“Ipasa mo ki Jehova an pagabat na nasa saimo, asin aalalayan ka niya. Dai niya nuarin man papabayaan na matumba an matanos.”

Salmo 55:22

“An mga plano kan mahigos siguradong magigin mapanggana, alagad an gabos na nagpapabigla-bigla siguradong pasiring sa pagkatikapo.”

Talinhaga 21:5

“Dai ka matakot, huli ta kaibanan mo ako. Dai ka maghadit, huli ta ako an saimong Diyos. Papakusugon taka, iyo, tatabangan taka, talagang kakaputan taka kan sakong tuong kamot nin katanusan.”

Isaias 41:10

“Siisay sa saindo an sa paghadit makakadagdag nin maski dikit sa lawig kan saiyang buhay?”

Mateo 6:27

“Kaya dai kamo nuarin man maghadit manungod sa masunod na aldaw, huli ta an masunod na aldaw magkakaigwa kan sadiri kaiyan na mga kahaditan. Tama na sa kada aldaw an sadiri kaiyan na mga problema.”

Mateo 6:34

 “[Siyertuhon] nindo an urog na mahalagang mga bagay.”

Filipos 1:10

“Dai kamo maghadit sa ano man na bagay, kundi sa gabos na bagay paagi sa pamibi asin pagngayo-ngayo na may pagpasalamat, ipaaram nindo sa Diyos an saindong mga kahagadan; asin an katuninungan na itinatao nin Diyos na dai ta kayang masabutan nin lubos mag-iingat sa saindong puso asin sa saindong kakayahan na mag-isip paagi ki Cristo Jesus.”

Filipos 4:6, 7