Dai, dai ka obligadong magin Saksi. Minilyon ngunyan an nauugma sa samong programa nin pag-adal sa Bibliya na dai man nagigin Saksi ni Jehova. a An katuyuhan kan samong programa nin pag-adal iyo na tabangan an mga tawo na maaraman an itinutukdo kan Bibliya. Ika an madesisyon kun ano an gigibuhon mo sa nanunudan mo. Aram mi na personal na desisyon an pagpili nin relihiyon.—Josue 24:15.

 Iyo. Pero an Bibliya na pirmi ming ginagamit iyo an New Translation of the Holy Scriptures ta mas madali ining masabutan. Puwede mi ikang tawan nin libreng kopya kun gusto mo. Pero mayo man nin problema kun mas gusto mong gamiton an sadiri mong Bibliya. An mensahe kan Bibliya manungod sa paglaom asin kaligtasan puwede mong maaraman sa haros gabos na bersiyon nin Bibliya.

•   An pinakanakakapahiro samo na gibuhon iyan iyo an pagkamuot sa Diyos na Jehova. Gusto niya na itukdo kan mga Kristiyano sa iba an mga nanunudan ninda. (Mateo 22:37, 38; 28:19, 20) Para samo, dakulang pribilehiyo na magin “kapwa trabahador nin Diyos” sa pagtabang sa mga tawo na maaraman an itinutukdo kan saiyang Tataramon.—1 Corinto 3:6-9.

•   Napapahiro man kami kan pagkamuot sa samong kapwa. (Mateo 22:39) Nauugma kaming sabihon sa iba an marahayon na mga bagay na nanunudan mi.—Gibo 20:35.