Yaon sa Bibliya an mensahe nin Diyos, o tataramon niya, para sa sato ngunyan. Ipinapahiling kaiyan sa sato kun paano magigin mapanggana sa buhay asin kun paano makakamit an pag-uyon nin Diyos. Sinisimbag man kaiyan an minasunod na mga hapot:

An Bibliya kompuwesto nin 66 na saradit na libro. Binanga iyan sa duwang seksiyon: an Hebreo-Aramaikong Kasuratan (“Lumang Tipan”) asin an Griegong Kasuratan (“Bagong Tipan”). An kada libro kan Bibliya binaranga sa mga kapitulo asin bersikulo. Pag may sinambit na teksto, an inot na numero pagkatapos kan pangaran kan libro iyo an kapitulo, asin an sunod na numero o mga numero iyo an bersikulo o mga bersikulo. Halimbawa, an Genesis 1:1 nanunungod sa Genesis kapitulo 1, bersikulo 1.