Sarong Okasyon na Dai Nindo Maninigong Mapaltahan

“An lambang marahay na balaog asin lambang sangkap na regalo” hale sa Dios, an satong langitnon na Ama.—Santiago 1:17.

AN PINAKADAKULANG balaog na itinao nin Dios sa makasalan na katawohan iyo an probisyon para sa pagkalda sainda paagi sa saiyang bugtong na Aki, si Jesu-Cristo. An kagadanan ni Jesus, an satong Paratubos, ginigibong posible an buhay na daing katapusan sa sarong paraisong daga. Sa Lucas 22:​19, kita pinagbobotan na girumdomon an saiyang kagadanan.

Mainit kamong iniimbitaran kan Mga Saksi ni Jehova na makiiba sa sainda sa paghimate kan pagboot ni Jesus. Gigibohon an taonan na selebrasyon na ini pagkasolnop kan saldang sa petsa na katimbang kan Nisan 14 sa kalendaryong lunar kan Biblia​—Domingo, Abril 8, 2001. Isurat an petsang ini tanganing dai nindo iyan malingawan. An Mga Saksi ni Jehova sa saindong lugar an makasasabi saindo kan eksaktong lugar na pagtitiriponan asin oras.