Salmo 6:1-10
Para sa direktor nin musika; kakantahon kasabay nin mga instrumentong de-kuwerdas na nakatono sa Sheminith.* Salmo ni David.
6 Kun ika anggot, O Jehova, dai mo ako pagsagwion,Asin kun grabe an saimong kaanggutan dai mo ako pagtanuson.+
2 Kahirakan mo ako,* O Jehova, ta nangluluya ako.
Bulunga ako, O Jehova,+ ta nagkukubog-kubog an mga tulang ko.
3 Iyo, napupurisaw ako* nin grabe,+Asin an hapot ko saimo, O Jehova—sagkod nuarin ini?+
4 Magbalik ka, O Jehova, asin isalbar mo ako;*+Iligtas mo ako huli sa maimbod na pagkamuot mo.+
5 Huling sa kagadanan dai ka na nasasambitan;*Sa Lubungan,* siisay an maumaw sa saimo?+
6 Napapagal na ako huli sa sakong pag-agrangay;+Sa bilog na banggi nasasagom ko nin mga luha an sakuyang higdaan;*Nababaha kan sakong pagtangis an sakuyang kama.+
7 Nagluya an sakong mata huli sa grabe kong kamunduan;+Nagrumarom* iyan huli sa gabos na nang-aatake sa sakuya.
8 Rumayo kamo sako, kamo gabos na naggigibo nin maraot,Huling dadangugon ni Jehova an pagtangis ko.+
9 Dadangugon ni Jehova an pakimahirak ko;+Aakuon ni Jehova an pamibi ko.
10 Mapapasupog asin pangluluyahan nin buot an gabos kong kalaban;Bigla sindang maaratras sa kasusupgan.+
Mga Nota
^ O “Pahilingan mo ako nin pabor.”
^ O “an kalag ko.”
^ O “an kalag ko.”
^ O “nagigirumduman.”
^ Sa literal, “pinapalangoy ko an sakuyang higdaan.”
^ O “Guminurang.”
