Kanta 134
Imahinara Kun Bago Na an Gabos na Bagay
(Kapahayagan 21:1-5)
1. Isipon ta, kita gabos
Duman sa bagong kinaban nin Dios.
’Baang siram kun buhay ta
Trangkilo na, matoninong pa.
Bikong tawo linaglag na;
Paghade nin Dios mapanggana.
Bago na gabos na bagay sa daga.
Pag-omaw sa Dios odok na awiton ta:
(KORO)
“Jehova, ginibo mo marahay,
Binago mo an gabos na bagay
Paagi sa paghade kan s’imong Aki.
Ika angay na pag-omawon mi pirme.”
2. O tanawa, yaon kita
Sa kinaban na gabos bago na.
Mawawara an dahelan
Na matakot o mahandal man.
Otob gabos, pangako nia;
Katawohan nasa tolda nia.
Pupukawon nia an mga nagadan;
Sa pagpasalamat sinda maawit man:
(KORO)
“Jehova, ginibo mo marahay,
Binago mo an gabos na bagay
Paagi sa paghade kan s’imong Aki.
Ika angay na pag-omawon mi pirme.”
(Helingon man an Sal. 37:10, 11; Isa. 65:17; Juan 5:28; 2 Ped. 3:13.)
