Salmo 57:1-11
Para sa direktor nin musika; nasa tono kan “Dai Paglaglaga.” Salmo ni David. Sarong Miktam.* Kan siya magdulag asin magtago sa kuweba huli ki Saul.+
57 Kahirakan mo ako, O Diyos, kahirakan mo ako,Huli ta nagpapaili ako* sa saimo,+Asin mapaili ako sa lindong kan saimong mga pakpak sagkod na makalihis an mga kasakitan.+
2 Nag-aapod ako sa Diyos na Kahuruhalangkawi,Sa tunay na Diyos, na tinatapos an mga iyan alang-alang sa sako.
3 Mapadara siya nin tabang hali sa langit asin ililigtas ako.+
Uulangon niya an nananakab sa sakuya. (Selah)
Ipapahiling nin Diyos an saiyang maimbod na pagkamuot asin an saiyang kaimbudan.+
4 Napapalibutan ako* nin mga leon;+Kinaipuhan kong maghigda kataid kan mga tawong gusto akong sibaon,Na an mga ngipon siring sa mga garod saka mga panaAsin an mga dila siring sa matarom na espada.+
5 Magpakalangkaw ka nin labaw pa sa kalangitan, O Diyos;Mapasaibabaw lugod kan bilog na daga an saimong kamurawayan.+
6 Nagtáon* sinda nin hikot tanganing siluon an mga bitis ko;+Napaduko ako* huli sa kasakitan.+
Naggibo sinda nin kalot sa inutan ko,Pero sinda mismo an nagkahurulog diyan.+ (Selah)
7 Marigon an sakuyang puso, O Diyos,+Marigon an sakuyang puso.
Makanta ako asin magibo nin musika.
8 Magmata ka, sakuyang kamurawayan.
Magmata ka, O instrumentong de-kuwerdas; saka ika, O arpa.
Sakuyang pupukawon an maagahon.+
9 Uumawon taka sa tahaw kan mga banwaan, O Jehova;+Makanta ako nin mga pag-umaw* sa saimo sa tahaw kan mga nasyon.+
10 Huli ta an saimong maimbod na pagkamuot dakula, kasinglangkaw kan kalangitan,+Asin an saimong kaimbudan sagkod sa kalangitan.
11 Magpakalangkaw ka nin labaw pa sa kalangitan, O Diyos;Mapasaibabaw lugod kan bilog na daga an saimong kamurawayan.+
Mga Nota
^ O “an kalag ko.”
^ O “an kalag ko.”
^ O “Nagtaan; Naglaag.”
^ O “an kalag ko.”
^ O “Magibo ako nin musika para.”
