Salmo 127:1-5
Kanta Para sa mga Pagtukad. Salmo ni Solomon.
127 Kun bako si Jehova an magtugdok kan harong,Sayang sana an pagpapagal diyan kan mga paratugdok kaiyan.+
Kun bako si Jehova an magbantay sa siyudad,+Sayang sana an pagdadanay na mata kan guwardiya.
2 Sayang sana na kamo nagbabangon nin amay,Na kamo nagdadanay na mata sagkod matanga,Na kamo nagpapagal tanganing may makakan,Huling siya an nagsusustenir sa mga namumutan niya asin tinatawan niya sinda nin masiram na turog.+
3 Uya! An mga aki* mana hali ki Jehova;+An bunga kan tulak sarong balos.+
4 Siring sa mga pana sa kamot nin sarong matibay na parapakilaban,Arog man kaiyan an mga aki nin sarong lalaki kan kahobenan pa kaini.+
5 Maugma an lalaki na an suksukan niya nin pana pinapano niya kan mga iyan.+
Dai sinda mamumugtak sa kasusupgan,Huling makikipag-ulay an mga ini sa mga kalaban sa may trangkahan kan siyudad.
Mga Nota
^ Sa literal, “mga aking lalaki.”
