Salmo 80:1-19
Para sa direktor nin musika; nasa tono kan “An mga Liryo.” Sarong pagirumdom. Salmo ni Asaf.+ Sarong kanta.
80 O Pastor kan Israel, danguga tabi kami,Ika na naggigiya sa Jose nin siring sa sarong aripumpon.+
Ika na nakatukaw sa trono na nasa ibabaw* kan mga kerubin,+Sumirang ka.*
2 Sa atubangan kan Efraim, kan Benjamin, asin kan Manases,Ipahiling mo an saimong kakusugan;+Dumigdi ka tabi asin iligtas mo kami.+
3 O Diyos, ibalik mo kami sa dati;+Pasiranga sa samo an saimong lalawgon,* tanganing makaligtas kami.+
4 Jehova na Diyos nin mga hukbo, sagkod nuarin mo ikakaanggot an* pamibi kan banwaan mo?+
5 Pinapakakan mo sinda nin mga luha bilang tinapay ninda,Asin pinapainom mo sinda nin dakulon na luha.
6 Itinugot mong pag-iriwalan kami kan mga pagtaraid mi;Padagos kaming pigtuya-tuya kan samong mga kalaban sagkod sa gusto ninda.+
7 O Diyos nin mga hukbo, ibalik mo kami sa dati;Pasiranga sa samo an saimong lalawgon, tanganing makaligtas kami.+
8 Pinahali mo sa Ehipto an sarong puon nin ubas.+
Pinalayas mo an mga nasyon asin itinanom iyan.+
9 Naghawan ka nin sarong lugar para diyan,Tapos nagkagamot iyan asin pinano an daga.+
10 An kabukidan nalindungan kan anino kaiyan,Asin an mga sedro nin Diyos nalindungan kan mga sanga kaiyan.
11 An mga sanga kaiyan nakaabot sagkod sa dagat,Asin an mga saringsing kaiyan suminagkod sa Salog.*+
12 Taano ta ginaba mo an mga gapong kudal kan ubasan,+Kaya an gabos na nag-aaragi nagkukurua lugod kan bunga kaiyan?+
13 An mga upon* kan kadlagan sinurungkal iyan,Asin an mga layas na hayop kinarakan iyan.+
14 O Diyos nin mga hukbo, tabi na bumalik ka.
Dumungaw ka hali sa langit asin hilinga!
Atamanon mo an puon nin ubas na ini,+
15 An puon* na itinanom kan saimong tuong kamot,+Asin hilinga an aki* na pinakusog mo para sa saimong sadiri.+
16 Sinusulo iyan,+ pinuputol.
Napapara sinda huli sa pagsaway mo.*
17 Lugod na alalayan kan saimong kamot an tawong yaon sa may tuo* mo,An aki nin tawo na saimong pinakusog para sa sadiri mo.+
18 Dangan dai ka niyamo tatalikdan.
Papagdanayon mo kaming buhay, tanganing makaapod kami sa saimong pangaran.
19 O Jehova na Diyos nin mga hukbo, ibalik mo kami sa dati;Pasiranga sa samo an saimong lalawgon, tanganing makaligtas kami.+
Mga Nota
^ O posibleng “tahaw.”
^ O “Ipahiling mo an saimong kinang.”
^ O “pandok.”
^ Sa literal, “sagkod nuarin ka mag-aaso laban sa.”
^ An buot sabihon, an Eufrates.
^ O “baol; layas na urig.”
^ O “sanga.”
^ O “pinakapuon kan ubas.”
^ Sa literal, “pagsaway kan saimong lalawgon.”
^ O “tuong kamot.”
