Tinetentaran ni Satanas an mga tawo na gumibo nin maraot. An saro na gustong magin katuod nin Diyos kaipuhan na ikaanggot an ikinakaanggot ni Jehova. (Salmo 97:10) Uya an nagkapirang bagay na linilikayan kan mga katuod nin Diyos:

Seksuwal na mga Kasalan. “Dai ka magsambay.” (Exodo 20:14) Sala man an pagdudurog bago kasalon.—1 Corinto 6:18.

Pagbuburat. An “mga paraburat . . . [dai] magmamana kan Kahadian nin Diyos.”​—1 Corinto 6:10.

Paggadan, Aborsiyon. “Dai ka maggadan.”​—Exodo 20:13.

Paghabon, o Paghabas. “Dai ka maghabon.”—Exodo 20:15.

Dai Pagsabi nin Totoo. Ikinakaanggot ni Jehova “an putikon na dila.”​—Talinhaga 6:17.

 Kadahasan Asin Daing Kontrol na Kaanggutan. “An siisay man na namumuot sa kadahasan ikinakaungis nanggad” ni Jehova. (Salmo 11:5) Kaiba sa “mga gibo kan laman . . . [an] mga pagputok nin kaanggutan.”​—Galacia 5:​19, 20.

Pagsugal. “Umuntok sa pakikiiba sa siisay man na . . . tawong mahanab.”​—1 Corinto 5:11.

Pagkaanggot sa Ibang Lahi. “Padagos na kamutan an saindong mga kaiwal asin ipamibi idtong mga naglalamag sa saindo.”​—Mateo 5:​43, 44.

An mga bagay na sinasabi sa sato nin Diyos para sa satong ikakarahay. Bako pirming pasil na malikayan an paggibo nin maraot. Sa tabang ni Jehova asin sa tabang kan saiyang mga Saksi, malilikayan mo an paggibo kan mga bagay na ikinakaanggot nin Diyos.​—Isaias 48:17; Filipos 4:13; Hebreo 10:​24, 25.