Biblu’n nun fluwa’m be su fitilɛ video mun
Biblu’n nun fluwa’m be su ndɛ cinnjin wie mun.
?A si Biblu’n?
Biblu’n nun fluwa’m be kwlaa be fa e ɲin sie i ndɛ kun su. Ɲanmiɛn Sielɛ’n ti’n, i dunman’n yó sanwun. Klisi Zezi yɛ be fali Sielɛ’n wlɛli i sa nun-ɔn.
Bo Bolɛ fluwa’n i su fitilɛ
Bo Bolɛ fluwa’n yiyi sa nga ti yɛ Ɲanmiɛn yili klɔ sran mun’n ɔ nin sa nga ti yɛ ɲrɛnnɛn nin wie’n be o sran’m be su’n be nun.
Ezipt Lɔ Tulɛ fluwa’n i su fitilɛ
Ɲanmiɛn deli Izraɛlifuɛ mun Eziptifuɛ’m be sa nun yɛ ɔ fali be yoli i nvle.
Saun Yolɛ fluwa’n i su fitilɛ
Saun Yolɛ fluwa’n kan sanwun mɔ Ɲanmiɛn ti’n i ndɛ. Yɛ sa nga ti yɛ ɔ ti cinnjin kɛ e kusu e yo sanwun’n ɔ kɛn i ndɛ wie.
Kalɛ fluwa’n i su fitilɛ
Sa nga ti yɛ ɔ ti cinnjin kɛ e nanti ndɛ nga Zoova kan kle e’n su’n, yɛ sa nga ti yɛ ɔ fata kɛ e ɲin yi be nga be dun e ɲrun mmua’n, Kalɛ fluwa’n fa e ɲin sie su.
Mmla’n fluwa’n i su fitilɛ
Mmla fluwa nun’n, amún wún wafa nga mmla nga Zoova mannin Izraɛlifuɛ mun’n kle kɛ ɔ klo be kpa’n.
Zozie fluwa’n i su fitilɛ
Amun fa amun ɲin sie i wafa nga Izraɛlifuɛ’m be fali mɛn nga Ɲanmiɛn fa mannin be’n ɔ nin wafa nga be cɛcɛli mɛn sɔ’n nun’n be su.
Jɔlɛ Difuɛ Mun fluwa’n i su fitilɛ
Fluwa’n kan yasua yakpafuɛ wie mɔ be lafili Ɲanmiɛn su’n be ndɛ. Ɲanmiɛn sinnin be lika deli Izraɛlifuɛ’m be kpɔfuɛ’m be sa nun.
Rit fluwa’n i su fitilɛ
Rit fluwa’n kan angbeti bla talua kun m’ɔ kloli i sewi lele guɛli i ti nin i bo’n, ɔ nin wafa nga Zoova yrali be su’n i ndɛ wie.
1 Samiɛl fluwa’n i su fitilɛ
Famiɛn’m be lika yɛ Zoova w’a sinnin ukɛli i nvle’n niɔn. W’a siman jɔlɛ difuɛ’m be lika kun.
2 Samiɛl fluwa’n i su fitilɛ
Amun fa amun ɲin sie i Davidi i wun ase kanlɛ’n nin i Ɲanmiɛn sulafilɛ’n be su. Nzuɛn sɔ m’ɔ yili be nglo’n ti’n Biblu’n nun’n ɔ yoli sran mɔ be kloli i sa yɛ be sili i kpa-ɔ.
1 Famiɛn Mun fluwa’n i su fitilɛ
An fa amun ɲin sie i wafa nga Salomɔn blɛ su’n Izraɛlifuɛ’m be trannin fɔun nun’n i su. Asa’n sa ng’ɔ tɔli Izraɛli nin Zida be afiɛn’n an fa amun ɲin sie su wie.
2 Famiɛn Mun fluwa’n i su fitilɛ
Amun sie wafa nga amuin sɔlɛ’n truli Izraɛli i nglo lɔ famiɛn diwlɛ’n nun’n ɔ nin wafa nga Zoova yrali be nga be tuli be klun be suli i’n be su’n be nzɔliɛ.
1 Be Ɲoliɛ fluwa’n i su fitilɛ
Davidi m’ɔ yoli Izraɛli famiɛn’n i ɲin yili Ɲanmiɛn lele ɔ fa wuli. An fa amun ɲin sie i su ndɛ’n su.
2 Be Ɲoliɛ fluwa’n i su fitilɛ
Amun fa amun ɲin sie i wafa nga Zida famiɛn’m be su ndɛ’n kle kɛ ɔ ti cinnjin kɛ e nin Ɲanmiɛn e nanti klanman’n su.
Ɛsdras fluwa’n i su fitilɛ
Zoova tali nda kɛ ɔ́ dé i nvle’n nunfuɛ mun Babilɔni lɔ naan ɔ́ táka Ɲanmiɛn sulɛ kpafuɛ’n ekun Zerizalɛmun lɔ. Ɔ yiali ndɛ sɔ’n i nuan.
Neemi fluwa’n i su fitilɛ
Afɔtuɛ kpakpa be o Neemi fluwa’n nun. Be kwla yo Ɲanmiɛn sufuɛ kpa’m be ye andɛ.
Ɛstɛr fluwa’n i su fitilɛ
Sa nga be juli Ɛstɛr blɛ su’n bé úka ɔ naan w’a lafi su kpa kɛ andɛ’n, Zoova kwla de i sufuɛ mun ɲrɛnnɛn’n nun.
Zɔb fluwa’n i su fitilɛ
Be kwlaa nga be klo Zoova’n klekle tɔ́ be su naan i sɔ’n i ɲin w’a fite. Zɔbu i su ndɛ’n wla e fanngan kɛ kannzɛ kekle tɔ e su’n e kwla suan Zoova i sielɛ’n i bo yɛ e nin i e kwla nanti klanman titi.
Jue Mun fluwa’n i su fitilɛ
Jue Mun fluwa’n suan Zoova i atin m’ɔ le i sie like kwlaa’n, i bo. Ɔ uka be nga be klo Zoova’n yɛ ɔ fɔnvɔ be. Kpɛkun ɔ kan wafa nga Zoova i famiɛn diwlɛ ti’n mɛn’n wá káci’n, i ndɛ.
Ɲanndra Mun fluwa’n i su fitilɛ
Suan afɔtuɛ nga Ɲanmiɛn man be ninnge fanunfanun kɛ aata dilɛ ndɛ’m be su lele fa ju awlobo’n nun ndɛ’m be su’n.
Akunndanfuɛ’n fluwa’n i su fitilɛ
Famiɛn Salomɔn kannin ninnge nga be ti cinnjin sakpa’n be ndɛ. Yɛ ɔ fa be sunnzun ninnge nga be nin ngwlɛlɛ ng’ɔ fin Ɲanmiɛn’n be kɔman likawlɛ’n.
Ngɔjue Fɛfɛ Kpa’n i su fitilɛ
Be flɛli klolɛ mɔ Sunɛmun talua kun kloli nnɛn tafuɛ kun tankaan kpa kɛ ‘Zoova i sin.’ ?Ngue ti ɔ?
Ezai fluwa’n i su fitilɛ
Ezai fluwa’n nun kasiɛ’m be kwla uka wɔ maan a lafi su kpa kɛ Zoova yia ndɛ ng’ɔ kan’n i nuan naan ɔ ti e Defuɛ.
Zeremi fluwa’n i su fitilɛ
Kannzɛ lika’n yoli kekle Zeremi su’n sanngɛ ɔ dili i Ɲanmiɛn nuan ijɔfuɛ junman’n titi. Bu afɔtuɛ nga i ajalɛ’n man Klistfuɛ mun’n i akunndan.
Ngwlɛ Yilɛ fluwa’n i su fitilɛ
Ɲanmiɛn nuan ijɔfuɛ Zeremi yɛ ɔ klɛli Ngwlɛ Yilɛ fluwa’n nin-ɔn. Ɔ kan Zerizalɛmun klɔ’n sacilɛ’n nin wafa nga Ɲanmiɛn kwla si e aunnvuɛ’n be ndɛ.
Ezekiɛl fluwa’n i su fitilɛ
Ezekiɛli kɛnnin i wun ase dili junman wafawafa kwlaa nga Ɲanmiɛn fa mannin i’n yakpa su. Ɔ kle e ajalɛ klanman kpa.
Daniɛl fluwa’n i su fitilɛ
Blɛ kwlaa nun’n, Daniɛli nin i janvuɛ’m b’a kpɔciman Zoova. Be su ndɛ’n, ɔ nin Ɲanmiɛn i nuan ndɛ’n m’ɔ kpɛn su’n, be wla e fanngan blɛ kasiɛn nga nun.
Oze fluwa’n i su fitilɛ
Oze fluwa’n kle e like kaka aunnvuɛ nga Zoova si be nga be sa tɛ yo be nsisɔ mɔ be kaci be sa’n, ɔ nin wafa ng’ɔ kunndɛ kɛ e su i’n, be su.
Zoɛl fluwa’n i su fitilɛ
Ɲanmiɛn nuan ijɔfuɛ Zoɛli kannin ‘Zoova i cɛn dan’ mɔ w’a mantan koko’n, ɔ nin wafa nga e kwla fite nun’n, be ndɛ. I ndɛ’n ti cinnjin kpa andɛ.
Amɔs fluwa’n i su fitilɛ
Zoova mannin Amɔsu m’ɔ ti wun ase kanfuɛ’n i junman. ?Ngue like yɛ Amɔsu i su ndɛ’n kle e-ɔ?
Abdias fluwa’n i su fitilɛ
I fluwa’n, ɔ ti fluwa nga be klɛli be Ebre nun’n, be nun kaan kpafuɛ’n. I nun ndɛ’n cici sran wla. Ɔ kɛnnin i ekun kɛ Zoova wá klé kɛ i yɛ ɔ le atin sie sran mun-ɔn.
Zonas fluwa’n i su fitilɛ
Kɛ Ɲanmiɛn tuli Zonasi fɔ’n, ɔ sɔli nun, ɔ dili junman nga be fa mɛnnin i’n. I ndɛ’n kle e kɛ Ɲanmiɛn klo sran, yɛ ɔ si aunnvuɛ. I su ndɛ’n wá yó amun fɛ kpa.
Mise fluwa’n i su fitilɛ
Fluwa sɔ’n i nun ndɛ’n yo maan e wun i wlɛ kɛ like nga e kwla yo m’ɔ ti kpa man e’n, yɛ Zoova se e kɛ e yo-ɔ.
Naɔm fluwa’n i su fitilɛ
Ndɛ nga Ɲanmiɛn maan Naɔmun kannin’n ti’n, e lafi su kɛ ndɛ nga Zoova kannin be’n bé kpɛ́n su naan be kwlaa nga be kunndɛ kɛ Ɲanmiɛn sie be naan bé trán fɔuun’n, ɔ cici be wla.
Abakik fluwa’n i su fitilɛ
E kwla lafi su kɛ Zoova si blɛ nin wafa ng’ɔ fata kɛ ɔ de i sufuɛ mun’n.
Sofoni fluwa’n i su fitilɛ
?Ngue ti yɛ ɔ fataman kɛ e bu i kɛ Zoova i jɔlɛ dilɛ cɛn’n su juman-ɔn?
Aze fluwa’n i su fitilɛ
Fluwa sɔ’n kle e kɛ maan Ɲanmiɛn i sulɛ’n yo e cinnjin tra e bɔbɔ e ninnge’m be yolɛ’n.
Zakari fluwa’n i su fitilɛ
Ninnge nga Ɲanmiɛn i nuan ijɔfuɛ’m be wunnin be aolia nun’n ɔ nin ndɛ nga be kannin’n wlali laa Ɲanmiɛn i sufuɛ’m be fanngan. Ndɛ sɔ’m be wla e fanngan andɛ wie.
Malasi fluwa’n i su fitilɛ
Fluwa sɔ’n kle kɛ Zoova si aunvuɛ, ɔ klo sran, yɛ like ng’ɔ kunndɛ kɛ e yo’n ɔ kaciman. Asa ekun’n, ɔ man sa wie mɔ be kwla ju e su andɛ’n, be su afɔtuɛ.
Matie fluwa’n i su fitilɛ
Nian fluwa nga be kan ninnge nga Zezi yoli’n i su ndɛ’n be nun klikli’n i su ninnge cinnjin wie mun.
Marki fluwa’n i su fitilɛ
Fluwa’n ti Zezi i junman ng’ɔ dili’n i su fluwa nnan nga be klɛli’n be nun tikafuɛ’n. Like nga kɛ Zezi wá dí Ɲanmiɛn Sielɛ’n i su famiɛn’n ɔ́ yó’n ɔ yi i nglo kan kle e.
Liki fluwa’n i su fitilɛ
?Zezi i su ndɛ nga Liki klɛli’n i nun benin yɛ sran uflɛ fi w’a kɛnmɛn i ndɛ ɔ?
Zan fluwa’n i su fitilɛ
Zan fluwa’n kle kɛ Zezi klo sran, ɔ ti wun ase kanfuɛ, i yɛ ɔ ti Mɛsi mɔ Ɲanmiɛn sieli i famiɛn’n niɔn.
Sa Nga Be Yoli’n fluwa’n i su fitilɛ
Klisifuɛ klikli’m be miannin be ɲin be kleli sran mɔ be fin nvle kwlaa nun’n be like naan be kaci Zezi i sɔnnzɔnfuɛ. Sa Nga Be Yoli’n fluwa’n i nun ndɛ’n kwla wla ɔ fanngan, ɔ maan á tú ɔ klun bó jasin fɛ’n.
Rɔmunfuɛ mun fluwa’n i su fitilɛ
Fluwa sɔ’n kle kɛ Zoova kpaman sran nun naan ɔ ti cinnjin kɛ e lafi Zezi Klisi su.
Korɛntifuɛ Mun fluwa klikli’n i su fitilɛ
Pɔlu i fluwa sɔ’n kan wafa nga Klisifuɛ’m be bo kwla yo kun’n, nin wafa nga be kwla nian be wun su naan be nzuɛn w’a yoman tɛ’n be ndɛ. Asa’n, ɔ kan wafa nga be kwla klo be wiengu kpa’n, ɔ nin sran cɛnlɛ mɔ be lafi su’n be ndɛ.
Korɛntifuɛ Mun fluwa nɲɔn su’n i su fitilɛ
Zoova m’ɔ ti ‘Ɲanmiɛn m’ɔ fɔnvɔ sran sa kwlaa nun’n’ ɔ wlɛ i sufuɛ’m be fanngan yɛ ɔ suan be bo.
Galasifuɛ Mun fluwa’n i su fitilɛ
Wafa nga fluwa nga Pɔlu klɛli ko mannin Galasifuɛ mun’n ɔ ukali be kpa’n, ɔ kwla uka e wie. Fluwa sɔ’n kwla uka e naan y’a lafi Ɲanmiɛn su kpa titi.
Efɛzifuɛ Mun fluwa’n i su fitilɛ
Efɛzifuɛ Mun fluwa’n fa e ɲin sie like cinnjin kun su. Yɛle kɛ Zezi dunman nun’n, Ɲanmiɛn yó maan alaje nin bo kun yolɛ’n be trán asiɛ’n su.
Filipufuɛ Mun fluwa’n i su fitilɛ
Kɛ sa kekle’m be tɔ e su mɔ e jran kekle’n, e kwla wla e wiengu’m be fanngan.
Kolɔsufuɛ Mun fluwa’n i su fitilɛ
Sɛ e klo kɛ Zoova klun jɔ e wun’n, ɔ fata kɛ e nanti like nga e suan’n su, e yaci e wiengu’m be wun sa cɛ be yɛ e wun i wlɛ kɛ Zezi le kwlalɛ.
Tesalonikifuɛ Mun fluwa klikli’n i su fitilɛ
Ɔ fataman kɛ e kpɔnzɔ Ɲanmiɛn i sulɛ’n nun. Maan e “bu like kwlaa i akunndan,” e “srɛ Ɲanmiɛn titi” yɛ e wla e wiengu fanngan.
Tesalonikifuɛ Mun fluwa nɲɔn su’n i su fitilɛ
Pɔlu ukali aniaan mun naan b’a kaci akunndan nga be bu i Zoova i cɛn’n su’n. Yɛ ɔ wlali be fanngan naan be lafi Ɲanmiɛn su kpa.
Timote fluwa klikli’n i su fitilɛ
Pɔlu klɛli Timote i fluwa naan ɔ́ klé i wafa ng’ɔ fata kɛ be siesie ninnge mun asɔnun’n nun’n. Yɛ ɔ niɛn i wun su ndɛ ng’ɔ timan su’n nin sika klolɛ’n, be lika.
Timote fluwa nɲɔn su’n i su fitilɛ
Pɔlu wla Timote i fanngan kɛ ɔ di Ɲanmiɛn junman’n ɔ guɛguɛ i bo.
Titi fluwa’n i su fitilɛ
Pɔlu klɛli Titi i fluwa kleli i ajalɛ wie mun naan w’a kwla siesie ndɛ mun Klɛti asɔnun’m be nun, yɛ ɔ kleli i nzuɛn ng’ɔ fata kɛ sran ng’ɔ klo kɛ ɔ́ yó asɔnun kpɛnngbɛn’n ɔ yi be nglo’n.
Filemɔn fluwa’n i su fitilɛ
Fluwa kpe kan sɔ’n man wun ase kanlɛ’n nin wɛtɛɛ yolɛ’n yɛ sran wun sa yaci cɛlɛ’n be su afɔtuɛ.
Ebre Mun fluwa’n i su fitilɛ
Ninnge nga Klisifuɛ’m be Ɲanmiɛn sulɛ’n taka su’n be ti kpa tra Ɲanmiɛn sulɛ sua’n nin nnɛn nga be fa yi tɛ’n.
Zaki fluwa’n i su fitilɛ
Zaki fa sunnzun ase kpakpa wie mun kle ninnge cinnjin wie m’ɔ fata Klisifuɛ’m be yo be’n.
Piɛli fluwa klikli’n i su fitilɛ
Piɛli fluwa klikli’n wla e fanngan kɛ e tu e klun e di Ɲanmiɛn i junman’n yɛ e fa e su sa’n kwlaa e wlɛ i Ɲanmiɛn sa nun.
Piɛli fluwa nɲɔn su’n i su fitilɛ
Piɛli fluwa nɲɔn su’n wla e fanngan kɛ e lafi Ɲanmiɛn su kɛ é mínndɛ ɲanmiɛn su uflɛ kun nin asiɛ uflɛ kun’n.
Zan fluwa klikli’n i su fitilɛ
Fluwa’n wla e fanngan kɛ e nian e wun su Klisi i kpɔfuɛ’m be lika. Asa’n, ɔ uka e naan y’a wun ninnge ng’ɔ fata kɛ e klo be nin ng’ɔ fataman kɛ e klo be’n, be wlɛ.
Zan fluwa nɲɔn su’n i su fitilɛ
Zan fluwa nɲɔn su’n wla e fanngan kɛ e nanti nanwlɛ atin’n su titi yɛ e nian e wun su sran mɔ be laka sran’n be lika.
Zan fluwa nsan su’n i su fitilɛ
Zan i fluwa sɔ’n kle Klisifuɛ’m be ajalɛ kpa. Yɛle kɛ be sɔ sran nun.
Zidi fluwa’n i su fitilɛ
Zidi yiyi be nga be kunndɛ kɛ bé láka Klisifuɛ mun’n be bo.
Sa Nglo Yilɛ fluwa’n i su fitilɛ
Kɛ afuɛ 96 wá jú’n, yɛ Zan klɛli Sa Nglo Yilɛ fluwa’n niɔn. Bo Bolɛ fluwa’n kan wafa nga mɛn klanman’n fili sran i sa’n i ndɛ. Sa Nglo Yilɛ fluwa’n kan mɛn klanman’n i ndɛ.
