Salmo 120:1-7
Kanta Para sa mga Pagtukad.*
120 Nag-apod ako ki Jehova kan napupurisaw ako,+Asin sinimbag niya ako.+
2 O Jehova, iligtas mo ako* laban sa putikon na mga ngabil,Asin laban sa mapandayang dila.
3 Ano an gigibuhon Niya sa saimo, asin paano ka Niya papadusahan,*Ika na mapandayang dila?+
4 Paagi sa matarom na mga pana+ nin sarong parapakilabanAsin paagi sa naglalaad na mga baga+ nin kahoy na retama.*
5 Hirak man sa sako, ta nag-istar ako sa Mesec+ bilang dayuhan!
Nag-iistar ako sa tahaw kan mga tolda nin Kedar.+
6 Haluyon na akong* nag-iistarKaiba kan mga nauungis sa katuninungan.+
7 An gusto ko katuninungan, pero pag ako nagtataram,An gusto ninda giyera.
Mga Nota
^ O “an kalag ko.”
^ Sa literal, “asin ano an idadagdag Niya sa saimo?”
^ Sa Ingles, broomwood.
^ O “an kalag ko na.”
