Salmo 20:1-9
-
Pagliligtas sa hading linahidan nin Diyos
-
An iba nagsasarig sa mga karwahe asin mga kabayo, “pero kami nag-aapod sa pangaran ni Jehova” (7)
-
Para sa direktor nin musika. Salmo ni David.
20 Lugod na simbagon ka ni Jehova sa aldaw nin kasakitan.
Lugod na protektaran ka kan pangaran kan Diyos ni Jacob.+
2 Lugod na padarahan ka niya nin tabang hali sa banal na lugar+Asin susteniran ka niya hali sa Sion.+
3 Lugod na girumdumon niya an gabos mong dulot na regalo;Lugod na akuon niyang may pag-uyon* an saimong dulot na pigtututong. (Selah)
4 Lugod na itao niya an minamawot kan saimong puso+Asin gibuhon niyang mapanggana an gabos mong plano.*
5 Maugma kaming makurahaw huli sa mga ginigibo mong pagliligtas;+Iiitaas mi an samong mga bandera sa ngaran kan samuyang Diyos.+
Lugod na itao ni Jehova an gabos mong hinahagad.
6 Aram ko na ngunyan na iliniligtas ni Jehova an saiyang linahidan.+
Sinisimbag niya siya hali sa saiyang banal na kalangitanPaagi sa dakulang pagliligtas* kan saiyang tuong kamot.+
7 An iba nagsasarig sa mga karwahe asin an iba sa mga kabayo,+Pero kami nag-aapod sa pangaran ni Jehova na samuyang Diyos.+
8 Nagkaturumba sinda asin buminagsak,Pero buminangon kami asin tanos na nagtirindog liwat.+
9 O Jehova, iligtas mo an hadi!+
Sisimbagon niya kami sa aldaw na maghagad kami nin tabang.+
