Mikas 2:1-13
2 “Hirak man sa mga nagpapakana nin nakakadanyar na bagay,Na nagpaplano nin maraot mantang nasa mga higdaan!
Ginigibo ninda iyan pag nagsirang na an liwanag,Huli ta kayang-kaya ninda iyan na gibuhon.+
2 Pag gusto ninda an sarong uma, inaagaw ninda iyan,+Pag gusto ninda an sarong harong, kinukua ninda iyan;Nandadaya sinda para makua an harong nin sarong tawo+Asin makua an mana kaini.
3 Kaya ini an sinasabi ni Jehova:
‘May binibilog akong kapahamakan laban sa pamilyang ini+ na dai nindo madudulagan.*+
Dai na kamo makakalakaw nin may kahambugan,+ huling panahon iyan nin kapahamakan.+
4 Sa aldaw na iyan, an mga tawo mataram nin sarong talinhaga manungod sa saindo,Asin magmumundo sinda nin grabe dahil sa saindo.+
Sasabihon ninda: “Biyo kitang nalaglag!+
Kinua niya sa sato an kahirasan kan satong banwaan asin itinao iyan sa iba!+
Itinao niya sa bakong maimbod an satong mga uma.”
5 Kaya mayo nin siisay man sa saindo an maunat kan pansukol na lubid,Tanganing pagbanga-bangaon an daga sa kongregasyon ni Jehova.
6 “Dai na kamo maghulit!” an ihinuhulit ninda,“Dai ninda dapat ihulit an mga bagay na ini;Dai kita mapapasupog!”
7 O banwaan* ni Jacob, igwa daw nin nagsasabi:
“Naubos na daw an pasensiya kan espiritu ni Jehova?
Siya daw an naggibo kan mga ini?”
Bako daw na karahayan an dara kan sakong mga tataramon sa mga naglalakaw nin matanos?
8 Pero kaining huri, nagin sarong kaiwal an sadiri kong banwaan.
Hayagan nindong kinukua an magayon na dekorasyon kaiba an* badoSa mga tawong nag-aagi nin kampante, arog kan mga nagpupuruli hali sa giyera.
9 An mga babayi sa sakuyang banwaan pinapalayas nindo sa saindang magagayon na harong;Hinahali nindo sa saindang mga aki an sakuyang kamurawayan sagkod lamang.
10 Magbuhat kamo asin maghali, huli ta bako ining lugar na makakapahingalo kamo.
Dahil sa pagigi niyang maati,+ maabot sa saiya an kalaglagan, grabeng kalaglagan.+
11 Kun an sarong tawo nagsusunod sa duros saka sa pandadaya asin sinasabi an kaputikan na ini:
“Huhulitan taka manungod sa arak saka sa inumon na de-alkohol,”
Siya an parahulit na angay sa banwaan na ini!+
12 Titipunon ko nanggad kamo gabos, O Jacob;Talagang titiripunon ko an mga nagkatarada sa Israel.+
Pagkakasararuon ko sinda, na garo mga karnero na ilinaag sa turil,Siring sa sarong aripumpon sa pasabsaban kaiyan;+Magigin maribok iyan dahil sa mga tawo.’+
13 An saro na naggigibo nin agihan iyo an maiinot sa sainda;Papahiwason ninda iyan asin maagi sinda sa trangkahan asin maluwas diyan.+
Maiinot sa sainda an saindang hadi,Asin si Jehova an nasa inutan ninda.”+
Mga Nota
^ Sa literal, “na diyan dai nindo mahahali an saindong liog.”
^ Sa literal, “harong.”
^ O posibleng “hali sa.”
