Salmo 60:1-12
Para sa direktor nin musika; nasa tono kan “An Liryo nin Pagirumdom.” Sarong Miktam.* Salmo ni David. Para sa pagtutukdo. Kan makipaglaban siya sa mga taga Aram-naharaim saka taga Aram-Zoba; kan si Joab magbalik asin ginaradan an 12,000 na Edomita sa Kababan nin Asin.+
60 O Diyos, isinikwal mo kami; linagbasan mo an mga depensa mi.+
Naanggot ka sa samo; pero ngunyan akuon mo tabi giraray kami!
2 Pinalinog mo an daga; binaak mo ini.
Hirahaya an mga guang kaini, ta natutumpag na ini.
3 Pinangyari mong magsapar nin kasakitan an banwaan mo.
Pinainom mo kami nin arak na nagpasayasay* sa samo.+
4 Tawan* mo nin senyal an mga may pagkatakot sa saimoTanganing makadulag asin makalikay sa pana. (Selah)
5 Tanganing makasalbar an mga namumutan mo,Iligtas mo kami paagi kan tuo mong kamot asin simbagon mo kami.+
6 Sa saiyang kabanalan,* an Diyos nagtaram:“Maggagaya-gaya akong marhay, itatao ko an Sekem bilang pamana,+
Asin susukulon ko an Kababan* nin Sucot.+
7 Sakuya an Gilead, pati an Manases,+Asin an Efraim iyo an helmet* para sa sakong payo;An Juda iyo an sakong baston nin komandante.+
8 An Moab iyo an sakong plangganang hugasan.+
Sa Edom iaapon ko an sakong sandalyas.+
Sa Filistia makurahaw ako huli sa kapangganahan.”+
9 Siisay an madara sa sako sa nasasalikupan na siyudad?*
Siisay an magiya sa sako sagkod sa Edom?+
10 Bakong ika, O Diyos, na nagsikwal sa samo,An samong Diyos, na dai na minaiba sa samong mga hukbo?+
11 Tabangi kami sa samuyang kasakitan,Huling an kaligtasan paagi sa mga tawo daing kamanungdanan.+
12 Paagi sa Diyos magkakamit kami nin puwersa,+Asin saiyang titimak-timakan an samong mga kalaban.+
Mga Nota
^ O “nagparipay-dipay.”
^ O posibleng “Tinawan.”
^ O “Hababang Kapatagan.”
^ O posibleng “Sa saiyang banal na lugar.”
^ Sa literal, “kuta.”
^ O posibleng “sa siyudad na may matibay na depensa.”
