Salmo 99:1-9
99 Si Jehova nagin Hadi.+ Magtarakig an mga banwaan.
Nagtutukaw siya sa saiyang trono na nasa ibabaw* kan mga kerubin.+ Matanyog an daga.
2 Sa Sion, si Jehova nangungurog,Asin siya halangkaw sa gabos na banwaan.+
3 Umawon ninda an saimong dakulang pangaran,+Huling kahanga-hanga* asin banal iyan.
4 Makapangyarihan siyang hadi na namumuot sa hustisya.+
Inestablisar mo nin marigon kun ano an matanos.
Pinangyari mong magkaigwa nin hustisya asin katanusan+ sa Jacob.
5 Pamurawayon si Jehova na satuyang Diyos+ asin magduko* kamo sa atubangan kan tungtungan niya;+Banal siya.+
6 Kabilang si Moises asin Aaron sa mga saserdote niya,+Asin kabilang si Samuel sa mga nag-aapod sa pangaran niya.+
Minaapod sinda ki Jehova,Asin sinisimbag niya sinda.+
7 Nagtataram siya sa sainda hali sa hariging panganuron.+
Sinunod ninda an mga pagirumdom niya asin an pagbuot na itinao niya sa sainda.+
8 O Jehova na samuyang Diyos, sinimbag mo sinda.+
Ika sarong Diyos na nagpatawad kaidto sa sainda,+Pero pinadusahan mo sinda* huli sa mga kasalan na ginibo ninda.+
9 Pamurawayon si Jehova na satuyang Diyos+Asin magduko* kamo sa atubangan kan banal na bukid niya,+Huling banal an satuyang Diyos na si Jehova.+
Mga Nota
^ O posibleng “tahaw.”
^ O “nakakapahiro iyan sa saro na magkaigwa nin pagkatakot na may hararom na paggalang.”
^ O “magsamba.”
^ Sa literal, “nagpaabot ka nin pamamalos sa sainda.”
^ O “magsamba.”
