Mga Video nin Introduksiyon sa Libro kan Bibliya
Pundamental na impormasyon manungod sa kada libro kan Bibliya.
Introduksiyon sa Genesis
An Genesis nagtatao sato nin mahalagang impormasyon manungod sa ginikanan kan katawuhan saka kun paano nagpuon an pagsakit asin kagadanan.
Introduksiyon sa Exodo
Ilinigtas nin Diyos an mga Israelita sa pagkauripon sa Ehipto asin nagin sarong nasyon na dusay sa saiya.
Introduksiyon sa Levitico
Aramon kun paano ipinahiling sa Levitico an pagigin banal nin Diyos asin kun gurano kahalaga na magin banal kita.
Introduksiyon sa Bilang
Aramon kun taano ta mahalagang marhay na magsunod ki Jehova asin magpahiling nin paggalang sa mga pignombrahan niya na manginot sa saiyang banwaan.
Introduksiyon sa Deuteronomio
Mangnuhon kun paano mahihiling sa Katugunan ni Jehova sa Israel an hararom na pagkamuot niya sa saiyang banwaan.
Introduksiyon sa Josue
Hilingon kun paano sinakop asin pigbanga-banga kan mga Israelita an daga na ipinanuga sainda nin Diyos.
Introduksiyon sa Hukom
An librong ini na pano nin aksiyon pinangaranan basado sa nagin papel kan mga lalaking makukusog an buot asin may makusog na pagtubod na ginamit nin Diyos para iligtas an Israel sa mga nang-aapi sa sainda.
Introduksiyon sa Ruth
Mababasa sa Ruth an manungod sa mapagsakripisyong pagkamuot kan sarong hoben na babaying balo para sa saiyang balong panugangan na babayi asin kun paano sinda parehong binendisyunan ni Jehova.
Introduksiyon sa 1 Samuel
Hilingon an pagbabago sa kasaysayan kan Israel hali sa panahon kan mga Hukom pasiring sa panahon kan pamamahala nin mga hadi.
Introduksiyon sa 2 Samuel
Hilingon kun paanong dahil sa kapakumbabaan saka pagtubod ni David nagin saro siya sa mga pinakanamumutan asin midbid na karakter sa Bibliya.
Introduksiyon sa 1 Hadi
Aramon an kasaysayan kan Israel puon sa mamuraway asin abundang panahon kaiyan sa irarom kan pamamahala ni Hading Solomon sagkod sa maribok na panahon kan duwang kahadian nin Israel asin Juda.
Introduksiyon sa 2 Hadi
Hilingon kun paano an apostasya nakaraot sa norteng kahadian kan Israel, mantang binebendisyunan ni Jehova an nagkapira na naglingkod saiya nin bilog na puso.
Introduksiyon sa 1 Cronica
Subaybayan an rekord nin ginikanan asin an maaksiyon na buhay kan may takot sa Diyos na hading si David puon kan magtukaw siya bilang hadi kan Israel sagkod sa saiyang kagadanan.
Introduksiyon sa 2 Cronica
Aramon kun paano an kasaysayan manungod sa mga hadi kan Juda nagtatampok kan kahalagahan nin kaimbudan sa Diyos.
Introduksiyon sa Esdras
Inutob ni Jehova an panuga niya na patalingkason an saiyang banwaan sa pagkadistiyero sa Babilonya asin ibalik sa Jerusalem an tunay na pagsamba.
Introduksiyon sa Nehemias
An libro kan Bibliya na Nehemias nagtatao nin mahalagang leksiyon para sa gabos na tunay na mga parasamba ngunyan.
Introduksiyon sa Ester
An pambihirang mga pangyayari kan panahon ni Ester mapakusog kan pagtubod mo sa kakayahan ni Jehova na iligtas sa mga pagbalo asin kasakitan an saiyang mga lingkod ngunyan.
Introduksiyon sa Job
Maagi nin pagbalo an gabos na namumuot ki Jehova. Pinapakusog kita kan istorya ni Job na kaya tang mapagdanay an satong integridad asin suportaran an soberaniya ni Jehova.
Introduksiyon sa Salmo
Sinusuportaran kan Salmo an soberaniya ni Jehova, tinatabangan asin rinaranga an mga namumuot sa saiya, asin ipinapahiling kun paano babaguhon an kinaban paagi sa saiyang Kahadian.
Introduksiyon sa Talinhaga
Aramon an madunong na giya nin Diyos sa haros gabos na aspekto nin buhay—sa hanapbuhay man pati na sa pamilya.
Introduksiyon sa Parahulit
Sinambit ni Hading Solomon an mga bagay na talagang mahalaga, dangan pigkumparar niya iyan sa mga bagay na bakong kauyon kan kadunungan nin Diyos.
Introduksiyon sa Awit ni Salomon
An nagdadanay na pagkamuot kan babaying Sulamita para sa pastor ilinadawan bilang ‘an laad ni Jah.’ Taano?
Introduksiyon sa Isaias
An Isaias sarong libro nin mapagtitiwalaan na mga hula na mapakusog kan satong kumpiyansa ki Jehova bilang Parautob kan mga panuga asin an Diyos kan satong kaligtasan.
Introduksiyon sa Jeremias
Maimbod na ginibo ni Jeremias an saiyang asignasyon bilang propeta sa ibong nin mga kadipisilan. Isipon kun ano an maitatabang kaiyan sa maimbod na mga Kristiyano ngunyan.
Introduksiyon sa Lamentacion
Isinurat ni propeta Jeremias, mahihiling sa libro an mga kapahayagan nin pagmundo huli sa pagkalaglag kan Jerusalem asin ipinapahiling kun paano an pagsulsol maresulta sa pagkahirak nin Diyos.
Introduksiyon sa Ezequiel
Mapakumbaba asin may kusog nin buot na ginibo ni Ezequiel an ano man na asignasyon na itinao nin Diyos, gurano man iyan kasakit. An saiyang halimbawa mahalagang marhay para sa sato ngunyan.
Introduksiyon sa Daniel
Si Daniel asin an mga kairiba niya nagdanay na maimbod ki Jehova sa gabos na sitwasyon. An halimbawa ninda patin an kautuban kan propesiya makakatabang sa sato sa panahon na ini nin katapusan.
Introduksiyon sa Oseas
An propesiya ni Oseas nagtatao nin mahalagang mga leksiyon para sa sato ngunyan mapadapit sa pagkahirak ni Jehova sa nagsusulsol na mga parakasala asin an paagi nin pagsamba na inaako niya.
Introduksiyon sa Joel
Nagpropesiya si Joel dapit sa papaabot na “aldaw ni Jehova” asin ipinaaram an panginot na paagi para makaligtas. Idinuduon kan propesiya niya na dapat kitang magin mas apurado ngunyan.
Introduksiyon sa Amos
Ginamit ni Jehova an mapakumbabang lalaking ini para sa sarong mahalagang gibuhon. Anong mahalagang mga leksiyon an manunudan ta sa halimbawa ni Amos?
Introduksiyon sa Abdias
Ini an pinakahalipot na libro sa Hebreong Kasuratan. An propesiya nagtatao nin paglaom asin nanunuga nin pagbindikar sa pagkahadi ni Jehova.
Introduksiyon sa Jonas
An propeta nag-ako nin pagtatanos, nag-utob kan saiyang asignasyon, asin natukduan nin sarong mahalagang leksiyon dapit sa maimbod na pagkamuot asin pagkahirak nin Diyos. May manunudan ka sa saiyang mga eksperyensiya.
Introduksiyon sa Miqueas
An propesiyang ini na ipinasabong nin Diyos makakapakusog kan satong kumpiyansa na an mga hinahagad sa sato ni Jehova rasonable sana asin para sa ikakarahay ta.
Introduksiyon sa Nahum
An propesiya nagtatao sa sato nin kumpiyansa na pirming inuutob ni Jehova an saiyang tataramon asin rinaranga an gabos na naghahanap nin katuninungan asin kaligtasan sa irarom kan saiyang Kahadian.
Introduksiyon sa Habacuc
Makakapagtiwala kita na pirming aram ni Jehova an pinakamarahay na panahon asin pinakamarahay na paagi para iligtas an saiyang mga lingkod.
Introduksiyon sa Sofonias
Taano ta dapat niyatong bantayan an satong sadiri laban sa kaisipan na dai maabot an aldaw nin paghukom ni Jehova?
Introduksiyon sa Haggeo
Idinuduon kan propesiya na mas mahalaga an pagsamba sa Diyos kisa an satong sadiring kapakanan.
Introduksiyon sa Zacarias
Napakusog kan ipinasabong na mga bisyon asin propesiya an banwaan nin Diyos kaidto. An kaparehong mga propesiya padagos na nag-aasigurar sa sato kan pagsuporta ni Jehova sa ngunyan.
Introduksiyon sa Malaquias
Saro ining propesiya dapit sa dai nagbabagong mga prinsipyo, pagkahirak, asin pagkamuot ni Jehova. An propesiya nagtatao man nin mahalagang mga leksiyon sa panahon niyato ngunyan.
Introduksiyon sa Mateo
Magayunon na paagi para maaraman an nagkapirang impormasyon manungod sa librong ini sa Bibliya, an inot sa apat na Ebanghelyo.
Introduksiyon sa Marcos
An libro nin Marcos, an pinakahalipot sa mga Ebanghelyo, nagtatao nin patanaw kan paghadi ni Jesus sa Kahadian nin Diyos.
Introduksiyon sa Lucas
Anong mga impormasyon an mababasa sana sa Ebanghelyo ni Lucas?
Introduksiyon sa Juan
Itinatampok sa libro nin Juan an dapit sa pagkamuot ni Jesus sa katawuhan, an saiyang halimbawa nin kapakumbabaan, asin an saiyang midbidan bilang an Mesiyas—an magigin Hadi sa Kahadian nin Diyos.
Introduksiyon sa Mga Gibo kan mga Apostol
An inot na siglong mga Kristiyano nagin maigot sa paggibo nin mga disipulo sa mga tawo kan gabos na nasyon. Mapapakusog kan libro sa Bibliya na Gibo an saimong kaigutan asin entusiyasmo sa ministeryo.
Introduksiyon sa Roma
Ipinasabong na paggiya manungod sa pagigin mayong pinapalain ni Jehova asin kan kahalagahan kan pagtubod ki Jesu-Cristo.
Introduksiyon sa 1 Corinto
Kaiba sa surat ni Pablo an ipinasabong na sadol manungod sa pagkasararo, kalinigan sa moral, pagkamuot, asin pagtubod sa pagkabuhay liwat.
Introduksiyon sa 2 Corinto
Si Jehova, “an Diyos nin gabos na karangahan,” pinapakusog asin sinususteniran an mga lingkod niya.
Introduksiyon sa Galacia
Kapaki-pakinabang ngunyan an surat ni Pablo sa mga taga Galacia kun paanong kapaki-pakinabang iyan kan primerong isurat iyan. Makakatabang iyan para makapagdanay na maimbod an gabos na tunay na Kristiyano.
Introduksiyon sa Efeso
An ipinasabong na surat na ini nagtatampok kan katuyuhan nin Diyos na magdara nin katuninungan asin pagkasararo paagi ki Jesu-Cristo.
Introduksiyon sa Filipos
Pag marigon kitang naninindugan dawa may pagbalo, matatabangan ta an iba na manindugan.
Introduksiyon sa Colosas
Mapapaugma ta si Jehova paagi sa pag-aplikar kan satong nanunudan, lubos na pagpatawad sa lambang saro, saka pagmidbid sa posisyon asin awtoridad ni Jesus.
Introduksiyon sa 1 Tesalonica
Kaipuhan tang magdanay na mata sa espirituwal, “siyertuhon an gabos na bagay,” “danay na mamibi,” asin pakusugon an lambang saro.
Introduksiyon sa 2 Tesalonica
Itinanos ni Pablo an salang pagmansay mapadapit sa pag-abot kan aldaw ni Jehova, asin pinakusog niya an mga tugang na magin marigon sa pagtubod.
Introduksiyon sa 1 Timoteo
Isinurat ni Pablo an 1 Timoteo para ipaaram an organisasyonal na mga areglo sa kongregasyon asin patanidan sinda laban sa palsong mga katukduan saka pagkamuot sa kuwarta.
Introduksiyon sa 2 Timoteo
Pinakusog ni Pablo si Timoteo na lubos na utubon an saiyang ministeryo.
Introduksiyon sa Tito
Tinukar sa surat ni Pablo ki Tito an mga problema sa mga kongregasyon sa Creta asin isinaysay an espirituwal na mga kuwalipikasyon para sa mga magurang sa kongregasyon.
Introduksiyon sa Filemon
An halipot pero mapuwersang surat na ini igwa nin praktikal na mga leksiyon manungod sa kapakumbabaan, kabuutan, asin pagpapatawad.
Introduksiyon sa Hebreo
An Kristiyanong pagsamba nakabase sa mas nakakalabi pang areglo nin pagsamba kisa sa pisikal na mga templo asin mga atang na hayop.
Introduksiyon sa Santiago
Naggamit si Santiago nin malinaw na mga ilustrasyon para itukdo an mahalagang mga prinsipyo na dapat sunudon kan mga Kristiyano.
Introduksiyon sa 1 Pedro
An inot na surat ni Pedro nagdadagka sa sato na magin aktibo asin na ipasa sa Diyos an gabos niyatong kahaditan.
Introduksiyon sa 2 Pedro
Dinadagka kita kan ikaduwang surat ni Pedro na magin maimbod mantang hinahalat ta an bagong langit asin bagong daga.
Introduksiyon sa 1 Juan
An surat ni Juan nagpapatanid sato tumang sa anticristo asin tinatabangan kitang maaraman kun ano an dapat asin dai dapat mamutan.
Introduksiyon sa 2 Juan
Ipinagirumdom sa sato kan ikaduwang surat ni Juan na padagos kitang maglakaw sa katotoohan asin mag-ingat sa mga paradaya.
Introduksiyon sa 3 Juan
An ikatulong surat ni Juan nagtutukdo nin magayon na leksiyon mapadapit sa pagigin mapag-istimar nin mga Kristiyano.
Introduksiyon sa Judas
Isinaysay ni Judas an tusong mga paagi kan mga gustong dayaon asin impluwensiyahan an mga Kristiyano.
Introduksiyon sa Kapahayagan
Ihinahayag kan malinaw na mga bisyon sa Kapahayagan kun paano uutubon kan Kahadian nin Diyos an katuyuhan kaini para sa mga tawo asin sa daga.
Introduksiyon sa Bibliya
Hilingon kun paano ihinahayag kan kada libro an pinakatema kan Bibliya—an pagbindikar sa pangaran ni Jehova paagi sa Kahadian sa pamamahala ni Cristo Jesus.
