“Mapasamuya an Kahadian Mo”—Sarong Pamibi na Inuuruutro nin Minilyon na Tawo
Ipinamibi mo na man daw na mag-abot na an Kahadian nin Diyos? Sa laog nin dakul na siglo, inuuruutro kan minilyon an mga tataramon na “Mapasamuya an kahadian mo.” Taano ta inuuruutro ninda iyan? Huling sinabihan ni Jesus an saiyang mga parasunod na ipamibi an Kahadian nin Diyos.
Kan inot, dai nasabutan kan mga parasunod ni Jesus an gabos na sinabi niya manungod sa Kahadian. Sarong beses, naghapot sinda saiya: “Kagurangnan, ibabalik mo na ngunyan sa Israel an kahadian?” Tibaad nagngalas sinda kan dai nagtao nin direktang simbag si Jesus. (Gibo 1:6, 7) Buot sabihon daw kaiyan dai na niyato maaaraman kun ano an Kahadian nin Diyos saka kun nuarin iyan maabot? Dai man!
Tatabangan ka kan isyung ini kan An Torrengbantayan na mahanap an mga simbag sa minasunod na hapot:
Taano ta kaipuhan niyato an Kahadian nin Diyos?
Siisay an Hadi sa Kahadian nin Diyos?
Nuarin mamamahala sa daga an Kahadian nin Diyos?
Ano an gigibuhon kan Kahadian nin Diyos?
Taano ta dapat tang suportaran ngunyan an Kahadian nin Diyos?
Ano an Kahadian nin Diyos?
Puwede Mo Man Magustuhan
AN TORRENGBANTAYAN
Taano ta Dapat Ipamibi na Dumatong Lugod an Kahadian nin Diyos?
Ano an gigibuhon kan Kahadian nin Diyos na dai magigibo nin arin man na gobyerno nin tawo?
MAHALAGANG MGA TUKDO KAN BIBLIYA
Ano an Kahadian nin Diyos?
Sa bilog na ministeryo ni Jesus, mas ipinakipag-ulay niya an dapit sa Kahadian nin Diyos kisa sa iba pang tema. Dakul na taon nang ipinapamibi kan mga tawo na lugod dumatong na an Kahadian na iyan.
