí awlobo nga su’n i akunndan,+ amun su finman nun fiteman.*+
Kɛ amún nánti’n, amun su tuman amun wun kun,+ afin ɲrɛnnɛn blɛ’n w’a ju.+
4 Cɛn sɔ’n nun’n, sran’m bé bú amun wun ɲanndra,bé bó awuyomo dan kpa amun ti.+
Bé sé kɛ: “B’a wie e bo ninnge’n kwlaa fa!+
Ɔ yoli maan like ng’ɔ ti min nvlefuɛ’m be liɛ’n, w’a tɔ sran uflɛ sa nun. Ɔo, w’a de i min sa nun!+
W’a fa e fie mun w’a man be nga be nin i nantiman klanman’n.”
5 Ɔ maan Zoova i sran’m be nun’n, a su ɲanman sran naan w’a tinngɛ like sunnzunlɛ ɲanman’n nun,naan w’a cɛcɛ asiɛ’n nun.
6 Be bo jasin be se kɛ: “Amun yaci jasin bolɛ!
Ɔ fataman kɛ be bo jasin nga mun,ɲannzuɛn su kunman e!”
7 Ee, Zakɔbu i awlo, a tili i sran’m be nuan nun kɛ:
“?Zoova i wawɛ’n kwlá trɛmɛn i awlɛn kun?
?I yɛ ɔ yo sa nga mun-ɔn?”
?Min ndɛ’n yoman be nga be nanti seiin’n be ye?
8 Sanngɛ koko nun wa’n, min nvlefuɛ’m be kacili kɛ min kpɔfuɛ sa.
Be nga kɛ bé nánti’n srɛ kunman be’n, mɔ be nanti kɛ be fin alɛ kunlɛ sa’n,amun tuli be tralɛ’n i nun klanman yolɛ like’n* sran’m be kwlaa be ɲrun.
9 Amun fuannin min nvlefuɛ’m be nun bla mun be sua mɔ be nun tranlɛ yo fɛ kpa’n be nun.
Min aɲrunɲan nga n fa mannin be mma mun’n, amun deli i be sa nun mlɔnmlɔn.
10 Maan amun jaso naan amun wɔ, afin wa’n timan wunmiɛn lolɛ lika.
Afin fiɛn m’ɔ kɛnnin i’n ti’n,+ bé wá núnnún i, bé wá núnnún i tɛ kpa.+
11 Sɛ sran kun wanndi fuan aunmuan’n nin gblɛ’n, naan ɔ kan ato ndɛ se kɛ:
“Ń má kán duvɛn’n nin nzan ng’ɔ bo’n be ndɛ ń klé wɔ’n,”
i sɔ sran liɛ’n yɛ ɔ nin nvle nga i jasin bofuɛ yolɛ fata-ɔ!+
12 Ee Zakɔbu, saan ń yíayía amun kwlaa,ń má yíayía Izraɛlifuɛ nga be kali lɛ’n.+
Ń síe be likawlɛ, kɛ bua mɔ be o be tuin’n nun’n sa,kɛ nnɛn akpasua kun mɔ be o be didiwlɛ’n nun’n sa.+
Sran’m bé íjɔ woo.’+
13 Sran ng’ɔ kpɛ talɛ’n nun toklo’n ɔ́ dún mmua be ɲrun.
Bé kpɛ́ talɛ’n i nun toklo, kpɛkun bé sín nun bé fíte.+
Be famiɛn’n sín be ɲrun,yɛ Zoova dún mmua be ɲrun.”+
Ja ngua lɔ ndɛ mun
^ Ebr., “amun su kwlá yíman amun kɔmin mun.”
^ Be kwla se ekun kɛ “amun yili tralɛ’n ɔ nin i nun klanman yolɛ like’n.”
