Zoova si like ng’ɔ ti kpa man e’n titi. Kɛ e lafi i sɔ liɛ’n su mɔ e nanti atin ng’ɔ kle e’n su’n e kle kɛ e ti nglwɛlɛfuɛ. (Nya 16:3, 9) Sanngɛ kɛ akunndan nga e bu’n ɔ nin i liɛ’n be timan kun’n i su lafilɛ’n kwla yo kekle man e. Sɛ e bu ninnge nga Zoova yili be’n be su akunndan’n i sɔ’n úka e naan y’a lafi i ngwlɛlɛ’n su kpa.​—Nya 30:24, 25; Rɔm 1:20.

AN NIAN VIDEO NGA BE FLƐ I KƐ ?SRAN KUN YƐ Ɔ YILI-Ɔ? ?NGUE TI YƐ KƐ IJREWA’M BE NANTI’N BE SISIMAN BE WIENGU-Ɔ? I SIN’N, AN TƐ KOSAN NG’A’M BE SU:

• ?Ngue yɛ ijrewa’m be yo i aliɛ ba kwlaa nun-ɔn?

• ?Ngue yɛ be yo naan kɛ be nanti’n b’a sisiman be wiengu-ɔ?

• ?Wafa sɛ yɛ klɔ sran’m be kwla niɛn i sɔ liɛ’n su-ɔ?

AN NIAN VIDEO NGA BE FLƐ I KƐ ?SRAN KUN YƐ Ɔ YILI-Ɔ? ?NGUE TI YƐ KƐ AWUNMUAN FITA DAN’N KAKAA NGA BE TI KƐ ZƆGƆDA SA’N BE TƆMAN-ƆN? I SIN’N, AN TƐ KOSAN NG’A’M BE SU:

• ?Kɛ sran’m be fu aviɔn kanngan’m be nun’n ngue yɛ ɔ kle be yalɛ-ɔ?

• ?Kakaa nga be ti kɛ zɔgɔda sa’n, ngue yɛ be yo naan kɛ be tu’n b’a tɔman-ɔn?

• ?Cɛn wie lele’n wafa sɛ yɛ kakaa sɔ’m be nglwɛlɛ liɛ’n kwla uka klɔ sran mun-ɔn?

Zoova i ngwlɛlɛ’n i ɲin fite ninnge ng’ɔ yili be’n be nun. ?Wafa sɛ yɛ i ɲin fite ninnge nga be o amun tranwlɛ’n nun lɔ’n nun-ɔn?