Salmo 76:1-12
Para sa direktor nin musika; kakantahon kasabay nin mga instrumentong de-kuwerdas. Salmo ni Asaf.+ Sarong kanta.
76 An Diyos midbid sa Juda;+Sa Israel bantog an pangaran niya.+
2 Nasa Salem an saiyang sirungan,+Asin nasa Sion an saiyang irukan.+
3 Duman niya piniridaso an nagkakalayong mga pana,An kalasag asin an espada saka an mga armas na panggiyera.+ (Selah)
4 Maliwanagon kang nagkikinang;*Mas mamuraway ka kisa sa mga bukid kan mga naninibang* hayop.
5 Sinamsaman an mga pusuan.+
Nakaturog sinda;Daing maginibo an gabos na parapakilaban.+
6 Huli sa pagsaway mo, O Diyos ni Jacob,An nagpapadalagan kan karwahe saka an kabayo parehong nanok na nakaturog.+
7 Ika sana an maninigo sa pagkatakot asin paggalang.+
Siisay an makakatagal sa grabe mong kaanggutan?+
8 Hali sa langit, saimong ipinahayag an paghukom mo;+An daga natakot asin nagin silensiyo+
9 Kaidtong magtindog an Diyos tanganing maghukom,Para iligtas an gabos na mahuyo sa daga.+ (Selah)
10 Huli ta an grabeng kaanggutan nin tawo maresulta nin kaumawan para sa saimo;+An natatada nindang grabeng kaanggutan ipansasamno mo sa sadiri mo.
11 Maggibo kamo nin mga promesa ki Jehova na saindong Diyos asin utubon nindo an mga iyan,+Lugod na an gabos na nasa palibot niya may pagkatakot na magdara sa saiya nin regalo.+
12 Papakumbabaon niya an mapalangkaw na* mga lider;Kinakatakutan siya kan mga hadi sa daga.
