KUN TAANO TA MAHALAGA: An Kahuruhalangkawing Instruktor, si Jehova, iinaalok sa sato an pinakamarahay na edukasyon na posible. Tinutukduan niya kita kun paano mapaparahay an satong buhay asin inaandam kita sa sarong magayunon na puturo—na daing bayad! (Isa 11:6-9; 30:20, 21; Kap 22:17) Paagi sa edukasyon hali sa Diyos, inaandam man kita ni Jehova kun paano ipapaabot sa iba an nagliligtas-buhay na mensahe.​—2Co 3:5.

KUN PAANO GIGIBUHON:

• Patalubuon an mga kuwalidad na kapakumbabaan asin kahuyuan.—Sal 25:8, 9

• Akuon an mga pagsasanay na bukas saimo ngunyan, arog nin asignasyon nin mga estudyante sa pagtiripon sa tahaw kan semana

• Magkaigwa nin espirituwal na mga pasuhan.—Flp 3:13

• Gumibo nin mga pagsasakripisyo para makuwalipikar sa dugang na pagsasanay.—Flp 3:8

HILINGON AN VIDEO NA MAYAMAN SA ESPIRITUWAL HULI SA PAGTUTUKDO NI JEHOVA, DANGAN SIMBAGON AN MINASUNOD NA HAPOT:

• Anong mga ulang an napangganahan kan nagkapirang parahayag tanganing makaatender sa School for Kingdom Evangelizers?

• Anong mga pagsasanay an itinatao sa School for Kingdom Evangelizers?

• Paano an mga naggradwar tinabangan kan mga miyembro kan kongregasyon sa saindang bagong asignasyon?

• Ano an mga kahagadan para makaatender sa School for Kingdom Evangelizers? (kr 189)

• Ano pang ibang pagsasanay an puwede mong abuton sa organisasyon ni Jehova?